EKSODOS 3:14 - KA BAIBL

¹⁴ Bad U Blei u la ïathuh ha u Moses, “NGA long ba NGA long”: u la ong ruh, “Kumne men ong ha ki khun Israel, NGA long u la phah ïa nga ha phi.”

Khasi CL Bible (BSI)

¹⁴ U Blei u ong ha u Moses, “NGA LONG UBA NGA LONG. Kane ka long kaei kaba me dei ban ong ha ki: ‘Uta ïa uba la khot UBA NGA LONG u phah ïa nga sha phi.’

EKSODOS 3:14 ပူးပေါင်းရင်းမြစ်များ

Ka Kitab U Job 11:7

“Me lah ma me da kaba wad ban shem ïa U Blei? Me lah ban shem ïa U Badonbor Baroh haduh kaba janai?

SALM 68:4

To rwai ha U Blei, to rwai ki jingïaroh ha ka kyrteng jong u: to pun ïa ka lynti bah ha khmat uta uba shong kulai lyngba ïa ki ri khlaw; ka kyrteng jong u long u Jah; bad to risa ha khmat jong u.

SALM 90:2

Mynba mem pat pynmih noh ïa ki lum, lymne ba mem pat thaw dur ïa ka khyndew bad ïa ka pyrthei, wat naduh bymjukut haduh bymjukut, me, me long U Blei.

EKSODOS 15:3

U Trai u long u nongïaleh thma: ‘U Trai’ long ka kyrteng jong u.

EKSODOS 23:21

To burom ïa u, bad to kohnguh ïa ka ktien jong u; wat pynbitar ïa u: namar un ym map ïa ki jingpalat jong phi; naba ka kyrteng jong nga ka don ha u.

EKSODOS 3:13

Bad u Moses u la ïathuh ha U Blei, “Ha khmih, haba ngan wan sha ki khun Israel, bad ngan ong ha ki, ‘U Blei ki kpa jong phi u la phah ïa nga ha phi’; bad ba kin kylli ïa nga, ‘Kaei ka kyrteng jong u?’ ngan ong aïu ha ki?”

EKSODOS 6:2

Te U Blei u la kren ha u Moses, bad U la ong ha u, “Ma nga, nga long U Jehobah:

EKSODOS 6:3

Te ha u Abraham, ha u Isaak, bad ha u Jakob, nga la mihpaw da ka kyrteng U Blei U Badonbor Baroh, hynrei, da ka kyrteng jong nga ‘JEHOBAH’ kim shym la ithuh ïa nga.

ISAÏAH 42:8

Nga long U Trai; kata ka long ka kyrteng jong nga: te ïa la ka burom ngan ym ai ha uwei pat, lymne ïa la ka jingïaroh ha ki bleithaw.

ISAÏAH 44:6

Kumne u ong U Trai, U Syiem u Israel, bad u Nongsiewspah jong u, U Trai ki paid: “Nga, nga long u banyngkong, bad nga, nga long u bakhatduh; bad nalor jong nga ym don Blei shuh.

MATHAÏOS 18:20

Naba ha kaba don ar ngut ne lai ngut kiba la ïaseng ha ka kyrteng jong nga, hangta nga don hapdeng jong ki.”

MATHAÏOS 28:20

da hikai ïa ki ban sumar ïa kiei kiei baroh kat kiba nga la hukum ïa phi. Ha khmih ruh, nga, nga long ryngkat bad phi ha la ka sngi, haduh kaba wai noh ka pyrthei.”

ÏOANNIS 8:24

Namar kata, nga la ong ha phi, ba phin ïap ha kita ki pop jong phi: namar lada phim ngeit ba nga, nga long ma u, phin ïap ha kita ki pop jong phi.”

ÏOANNIS 8:28

namar kata, U Jisu u la ong ha ki, “Ynda phi la kyntiew ïa U Khun u briew, hangta phin ithuh ba nga, nga long ma u, bad ba ngam leh ei ei ruh em na lade hi; hynrei, kat kumba U Kpa jong nga u la hikai ïa nga, ïa kita kiei kiei ruh nga ïathuh.

ÏOANNIS 8:58

U Jisu u la ïathuh ha ki, “Shisha, shisha nga ong ha phi, mynba ym pat kha ïa u Abraham, nga, nga long.”

2 KORINTH 1:20

Namar ki jingkular U Blei katba don, ki long ha u kaba ho-oid, bad ha u kaba Amen, ïa ka ban pyndonburom ïa U Blei da ngi.

HEBRU 13:8

U Jisu Khrist u long ujuh mynhynnin, bad mynta, bad sha bymjukut.

JINGPYNPAW 1:17

Bad haba nga la ïohi ïa u, nga la kyllon sbak ha ki kjat jong u kum uba ïap. U te u la buh ïa ka kti kamon jong u ha nga, u da ong, “To wat sheptieng; nga long ma nga u banyngkong bad u bakhatduh, bad uta U Ba-im;

JINGPYNPAW 1:4

U Ïoannis, ha kita ki hynñiew balang kiba ha Asia: To long ka jingaiei ha phi bad ka jingsuk, na uta uba long bad uba la ju long bad u ban sa wan; bad na kita ki hynñiew ki mynsiem kiba long ha khmat ka khet jong u;

JINGPYNPAW 1:8

“Nga long ma nga U Alpha bad U Omega,” ong U Trai uba U Blei, uta uba long bad uba ju long bad uta u ban sa wan, uta U Badonbor Baroh.

JINGPYNPAW 4:8

Bad kita ki saw ki jingthaw ba-im ki da don uwei pa uwei, hynriew ki thapniang, baroh sawdong bad shapoh ki da dap da ki khmat, bad kim ïoh kaba shongthait mynsngi bad mynmiet, ki da ong, “U Bakhuid, U Bakhuid, U Bakhuid, U Trai uba U Blei Badonbor baroh, uta uba la ju long bad uta uba long bad uta u ban sa wan.”