EKSODOS 3:4 - KA BAIBL

⁴ Te mynba U Trai u la ïohi ba u la phai kyrpang ban jngoh, U Blei u la khot ïa u napdeng kata ka 'law lynnong, bad u da ong, “Ko Moses, Ko Moses.” U te u la ïathuh, “Ha khmih ma nga.”

Khasi CL Bible (BSI)

⁴ Haba U Trai u ïohi ba u Moses u wan kham hajan, u khot ïa u napdeng kata ka 'lawlynnong, bad u ong, “Moses! Moses!” U ruh u jubab, “Oi! Nga don hangne.”

EKSODOS 3:4 ပူးပေါင်းရင်းမြစ်များ

JENESIS 22:1

Bad ka la jia hadien kine kiei kiei ruh, ba U Blei u la tynjuh ïa u Abraham, bad u la ong ha u, “Ko Abraham”: bad u la ïathuh, “Ha khmih, ma nga.”

JENESIS 22:11

Te u angel U Trai u la khot kloi ïa u na bneng, bad u la ong, “Ko Abraham, Abraham”: u te u la ong, “Ha khmih, ma nga.”

JENESIS 28:16

Bad u Jakob u la kyndit thiah, bad u la ong, “Shisha U Trai u don ha kane ka jaka; bad ma nga ngam shym la tip ïa kata.”

JENESIS 46:2

Bad U Blei u la kren ha u Israel da ki jingithuhpaw mynmiet, bad u la ong, “Ko Jakob, Jakob.” U ruh u la ong, “Ha khmih ma nga.”

SALM 62:11

U Blei u la kren shi sien, ar sien nga la ïohsngew ïa kane; ba ka bor ka dei ka jong U Blei:

EKSODOS 19:3

Bad u Moses u la leit kiew sha U Blei, te U Trai u la khot ïa u na uta u lum, u da ong, “Kumne men ong ha ka ïing u Jakob, bad men ïathuh ha ki khun Israel:

EKSODOS 3:2

Bad u angel U Trai u la mihpaw ha u ha ka thylliej ding napdeng ka 'law lynnong: te u la khmih, bad ha khmih, kata ka 'law lynnong ka la ing da ka ding, hynrei, kata ka 'law lynnong kam ing duh noh.

EKSODOS 33:12

Te u Moses u la ong ha U Trai, “Ha khmih, me la ong ha nga, ‘To ïalam artet ïa une u paidbah:’ bad mem shym la pyntip ïa nga ïano men phah ryngkat bad nga. Pynban me la ong, ‘Nga ithuh ïa me da ka kyrteng, bad me la shem ruh ka jingsngewbha ha khmat jong nga.’

EKSODOS 4:5

“ba kin ïoh ngeit ba U Trai uba U Blei ki kpa jong ki, U Blei u Abraham, bad U Blei u Isaak, bad U Blei u Jakob ruh, u la mihpaw ha me.”

LEBITIKOS 1:1

Bad U Trai u la khot ïa u Moses, bad U la kren ha u na Ka Tabernakl ka jingïaseng, u da ong,

KI KAM 10:13

Te la wan ka ktien ha u, “To ïeng, ko Petros, to pynïap to bam ruh.”

KI KAM 10:3

U la ïohi shynna ha ka jingithuhpaw, hamar kaba khyndai baje mynsngi, ïa u angel U Blei ba u wan hapoh ha u, bad ba u ong ha u, “Ko Kornilios.”

KI KAM 9:4

te u la kyllon kram ha khyndew, bad u la ïohsngew ïa ka ktien kaba ong ha u, “A Saul, Saul, balei me pynshitombeiñ ïa nga?”

DEUTERONOMI 33:16

bad da ki jingkordor jong ka khyndew bad ka jingdap jong ka, bad da ka mon sngewbha jong uta uba la shong ha kata ka 'law lynnong: te ai ba kin wan ha ka khlieh u Joseph, bad ha ka shynrong khlieh jong uta ïa uba la pynkhlad na la ki hynmen.

1 SAMUEL 3:10

Bad U Trai u la wan, bad U la ïeng, bad U la khot kumba mynshuwa, “Samuel, Samuel.” Te u Samuel u la ong, “To kren; naba u shakri jong me u ïohsngew.”

1 SAMUEL 3:4

kumta, U Trai u la khot ïa u Samuel: u ruh u la ong, “Nga hangne.”

1 SAMUEL 3:6

Te U Trai u la nang khot ïa u pat, “Samuel.” Bad u Samuel u la khie bad u la leit sha u Eli, bad u la ong, “Nga hangne; ba me la khot ïa nga.” U te u la ong, “Ngam shym khot, ko khun; leit thiah pat.”

1 SAMUEL 3:8

Bad U Trai u la khot pat ïa u Samuel ka balai sien. Bad u la khie bad u la leit sha u Eli, bad u la ong, “Nga hangne; ba me la khot ïa nga.” Te u Eli u la tip ba dei U Trai uba la khot ïa u khynnah.