EKSODOS 3:19 - KA BAIBL

¹⁹ Te nga tip skhem ba u syiem ka ri Ijipt un ym shah ïa phi ban leit, lymda da ka kti badonbor.

Khasi CL Bible (BSI)

¹⁹ Nga tip ba u Pharaoh un ym shah ïa phi ban leit lymda la pynbor ïa u ban leh kumta.

EKSODOS 3:19 ပူးပေါင်းရင်းမြစ်များ

EKSODOS 10:20

Hynrei, U Trai u la pyneh ïa ka dohnud u Pharaoh, ba kumta un ym pyllait noh ïa ki khun Israel.

EKSODOS 11:10

U Moses ruh bad u Aaron ki la leh ïa kine ki dak khyllah baroh ha khmat u Pharaoh: te U Trai u la pyneh ïa ka dohnud u Pharaoh, ba kumta un ym pyllait noh ïa ki khun Israel na ka ri jong u.

EKSODOS 11:9

U Trai te u la ong ha u Moses, “U Pharaoh un ym shahshkor ïa phi: ba ki dak khyllah jong nga kin nang bun ha ka ri Ijipt.”

EKSODOS 13:15

Ka la jia te mynba u Pharaoh da kaba eh u da pyllait noh ïa ngi, ba U Trai u la pynïap ïa uba la kha nyngkong baroh ha ka ri Ijipt, ïa uba la kha nyngkong na u briew, bad ïa uba la kha nyngkong na u mrad ruh. Namar kata, nga kñia ainguh ha U Trai ïa uba la kha nyngkong baroh, uba long shynrang; hynrei, ïa uba la kha nyngkong na ki khun jong nga baroh nga siewspah keiñ.’

EKSODOS 4:21

Bad U Trai u la ong ha u Moses, “Ynda me la leit phai pat sha ka ri Ijipt, to sumar ba men leh ha khmat u Pharaoh ïa kita ki kam phylla baroh ïa kiba nga la ai ha ka kti jong me: hynrei, ngan pyneh ïa ka dohnud jong u, te un ym pyllait noh ïa u paidbah.

EKSODOS 5:2

Bad u Pharaoh u la ong, “U Trai u long uei, ba ngan kohnguh ma nga ïa ka ktien jong u ïa ka ban pyllait noh ïa ki Israel? Ïa U Trai ngam ithuh, bad ïa ki Israel ngan ym pyllait noh keiñ.”

EKSODOS 6:1

Ynda kumta, U Trai u la ong ha u Moses, “Mynta men ïohi kaei ba ngan sa leh ïa u Pharaoh: naba da ka kti badonbor un pyllait noh ïa ki, bad da ka kti badonbor un pynmih noh ïa ki na ka ri jong u.”

EKSODOS 8:28

Bad u Pharaoh u la ong, “Ngan shah ba phin ïaleit, ba phin kñia ha U Trai U Blei jong phi ha kata ka ri khlaw; hynrei, tang ba phin ym leit jngai eh: to duwai na ka bynta jong nga.”

EKSODOS 9:35

Kumta, ïa ka dohnud u Pharaoh la pyneh, bad um shym la pyllait noh ïa ki khun Israel; kumba U Trai u la lah kren ha u Moses.

EKSODOS 9:7

Bad u Pharaoh u la phah tohkit, te ha khmih, na ki jingri ki khun Israel kawei ruh kam shym ïap noh. Te pynban, ïa ka dohnud u Pharaoh la pyneh, bad um shym la pyllait noh ïa uta u paidbah.