EKSODOS 3:1 - KA BAIBL

¹ Te u Moses u la dang ap ïa ka kynhun u Jethro u kthaw kurim jong u, uba u lyngdoh ka ri Midian: bad u la ïalam ïa kata ka kynhun sha lyndet ka ri khlaw, bad u la wan sha u lum U Blei, sha Horeb keiñ.

Khasi CL Bible (BSI)

¹ Ha kawei ka sngi katba u Moses u dang ap ïa ka kynhun langbrot jong u Jethro, u kthaw kurim jong u, u lyngdoh ka Midian, u ïalam ïa kata ka kynhun lyngba ka ri shyiap, bad u wan poi ha Sinai, u lum uba khuid.

EKSODOS 3:1 ပူးပေါင်းရင်းမြစ်များ

1 SYIEM 19:19

Kumta u la leit noh nangta, bad u la shem ïa u Elisha u khun u Shaphat, uba dang lur bad khat-ar lyngkor ki masi ha shuwa jong u, bad u hi bad kata kaba khat-ar: u Elijah te u la ïaid najan jong u, bad u la bred ïa la ka barandi halor jong u.

1 SYIEM 19:8

Te haba u la khie, u la bam u la dih bad u la ïaid ha ka bor kata ka jingbam sawphew sngi bad sawphew miet haduh u Horeb u lum U Blei.

SALM 106:19

Ki la thaw khun masi ha Horeb, bad ki la mane ïa ka durblei ba la saiñ.

EKSODOS 17:6

Ha khmih, ngan ïeng ha khmat jong me hangta halor u mawsiang ha Horeb; bad men shoh ïa uta u mawsiang, te ka um kan sa mih noh na u, ba uta u paidbah un ïoh dih.” Te u Moses u la leh kumta ha khmat kita ki tymmen basan jong ki Israel.

EKSODOS 18:12

Te u Jethro, u kthaw kurim u Moses, u la shim ïa ka jingainguh thang bad ïa ki jingkñia ainguh ïa U Blei: bad u Aaron u la wan lem bad ki tymmen basan ki Israel baroh, ïa ka ban bam kpu lem bad u kthaw kurim u Moses ha khmat U Blei.

EKSODOS 19:11

bad ba kin khreh hamar ka sngi ka balai: namar ha kata ka sngi balai U Trai un sa wan hiar ha khmat u paidbah baroh halor u lum Sinai.

EKSODOS 19:2

Namar ki la ïaleit mih noh na Rephidim, bad ki la ïawan poi sha ka ri khlaw Sinai, bad ki la ïashong dara ruh ha kata ka ri khlaw: te hangta ki Israel ki la shong dara marpyrshah ïa uta u lum.

EKSODOS 19:3

Bad u Moses u la leit kiew sha U Blei, te U Trai u la khot ïa u na uta u lum, u da ong, “Kumne men ong ha ka ïing u Jakob, bad men ïathuh ha ki khun Israel:

EKSODOS 2:16

Te u lyngdoh ka ri Midian u la don hynñiew ngut ki khun kynthei: bad kita ki la wan tong um, bad ki la pyndap ïa ki shyngoid ïa ka ban ai um ïa ki kynhun langbrot u kpa jong ki.

EKSODOS 2:18

Te haba ki la ïawan ha u Reuel u kpa jong ki, u la kylli, “Kumno ba phi la ïawan shen katta katta mynta?”

EKSODOS 2:21

Bad u Moses u la sngewbha ban shong duh bad uta u briew: u te u la ai kurim ha u Moses ïa ka Sipporah ka khun jong u.

EKSODOS 24:13

Te u Moses u la ïeng, bad u Joshua u shakri jong u; bad u Moses u la leit kiew sha uta u lum jong U Blei.

EKSODOS 3:12

U te u la ong, “Shisha ngan long lem bad me; bad kane kan long ka dak ïa me, ba ma nga hi nga la phah ïa me: ynda me la ïalam noh ïa ki briew jong nga na ka ri Ijipt, phin ïoh shakri ïa U Blei halor une u lum.”

EKSODOS 3:5

Te u la ong, “Wat wan hajan shane: to da loit noh ïa ki juti jong me na la ki sla'jat, naba kata ka jaka ha kaba me ïeng ka long ka khyndew bakyntang.”

