EKSODOS 3:20 - KA BAIBL

²⁰ Namar kata, ngan kner ïa la ka kti, bad ngan shoh ïa ka ri Ijipt da ki kam phylla jong nga baroh ïa kiba ngan sa leh hapdeng jong ka: hadien kata te, un sa pyllait noh ïa phi.

Khasi CL Bible (BSI)

²⁰ Hynrei ngan pyn-i ïa la ka bor bad ngan pynshitom ïa ka ri Ijipt da kaba leh hangta ïa kiei kiei kiba shyrkhei. Hadien kata un sa shah ba phin leit.

EKSODOS 3:20 ပူးပေါင်းရင်းမြစ်များ

JENESIS 15:14

bad ïa kata ka jaid bynriew ruh, ïa kaba ki kin ïashakri, ngan da bishar: bad hadien kata, kin ïamih noh bad ka spah shibun.

NEHEMAÏAH 9:10

bad me la pyni ïa ki dak phylla bad ki jingphylla halor u Pharaoh, bad halor ki shakri jong u baroh, bad halor ki briew ka ri jong u baroh; namar me la tip ba ki la leh khraw halor ïa ki; bad me la ïoh nam ïa lade, kumba ha kane ka sngi.

SALM 105:27

U la buh hapdeng jong ki ïa ki dak jong u, bad ïa ki jingphylla ha ka ri u Ham.

SALM 105:38

Ka Ijipt ka la kmen haba ki la leit noh; naba ka jingsheptieng ïa ki ka la ngat halor jong ki.

SALM 106:22

ki kam kiba phylla ha ka ri u Ham, bad kiei kiei kiba itieng ha ka Duriaw Basaw.

EKSODOS 11:1

Te U Trai u la ong ha u Moses, “Ngan da wallam shuh sa kawei ka jingpynïapthem halor u Pharaoh, bad halor ka ri Ijipt; hadien kata te, un sa pyllait noh ïa phi nangne: haba un da pyllait noh ïa phi, shisha un da beh noh ïa phi nangne baroh phar.

EKSODOS 12:39

Te ki la shet ïa u kpu bakhlem thiat da uta u kpu im ïa uba ki la wallam na ka ri Ijipt, naba ym shym la khleh thiat ïa u; namar la beh noh ïa ki na ka ri Ijipt, katba kim lah ban sangeh shuh, lymne kim shym la ïoh khreh jingbam ïa lade.

EKSODOS 13:3

Te u Moses u la ong ha u paidbah, “To kynmaw phi ïa kane ka sngi, ha kaba phi la wan noh na ka ri Ijipt, na kata ka ïing ka jingpynlong mraw; naba da ka kti badonbor U Trai u la ïalam noh ïa phi nangta: wat bam ïa u kpu ba dei thiat.

EKSODOS 13:9

Kane te kan sa long ka dak ïa me ha ka kti jong me, bad kum ka jingpynkynmaw hapdeng ki khmat jong me, khnang ba ka hukum U Trai kan da long ha ka shyntur jong me: namar da ka kti badonbor U Trai u la ïalam noh ïa me na ka ri Ijipt.

EKSODOS 15:11

“Uei uba kat ma me, A Trai, hapdeng ki blei? uei uba kat ma me uba tyngshaiñ ha ka jingkhuid, uba itieng ha ki jingïaroh, uba leh ïa ki kam phylla?

EKSODOS 15:6

Ka kti kamon jong me, A Trai, ka long kaba donburom ha ka bor, ka kti kamon jong me, A Trai, ka la lympat lyngkhot lyngkhai ïa ki nongshun.

EKSODOS 4:21

Bad U Trai u la ong ha u Moses, “Ynda me la leit phai pat sha ka ri Ijipt, to sumar ba men leh ha khmat u Pharaoh ïa kita ki kam phylla baroh ïa kiba nga la ai ha ka kti jong me: hynrei, ngan pyneh ïa ka dohnud jong u, te un ym pyllait noh ïa u paidbah.

EKSODOS 6:1

Ynda kumta, U Trai u la ong ha u Moses, “Mynta men ïohi kaei ba ngan sa leh ïa u Pharaoh: naba da ka kti badonbor un pyllait noh ïa ki, bad da ka kti badonbor un pynmih noh ïa ki na ka ri jong u.”

EKSODOS 6:6

Namar kata, to ong ha ki khun Israel, ‘Nga long ma nga U Jehobah, bad ngan wallam noh ïa phi napoh ka jingpynshitom ki Ijipt, bad ngan pyllait noh ïa phi na ka jingpynlong mraw jong ki, bad ngan siewspah ïa phi da ka ksang'ti ba la kner, bad da ki jingbishar bakhraw:

EKSODOS 9:15

Naba lada nga la lah kner ïa la ka kti, bad shoh ïa me bad ïa ki briew jong me da ka jingïapthem, te ïa me la lah ot noh na ka pyrthei;

ISAÏAH 19:22

Te U Trai un shoh ïa ka Ijipt, un shoh bad pynkhiah; kin wan phai ruh sha U Trai, te kin kyrpad ïa u, bad un pynkhiah ïa ki.

ISAÏAH 26:11

Ko Trai, ïa ka kti jong me la kyntiew, pynban, kim ïohi: hynrei, kin sa ïohi ïa ka jingshitrhem jong me ïa u paidlang, bad yn pynlehrain ïa ki; shisha keiñ, ka ding kan bam duh ïa ki nongshun jong me.

ESEKIEL 20:33

“Katba nga im,” u ong U Trai U Blei, “da shisha da ka kti badonbor, bad da ka ksang'ti ba la sei, bad da ka jingotshla ba la theh noh, ngan long u syiem halor jong phi:

MIKAH 7:15

Kum ha kita ki sngi ka jingwan mih jong me na ka ri Ijipt, ngan pyni ha u ïa kiei kiei kiba phylla.

KI KAM 7:36

Une u briew, u la ïalam noh ïa ki, ynda u la leh ki jingphylla bad ki dak khyllah ha Ijipt, bad ha ka Duriaw Basaw, bad ha ka ri khlaw ruh sawphew snem.

DEUTERONOMI 4:34

Lane U Blei u la pyni da kaba leit shim ha lade ïa ka jaid bynriew napdeng kawei pat ka jaid bynriew, da ki jingtynjuh, da ki dak khyllah, bad da ki jingphylla, bad da ka thma, bad da ka kti badonbor ruh, bad da ka ksang'ti ba la kner, bad da ki jingsheptieng bakhraw ruh, kat kumba baroh ïa kaba U Trai uba U Blei jong phi u la leh na ka bynta jong phi ha ka ri Ijipt ha khmat jong phi?

DEUTERONOMI 6:22

U Trai u la pyni ruh ïa ki dak, bad ïa ki jingphylla, kiba khraw bad ki bajynjar sat, halor ka Ijipt, halor u Pharaoh, bad halor ka ïing jong u baroh, ha khmat jong ngi keiñ:

NONGBISHAR 6:8

U Trai u la phah ïa u nongïathuhlypa ha ki khun Israel: bad u la ong ha ki, “Kumne u ong U Trai, U Blei jong ki Israel: ‘Nga la wallam noh ïa phi na ka ri Ijipt, bad nga la pynmih noh ïa phi na ka ïing ka jinglongmraw;

NONGBISHAR 8:16

Te u la shim ïa ki basan ka shnong, bad ki shiah khlaw bad ki ñiut shiah, bad da kita u la sneng ïa ki rangbah Sukkoth.