EKSODOS 3:7 - KA BAIBL

⁷ U Trai u la ong ruh, “Nga la ïohi shisha ïa ka jingshitom ki briew jong nga kiba ha ka ri Ijipt, bad nga la ïohsngew ïa ka jinglynñiar jong ki namar ki sordar jong ki; naba nga la tip ïa ka jingsngewsih sat jong ki;

Khasi CL Bible (BSI)

⁷ Nangta U Trai u ong, “Nga la ïohi haduh katno la pynshitom beiñ ïa ki briew jong nga ha Ijipt; nga la ïohsngew ruh ba ki ud ban ïohlait noh na ki nongpyntrei mraw jong ki. Nga tip ïa ki jingshah shitom jong ki baroh,

EKSODOS 3:7 ပူးပေါင်းရင်းမြစ်များ

JENESIS 16:11

Bad uta u angel U Trai u la ong ruh ha ka, “Ha khmih, pha la punkhun bad phan kha ïa u khun, bad phan khot kyrteng ‘u Ishmael’ ïa u; naba U Trai u la shahshkor ïa ka jingsngewjynjar jong pha.

JENESIS 18:21

ngan leit hiar mynta, ngan da khmih ruh la shisha ne em ba ki la leh syndon kumba la long kata ka jingpyrta jong ki, kaba la poi haduh ha nga; te lymda kumta, ngan ïoh tip ïa kata.”

JENESIS 21:17

Te U Blei u la ïohsngew ïa ka jingud lynñiar uta u khynnah; bad u angel U Blei u la khot ïa ka Hagar na bneng, bad u la ong ha ka, “Ka la jia aïu ïa pha Hagar? to wat sheptieng ho; naba U Blei u la ïohsngew ïa ka jingud lynñiar u khynnah nangtai ha kaba u don keiñ.

JENESIS 29:32

Bad ka Leah ka la punkhun bad ka la kha ïa u khun, bad ka la khot kyrteng “u Reuben” ïa u: naba ka la ong, “Shisha U Trai u la khmih ïa ka jingsngewshitom jong nga; namar kata, mynta u tnga jong nga un ieit ïa nga.”

JENESIS 31:12

U te u la ong, ‘To khmied mynta ïa la ki khmat, to khmih ruh, ki langbrot shynrang baroh kiba beh pakor ïa ki langbrot ki long ki bathoh syngkha, ki bathoh bruiñ, bad ki bathoh bria: naba nga la ïohi baroh kat kaba u Laban u la leh ïa me.

JENESIS 31:42

Lymda U Blei jong u kpa jong nga, uba U Blei jong u Abraham bad uba ka jingsheptieng burom jong u Isaak u la don lem bad nga, shisha men da la lah phah noh suda ïa nga mynta. Ïa ka jingkhuslai jong nga bad ïa ka jingleh minot ki kti jong nga U Blei u la ïohi, te u la sneng pynrem ïa me mynhynne mynmiet.”

2 SAMUEL 22:28

Bad ïa kita ki briew ki bajynjar men pynim: hynrei, ki khmat jong me ki ha kita kiba sngewmeng, ïa ka ban pynpoh ïa ki.

2 SYIEM 13:4

Te u Jehoahas u la kyrpad ïa U Trai, bad U Trai u la shahshkor ïa u; naba u la ïohi ïa ka jingbanbeiñ ïa ki Israel, kumno ba u syiem ka Syria u la banbeiñ ïa ki.

2 SYIEM 20:5

“To phai pat, bad to ong ha u Hesekaïah u rangbah u paidbah jong nga, ‘Kumne ong U Trai, U Blei u Dabid u kpa jong me, Nga la shahshkor ïa ka jingduwai jong me, nga la ïohi ïa ki ummat jong me: ha khmih, ngan pynkhiah ïa me: ha ka sngi ka balai men leit kiew sha ka ïing U Trai.

NEHEMAÏAH 9:9

“Bad me la ïohi ïa ka jingshitom ki kpa jong ngi ha Ijipt, bad me la ïohsngew ïa ka jinglynñiar jong ki harud ka Duriaw Basaw;

SALM 106:44

La kumta ruh, u la ju khmih ha ka jynjar jong ki, haba u ïohsngew ïa ka jingkyang jong ki:

SALM 12:6

Ki ktien U Trai ki long ki ktien ki bakhuid; kum ka rupa ba la phrang ha ka shlem ha ka khyndew, ba la pynkhuid hynñiew sien.

