EKSODOS 3:22 - KA BAIBL

²² hynrei, ka kynthei baroh kan pan na la ka paramarjan, bad na kata kaba shong basa ha ïing jong ka, ïa ki jingdeng rupa, bad ïa ki jingdeng ksiar, bad ïa ki jaiñkup jaiñsem: bad phin pynkup ïa ki ha ki khun shynrang jong phi bad ha ki khun kynthei jong phi; bad phin lute ïa ki Ijipt.”

Khasi CL Bible (BSI)

²² Man la ka kynthei Israel kan pan ïa ki jingdeng ksiar bad jingdeng rupa, bad ïa ki jaiñkup jaiñsem ruh, na la ka paramarjan nong Ijipt bad na ka kynthei Ijipt kaba shong basah ha ïing jong ka. Ki Israel kin buh ïa kine kiei kiei ha la ki khun shynrang bad kynthei bad kit noh ïa ka spah jong ki nong Ijipt.”

EKSODOS 3:22 ပူးပေါင်းရင်းမြစ်များ

JENESIS 15:14

bad ïa kata ka jaid bynriew ruh, ïa kaba ki kin ïashakri, ngan da bishar: bad hadien kata, kin ïamih noh bad ka spah shibun.

JENESIS 24:53

Bad uta u shakri u la sei noh ïa ki jingdeng rupa, bad ïa ki jingdeng ksiar, bad ïa ki jaiñkup, bad u la ai ïa ki ha ka Rebekka: bad ïa kiei kiei kiba kordor u la ai ha u hynmen jong ka bad ha ka kmie jong ka.

SALM 105:37

Bad u la pynmih noh ïa ki bad ka rupa bad ka ksiar: te ym shym la don uwei uba tlot hapdeng ki jaid jong ki.

EKSODOS 11:2

To kren mynta ha kaba ïohsngew u paidbah, bad to ai ba u briew baroh un pan na la u paramarjan, bad ka kynthei baroh na la ka paramarjan ïa ki jingdeng rupa bad ïa ki jingdeng ksiar.”

PROBERB 13:22

U briew u babha un iehnoh sah ïa ka bynta pateng ha ki khun ki khun jong u; bad ïa ka spah jong u nongpop la tyngkai ïa u bahok.

ISAÏAH 33:1

Kordit ïa me uba lute, te ïa me ym shym la lute; bad uba leh shukor, te kim shym la leh shukor ïa me! Ynda me la wai noh ban lute, yn sa lute ïa me; bad ynda me la pynkut noh ban leh shukor, kin sa leh shukor ïa me.

ESEKIEL 39:10

kumta, kin ym khar dieng na lum, lymne thoh dieng na khlaw; namar kin sliew ding da kita ki tiar ïapom: te kin lute ïa kita kiba la lute ïa ki, bad kin kurup ïa kita kiba la kurup ïa ki,” ong U Trai U Blei.