EKSODOS 33:6

Te ki khun Israel ki la ïalaw noh na lade ïa la ki jingdeng naduh u lum Horeb.

EKSODOS 4:18

Te u Moses u la leit phai pat sha u Jethro u kthaw kurim jong u, bad u la ong ha u, “Nga kyrpad ïa me, to shah ba ngan leit wan noh sha ki para jong nga kiba ha ka ri Ijipt, bad khmih la ki dang im ne em.” Te u Jethro u la ong ha u Moses, “To khie leit ha kaba suk.”

EKSODOS 4:27

Bad U Trai u la ong ha u Aaron, “To leit sha ri khlaw ban tan ïa u Moses.” U la leit te, bad u la ïashem bad u ha u lum jong U Blei, bad u la doh ïa u.

AMOS 1:1

Ki ktien u Amos, uba la long hapdeng ki nongaplangbrot ka Tekoa, kiba u la ïohi shaphang ki Israel ha ki sngi u Ussiah u syiem ka Judah, bad ha ki sngi u Jeroboam u khun u Joash u syiem ki Israel, ar snem shuwa u jumai.

MALAKHI 4:4

“To kynmaw ïa ka hukum u Moses u shakri jong nga, kaba nga la hukum ha u ha Horeb ïa ki Israel baroh, kita ki aiñ bad ki jingbishar keiñ.”

JINGKHEIÑ 10:29

Te u Moses u la kren ha u Hobab, u khun u Reuel u nong Midian, uba u kthaw kurim jong u Moses, “Ngi ïaleit ha kata ka jaka ba U Trai u la kren shaphang jong ka, ‘Ha phi ngan ai ïa ka’: to wan ma me lem bad ngi, ngi ruh ngin leh bha ïa me; naba U Trai u la kren ïa ka babha shaphang ki Israel.”

JINGKHEIÑ 10:33

Te ki la leit mih noh na uta u lum jong U Trai, lai sngi lynti; bad ka synduk ka jutang ka jong U Trai, ka la leit ha shuwa jong ki ha kita ki lai sngi lynti, ban wad ïa ka jaka shongthait ïa ki.

LOUKAS 2:8

La don te ha kata ka ri, ki nongaplangbrot kiba sah sha lum, bad kiba ïa-ap miet ïa ka kynhun langbrot jong ki.

KI KAM 7:30

“Te ynda la dap sawphew snem, u angel u la mihpaw ha u ha ka ri khlaw u lum Sinai, ha ka thylliej ding ha ka 'law lynnong.

DEUTERONOMI 1:2

Ka long khatwei sngi lynti naduh Horeb na ka lynti u lum Seir haduh Kadesh-barnea.

DEUTERONOMI 1:6

“U Trai uba U Blei jong ngi u la kren ha ngi ha Horeb, u da ong, ‘La biang katta ba phi la shong ha une u lum:

DEUTERONOMI 4:10

kham tam keiñ ïa kata ka sngi mynba me la ïeng ha khmat U Trai uba U Blei jong me ha Horeb, mynba U Trai u la ong ha nga, ‘To ïalum lang ha nga ïa u paidbah, ba ngan ïoh pynsngew ha ki, ïa ki ktien jong nga, ba kin ïoh tip ban sheptieng ïa nga, baroh ki sngi ba kin ïoh im ha ka pyrthei, bad ba kin ïoh hikai ïa ki ha la ki khun ruh.’

NONGBISHAR 4:11

Te u Heber u nong Ken u la pynkhlad ïa lade na ki Ken, wat na ki khun u Hobab u kthaw kurim u Moses, bad u la pynïeng ïa la ka ïingjaiñ haduh uta u dieng Sning ha Saanannim, uba hajan Kedesh.

1 SAMUEL 16:11

Bad u Samuel u la ong ïa u Jesse, “Ki khun jong me baroh tang kine?” U te u la ong, “U dang sah sa u bakhatduh, te ha khmih, u sharai ïa ki langbrot.” Bad u Samuel u la ong ha u Jesse, “To phah bad wallam ïa u: namar ngin ym ïashong tad ynda u la wan ma u shane.”