SALM 142:3

Haba la tyllep ïa ka mynsiem jong nga hapoh jong nga, me la tip ïa ka lynti jong nga. Ha ka lynti kaba nga ïaid ki la buhrieh ïa ka jingriam ïa nga.

SALM 145:19

Un pyndap ïa ka jingkwah jong kiba sheptieng ïa u; un sngew ïa ka jinglynñiar jong ki ruh, bad un pynim ïa ki.

SALM 22:24

Namar um shym ñiewbeiñ, lymne isih ïa ka jynjar jong u bajynjar; lymne um shym buhrieh ïa la ka khmat na u; hynrei, haba u la lynñiar ha U, U la ïohsngew.

SALM 34:4

Nga la wad ïa U Trai, bad u la phai ktien ïa nga, bad u la pyllait ïa nga na ki jingsheptieng jong nga baroh.

SALM 34:6

Une u rangli u la lynñiar, te U Trai U la ïohsngew ïa u, bad U la pynim ïa u na ki jingjynjar jong u baroh.

SALM 35:22

Me la ïohi, A Trai; wat sngap jar: A Trai, wat long jngai na nga.

SALM 9:14

ba ngan ïoh pynbna ïa ka jingïaroh jong me baroh: ha ki khyrdop ka khun ka Seïon, ngan shadkmen ha ka jingpynim jong me.

EKSODOS 1:11

Namar kata, ki la thung ïa ki sordar halor jong ki ban pynshitom ïa ki da ki jingkit jong ki. Te ki la tei ki nongbah ki jingkynshew ïa u Pharaoh, ka Pithom bad ka Raamses keiñ.

EKSODOS 1:8

Ynda kumta te, la mih u syiem thymmai ha ka ri Ijipt, u bym shym la ithuh ïa u Joseph.

EKSODOS 22:23

Lada men lehbeiñ ïa ki ha kano kano ka rukom, bad ba kin shu kyrpad ha nga, nga da shisha ngan sngap ïa ka jingkyrpad jong ki;

EKSODOS 33:13

Mynta, namar kata, nga kyrpad ïa me, lada nga la shem ïa ka jingsngewbha ha khmat jong me, to pyni ha nga ïa ka lynti jong me, ba ngan ïoh ithuh ïa me, bad ba ngan ïoh shem ïa ka jingsngewbha ha khmat jong me: to khmih ruh ba kane ka jaid bynriew ka long u paidlang jong me.”

EKSODOS 5:10

Te kita ki sordar jong u paidbah ki la ïamih noh, bad ki rangbah jong ki, bad ki la kren ha u paidbah, ki da ong, “Kumne u ong u Pharaoh, ‘Ngan ym ai 'langïap shuh ïa phi.

EKSODOS 5:6

Bad u Pharaoh u la hukum ha kajuh ka sngi ïa ki sordar jong kita ki briew, bad ïa ki rangbah jong ki, u da ong,

ISAÏAH 63:9

Ha ka jingshitom jong ki baroh u la shah shitom, bad u angel na khmat jong u, u la pynim ïa ki; ha ka jingieit jong u bad ha ka jingsngewsynei jong u, u la siewspah ïa ki; te u la kynthup ïa ki, u la bah ruh ïa ki ha la ka sngi naduh mynhyndai.

JINGKHEIÑ 20:16

bad haba ngi la kyang duwai ha U Trai, u la shahshkor ïa ka ktien jong ngi, bad u la phah ruh ïa u angel jong u, bad u la pynmih noh ïa ngi na kata ka ri Ijipt: te ha khmih, ngi don ha Kadesh, ka shnong ha ka bakut ka pud jong me:’

KI KAM 7:34

Shisha nga la ïohi ïa ka jingshahshitom ki briew jong nga kiba ha Ijipt, bad nga la ïohsngew ïa ka jingud jong ki, bad nga la wan hiar ban pyllait noh ïa ki. Mynta, to ale, ngan phah ïa me sha Ijipt.’

HEBRU 4:15

Namar ngim don u Rangbah lyngdoh u bym lah ban ïasngewlem bad ki jingtlot jong ngi; hynrei, ïa uba la pynshoi ha kiei kiei baroh syriem ïa ngi, hynrei, khlem pop.

1 SAMUEL 9:16

“Lashai hamar kane ka por ngan phah sha me ïa u briew uba na ka ri Benjamin, te men pynsleh ïa u ban long u nongïalam halor ki briew jong nga ki Israel, bad un pyllait ïa ki briew jong nga na ka kti ki Philistia: namar nga la khmih ïa la ki briew, naba ka jinglynñiar jong ki ka la poi sha nga.”