EKSODOS 3:10 - KA BAIBL

¹⁰ Namar kata, ale mynta te, ngan phah ïa me sha u Pharaoh, ba men ïoh ïalam noh ïa ki briew jong nga ki khun Israel keiñ, na ka ri Ijipt.”

Khasi CL Bible (BSI)

¹⁰ Mynta nga phah ïa me sha u Pharaoh khnang ba men ïalam noh ïa ki Israel, ki briew jong nga, na Ijipt.”

EKSODOS 3:10 ပူးပေါင်းရင်းမြစ်များ

JENESIS 15:13

Bad U Trai u la ong ha u Abram, “To tip shisha ba u symbai jong me un long nongwei ha ka ri ka bymdei ka jong ki, bad kin shakri ruh ïa ki; bad kita kin ïa-pynshitom ïa ki, sawspah snem;

JENESIS 15:14

bad ïa kata ka jaid bynriew ruh, ïa kaba ki kin ïashakri, ngan da bishar: bad hadien kata, kin ïamih noh bad ka spah shibun.

SALM 105:26

U la phah ïa u Moses u shakri jong u, bad ïa u Aaron uba u la jied.

SALM 77:20

Me la ïalam ïa la ki briew kum ka kynhun langbrot, da ka kti u Moses bad u Aaron.

EKSODOS 12:40

Te ka jingshong sah ki khun Israel katba ki la ïashong sah ha ka ri Ijipt ka la long sawspah laiphew snem.

EKSODOS 12:41

Te ynda la kut kita ki sawspah laiphew snem, ha kata ka sngi hi keiñ, ka la jia ba ki paidbah jong U Trai baroh ki la ïamih noh na ka ri Ijipt.

EKSODOS 33:12

Te u Moses u la ong ha U Trai, “Ha khmih, me la ong ha nga, ‘To ïalam artet ïa une u paidbah:’ bad mem shym la pyntip ïa nga ïano men phah ryngkat bad nga. Pynban me la ong, ‘Nga ithuh ïa me da ka kyrteng, bad me la shem ruh ka jingsngewbha ha khmat jong nga.’

EKSODOS 33:13

Mynta, namar kata, nga kyrpad ïa me, lada nga la shem ïa ka jingsngewbha ha khmat jong me, to pyni ha nga ïa ka lynti jong me, ba ngan ïoh ithuh ïa me, bad ba ngan ïoh shem ïa ka jingsngewbha ha khmat jong me: to khmih ruh ba kane ka jaid bynriew ka long u paidlang jong me.”

EKSODOS 6:26

Kine ki long uta u Aaron bad uta u Moses, ha kiba U Trai u la ong, “To wallam noh ïa ki khun Israel na ka ri Ijipt katba kum ki paid jong ki.”

HOSIA 12:13

Bad da u nongïathuhlypa, U Trai u la wallam ïa u Israel na Ijipt, da u nongïathuhlypa ruh la sumar ïa u.

MIKAH 6:4

Naba nga la wallam ïa me na ka ri Ijipt, bad nga la pyllait ïa me na ka ïing ka jinglongmraw; bad nga la phah ïa u Moses, u Aaron, bad ka Miriam ha shuwa jong me.

KI KAM 7:34

Shisha nga la ïohi ïa ka jingshahshitom ki briew jong nga kiba ha Ijipt, bad nga la ïohsngew ïa ka jingud jong ki, bad nga la wan hiar ban pyllait noh ïa ki. Mynta, to ale, ngan phah ïa me sha Ijipt.’

KI KAM 7:36

Une u briew, u la ïalam noh ïa ki, ynda u la leh ki jingphylla bad ki dak khyllah ha Ijipt, bad ha ka Duriaw Basaw, bad ha ka ri khlaw ruh sawphew snem.

KI KAM 7:6

Te U Blei u la kren kumne: ‘U symbai jong u un leit shong ha ka ri nongwei; bad kin ïa-pynlong mraw ïa ki, bad kin ïa-pynshitom ïa ki, sawspah snem.

KI KAM 7:7

Te ïa kata ka jaid bynriew ha kaba kin shong mraw, ngan bishar ma nga,’ ong U Blei, ‘bad hadien kata kin ïoh wan noh, bad kin shakri ïa nga ha kane ka jaka.’

NONGBISHAR 6:14

U Trai te U la peit ha u, bad U la ong, “Khie leit ha kane ka bor jong me, bad pyllait ïa ki Israel na ka kti ki Midian: ngam shym la phah ma nga ïa me?”

1 SAMUEL 12:6

Bad u Samuel u la ong ha u paidbah, “U long U Trai keiñ uba la thung ïa u Moses bad u Aaron, bad uba la wallam noh ïa ki kpa jong phi na ka ri Ijipt.

1 SAMUEL 12:8

Mynba u Jakob u la poi sha Ijipt, bad ki kpa jong phi ki la ïam ha U Trai, hangta U Trai u la phah ïa u Moses bad u Aaron, kiba la wallam noh ïa ki kpa jong phi na Ijipt, bad ki la pynshong ïa ki ha kane ka jaka.