EKSODOS 3:5 - KA BAIBL

⁵ Te u la ong, “Wat wan hajan shane: to da loit noh ïa ki juti jong me na la ki sla'jat, naba kata ka jaka ha kaba me ïeng ka long ka khyndew bakyntang.”

Khasi CL Bible (BSI)

⁵ “Wat wan sha jan,” ong U Blei. “Loit noh ïa la ki juti, namar me ïeng ha ka jaka kaba khuid.

EKSODOS 3:5 ပူးပေါင်းရင်းမြစ်များ

EKSODOS 19:12

Men buh ruh ïa ki pud ïa u paidbah baroh sawdong, da ong, ‘To sumar ïa lade, ba phin ym kiew sha uta u lum, lane ktah ïa ki rud jong u: uno uno ruh uba ktah ïa uta u lum yn pynïap shisha ïa u;

EKSODOS 19:21

Bad U Trai u la ong ha u Moses, “To leit hiar, to hukum skhem ïa ki briew, ba ïoh kin tur lyngba ha U Trai ban khmih shaiñ, bad ba ïoh bun na ki kin ïap noh.

EKSODOS 4:28

Bad u Moses u la ïathuh ha u Aaron ïa ki ktien baroh jong U Trai uba la phah ïa u, bad ïa kita ki dak phylla baroh ïa kiba u la lah hukum ïa u.

EKLESIASTIS 5:1

Sumar ïa la ka sla'jat haba me leit ha ka ïing U Blei; namar kaba leit hajan ban sngap, ka long kham bha ban ïa ka ban ai ka jingainguh kiba bieit: namar ki kim tip ba ki leh sniew.

JEREMAÏAH 30:21

Bad u syiem jong ki un long napdeng jong ki hi, bad u nongsynshar jong ki un mih napdeng jong ki: bad ngan pynwan ïa u hajan, bad un wan sha jan jong nga: namar uei uta uba la ïoh ka jingshlur ban wan sha jan jong nga?” ong U Trai.

LEBITIKOS 10:3

Te u Moses u la ong ha u Aaron, “Kane ïa kaba U Trai u la kren, u da ong, ‘Yn pynkyntang ïa nga ha kita kiba wan hajan jong nga, bad yn pyndonburom ïa nga ha khmat u paidlang baroh.’ ” U Aaron te u la sngap.

KI KAM 7:33

Te U Trai u la ong ha u, ‘To loit noh ïa ki juti na ki kjat jong me, naba ka jaka ha kaba me ïeng, ka long ka khyndew ka bakhuid.

DEUTERONOMI 23:14

naba U Trai uba U Blei jong me u ïaid hapdeng ki dara jong me, ban pynim ïa me, bad ban aiti ïa ki nongshun jong me ha khmat jong me; namar kata, kita ki dara jong me kin long bakhuid; ba un ym ïohi kaei kaei ruh kaba tngit ha me, bad un phai noh na me.

HEBRU 12:20

namar kim lah shah keiñ ïa kata ba la hukum, “Wat lada u mrad un ktah ïa uta u lum, yn lynthem ïa u.”

JOSHUA 5:15

Te uta u kaptan jong u paidïapom jong U Trai u la ong ha u Joshua, “To loit noh la ki juti na la ki sla'jat; namar kata ka jaka ha kaba me ïeng ka bakhuid.” Te u Joshua u la leh kumta.

2 PETROS 1:18

Te ïa kane ka ktien, ngi la ïohsngew ma ngi ba ka da wan na bneng, mynba ngi ïadon lem bad u ha uta u lum bakyntang.