EKSODOS 3:13 - KA BAIBL

¹³ Bad u Moses u la ïathuh ha U Blei, “Ha khmih, haba ngan wan sha ki khun Israel, bad ngan ong ha ki, ‘U Blei ki kpa jong phi u la phah ïa nga ha phi’; bad ba kin kylli ïa nga, ‘Kaei ka kyrteng jong u?’ ngan ong aïu ha ki?”

Khasi CL Bible (BSI)

¹³ Hynrei u Moses u phai ktien, “Haba nga leit sha ki Israel bad ngan ong ha ki, ‘U Blei jong ki kpa tymmen jong phi u la phah ïa nga sha phi,’ kin sa kylli ïa nga, ‘Kaei ka kyrteng jong u?’ Ngan ong kumno ïa ki?”

EKSODOS 3:13 ပူးပေါင်းရင်းမြစ်များ

JENESIS 32:29

Bad u Jakob u la kylli ïa u, bad u la ong, “To ïathuh, nga kyrpad ïa me, ïa ka kyrteng jong me.” U te u la ong, “Balei ba me kylli ïa kane shaphang ka kyrteng jong nga?” Bad hangta hi u la kyrkhu ïa u.

EKSODOS 15:3

U Trai u long u nongïaleh thma: ‘U Trai’ long ka kyrteng jong u.

EKSODOS 3:12

U te u la ong, “Shisha ngan long lem bad me; bad kane kan long ka dak ïa me, ba ma nga hi nga la phah ïa me: ynda me la ïalam noh ïa ki briew jong nga na ka ri Ijipt, phin ïoh shakri ïa U Blei halor une u lum.”

EKSODOS 3:14

Bad U Blei u la ïathuh ha u Moses, “NGA long ba NGA long”: u la ong ruh, “Kumne men ong ha ki khun Israel, NGA long u la phah ïa nga ha phi.”

EKSODOS 3:15

Nalor kane U Blei u la ong ruh ha u Moses, “Kumne men ong ha ki khun Israel, ‘U Trai uba U Blei ki kpa jong phi, U Blei u Abraham, U Blei u Isaak, bad U Blei u Jakob ruh, u la phah ïa nga ha phi’: kane ka long ka kyrteng jong nga ha la ka rta, bad kane ka long ka jingpynkynmaw ïa nga sha ki pateng bynriew baroh.

EKSODOS 7:16

Bad men ong ruh ha u, ‘U Trai, U Blei jong ki Hebru, u la phah ïa nga ha me, u da ong, “To da pyllait noh ïa ki briew jong nga, ba kin ïoh shakri ïa nga ha ri khlaw: te ha khmih, haduh mynta mem shahshkor satia.”

PROBERB 30:4

Uei uba la kiew artet sha bneng, bad ba la hiar? Uei ba la lum ïa ka lyer ha la ki kti ba la kham? Uei ba la tehsong ïa ki um ha la ka jaiñkup? Uei ba la pynskhem ïa baroh ki bakut ka khyndew? Kaei ka kyrteng jong u, bad kaei ka kyrteng u khun jong u, lada me tip?

ISAÏAH 52:6

Namar kata, u paidlang jong nga un tip ïa ka kyrteng jong nga: namar kata, ha kata ka sngi kin tip ba nga long uta uba kren; ha khmih, long ma nga.”

ISAÏAH 7:14

Namar kata, U Trai hi un ai ka dak ïa phi: Ha khmih, ka theisotti kan punkhun, kan kha ruh ïa u khun, yn khot ruh ïa ka kyrteng jong u, ‘u Immanuel.’

ISAÏAH 9:6

Namar ha ngi la kha ïa u khun, la ai ïa u khun ha ngi; te ka jingsynshar kan long halor ka tyrpeng jong u: bad yn khot ïa ka kyrteng jong u, “U Baphylla, U Nongsylla,” “U Blei Bakhrawbor,” “U Kpa Bymjukut,” “U Syiem ka Jingsuk.”

JEREMAÏAH 23:6

Ha ki sngi jong u, ïa u Judah yn pynim, bad u Israel un shong ha kaba suk: bad kane ka long ka kyrteng jong u da kaba yn khot ïa u, ‘U Trai u long ka hok jong ngi.’

MATHAÏOS 1:21

kan kha ruh ïa u khun; men khot ruh ïa ka kyrteng jong u, ‘U Jisu’: naba un pynim ïa la ki briew na ki pop jong ki.”

MATHAÏOS 1:23

“Ha khmih, kata ka theisotti kan punkhun, kan kha ruh ïa u khun, bad kin ïakhot ïa ka kyrteng jong u, ‘U Emmanuel,’ ” kaba long, haba la batai, “U Blei lem bad ngi”.

KI KAM 3:13

U Blei u Abraham, bad u Isaak, bad u Jakob, U Blei ki kpa jong ngi, u la pyndonburom ïa U Khun jong U, U Jisu, ïa uba phi la aiti noh, bad phi la len ha khmat u Pilat, mynba u la lah thmu ban pyllait noh ïa U.

NONGBISHAR 13:17

Te u Manoah u la ong ha u angel U Trai, “Kaei ka kyrteng jong me, ba haba ki ktien jong me kin wan jia ngin ïoh lehburom ïa me?”

NONGBISHAR 13:6

Te kata ka kynthei ka la wan ïathuh ha u tnga jong ka, ka da ong, “U briew jong U Blei u la wan ha nga, bad ka khmat jong u ka la long kum ka khmat u angel U Blei, kaba iphieng eh; hynrei, ngam shym kylli ïa u nangno u la long, lymne um shym ïathuh ïa nga ïa la ka kyrteng: