EKSODOS 3:11 - KA BAIBL

¹¹ Hynrei, u Moses u la ong ha U Blei, “Nga, nga long uei, ba ngan leit sha u Pharaoh, bad ba ngan ïalam noh ïa ki khun Israel na ka ri Ijipt?”

Khasi CL Bible (BSI)

¹¹ Hynrei u Moses u ong ha U Blei, “Ngam long ei ei. Kumno nga lah ban leit sha u Pharaoh bad ban ïalam noh ïa ki Israel na Ijipt?”

EKSODOS 3:11 ပူးပေါင်းရင်းမြစ်များ

2 SAMUEL 7:18

Ynda kumta, u syiem Dabid u la leit bsut, bad u la shong ha khmat U Trai; bad u la ong, “Nga, nga long uei, A Trai U Blei, bad ka ïing jong nga ka long aïu, ba me la wallam ïa nga haduh hangne?

1 SYIEM 3:7

Mynta te, A Trai U Blei jong nga, me la pynlong syiem ïa la u shakri ha ka jaka u Dabid u kpa jong nga: bad nga long tang u khynnah u barit; ngam tip kumno ban mih shabar lane ban rung shapoh.

1 SYIEM 3:9

To ai ha la u shakri, namar kata, ka dohnud ba sngewthuh ban bishar ïa u paidbah jong me, ba nga lah ban ithuh ïa ka babha bad ka basniew; naba uei uba lah ban bishar kat une u paidbah u bakhraw jong me?”

1 KHRONIKL 29:14

“Hynrei, nga, nga long uei, bad ki briew jong nga ki long aïu, ba kumne ngin lah ban ainguh da ka mon sngewbha haduh katne? Naba kiei kiei baroh ki wan na me, bad na ka jong me hi ngi la ai ïa me.

EKSODOS 6:12

Bad u Moses u la kren ha khmat U Trai, u da ong, “Ha khmih, ki khun Israel kim shym la shahshkor ïa nga; kumno te un sngap u Pharaoh ïa nga uba khlem otsher ki rmiang shyntur?”

JEREMAÏAH 1:6

Nga te nga la ong, “A Trai U Blei! Ha khmih, ngam nang kren: naba nga dang khynnah.”

2 KORINTH 2:16

ha uwei ka jingiw ka jingïap ïa ka ban ïap, hynrei, ha uta uwei ka jingiw ka jingim ïa ka ban im. Te uei uba bit biang ïa kine kiei kiei ruh?

2 KORINTH 3:5

ym naba ngi long kiba bit na lade hi ïa ka ban pyrkhat ïa kaei kaei ruh kumba napoh lade hi; hynrei, ka jingbit jong ngi ka long na U Blei,

NONGBISHAR 6:15

U te u la ong ha U, “A Trai, kumno ngan pyllait ïa ki Israel? ha khmih, ka kur jong nga ka baduk tam ha Manasseh, bad nga ruh u barit tam ha ka ïing u kpa jong nga.”

1 SAMUEL 18:18

Te u Dabid u la ong ha u Saul, “Nga, nga long uei? bad ka jingim jong nga, lane ka ïing u kpa jong nga, ki ïalong aïu ha Israel, ba ngan ïoh long u pyrsa kurim u syiem?”