EKSODOS 29:9 - KA BAIBL

⁹ Bad men pynpanpoh ïa ki da ki jingpanpoh, ïa u Aaron keiñ bad ïa ki khun shynrang jong u, bad men pynphong ïa ki da kita ki tupia: bad kata ka kam lyngdoh ruh kan ïailong ka jong ki da ka hukum pateng la pateng: bad men pynkyntang ruh ïa u Aaron bad ïa ki khun shynrang jong u.

Khasi CL Bible (BSI)

⁹ Buh ïa ki panpoh ha ki syngkai jong ki, bad teh ïa ki tupia ha ki khlieh jong ki. Ha kane ka rukom men pynkyntang ïa u Aaron bad ïa ki khun shynrang jong u. Ma ki bad ki khun ki ksiew jong ki kin shakri ïa nga junom kum ki lyngdoh.

EKSODOS 29:9 ပူးပေါင်းရင်းမြစ်များ

EKSODOS 27:21

Ha Ka Tabernakl ka jingïaseng, shabar kata ka jingkah kaba ha khmat ka jingphla, u Aaron bad ki khun shynrang jong u kin ïasumar ïa ka naduh mynmiet haduh mynstep ha khmat U Trai; kane kan long ka hukum ha la ka rta ha ki pateng la pateng bynriew jong ki na ka bynta ki khun Israel.

EKSODOS 28:1

“Bad to shim ha me ïa u Aaron u hynmen jong me, bad ïa ki khun shynrang jong u lem bad u, napdeng ki khun Israel, ïa ka ban kam ïa ka kam lyngdoh ïa nga, ïa u Aaron keiñ, ïa u Nadab, bad ïa u Abihu, ïa u Eleasar bad ïa u Ithamar, ki khun shynrang jong u Aaron.

EKSODOS 32:29

Bad u Moses u la ong, “To pynkyntang ïa lade ha kane ka sngi ha U Trai, u briew baroh keiñ pyrshah ïa la u khun, bad pyrshah ïa la u para; ba ha kane ka sngi un ïoh ai ka jingkyrkhu halor jong phi.”

EKSODOS 40:15

bad to men pynsleh ïa ki kumba me la pynsleh ïa u kpa jong ki, ba kin ïoh kam ha nga ha ka jingkam lyngdoh: kumta keiñ, ka jingpynsleh jong ki kan long ka jinglong lyngdoh ha la ka rta lyngba ki pateng la pateng bynriew jong ki.”

LEBITIKOS 8:1

Bad U Trai u la kren ha u Moses, u da ong,

LEBITIKOS 8:13

Bad u Moses u la pynwan ha khmat ïa ki khun shynrang u Aaron, bad u la pynphong ha ki, ïa ki sopti, bad u la pynpanpoh ïa ki da ki jingpanpoh, bad u la pynphong ïa ki tupia ha ki khlieh jong ki; kumba U Trai u la hukum ïa u Moses.

LEBITIKOS 8:33

Bad phin ym mih noh na ka jingkhang Ka Tabernakl ka jingïaseng, hynñiew sngi, haduh ka sngi ka jingpyndep ïa ka jingpynkyntang jong phi: naba hynñiew sngi un pynkyntang ïa phi.

JINGKHEIÑ 16:10

Naba u la pynwan hajan ïa me, bad ïa ki para jong me de, ki khun shynrang u Lebi baroh lem bad me; te phi wad ïa ka jinglong lyngdoh ruh de?

JINGKHEIÑ 16:35

Bad ka la mih noh ka ding na U Trai, bad ka la thang duh ruh ïa kita ki arspah sanphew kiba la ainguh ïa kata ka jingiwbih thang.

JINGKHEIÑ 16:40

ïa ka ban long ka jingpynkynmaw ïa ki khun Israel, ba uno uno ruh u nongwei, u bymdei na u symbai u Aaron, un ym wan hajan ban ainguh ïa ka jingiwbih thang ha khmat U Trai, ba ïoh un long kum u Korah, bad u paidlang jong u; kumba U Trai u la ong ha u da ka kti u Moses.

JINGKHEIÑ 18:7

Kumta, ma me bad ki khun shynrang jong me, phin ïasumar ïa ka kam lyngdoh jong phi shaphang kiei kiei baroh kiba dei ïa ka duwan, bad hapoh ka jingkah de phin trei; nga la ai ïa ka kam lyngdoh jong phi ha phi kum ka jingai ei: te ïa u nongwei u ban wan hajan yn pynïap noh.”

JINGKHEIÑ 25:13

te kan long ha u, bad ha ki symbai jong u hadien jong u, kaba ka jutang ka jinglong lyngdoh ka bymjukut; namar ba u la long uba shitrhem na ka bynta U Blei jong u, bad ba u la pynlong ka jingpynïasuk na ka bynta ki khun Israel.’ ”

JINGKHEIÑ 3:10

Men thung ruh ïa u Aaron, bad ïa ki khun shynrang jong u, ba kin ïasumar ïa ka kam lyngdoh jong ki: te u nongwei u ban nud wan hajan, yn pynïap noh ïa u.”

DEUTERONOMI 18:5

Namar U Trai uba U Blei jong me, u la jied ïa u na ki jaid jong me baroh, ban ïeng ïa ka ban shakri ha ka kyrteng U Trai, ïa u bad ïa ki khun shynrang jong u ha la ka rta.

HEBRU 5:10

ba la khot ïa u da U Blei, U Rangbah lyngdoh ha kata ka rukom u Melkhisedek.

NONGBISHAR 17:5

Te uta u briew, u Mikah keiñ, u la don ka ïing blei, bad u la thaw ïa ka ephod, bad ïa ki teraph, bad u la pynkyntang ïa uwei na ki khun jong u, ba un long u lyngdoh jong u.

1 SAMUEL 2:30

Namar kata, U Trai, uba U Blei ki Israel, u ong, ‘Nga la ong shisha ba ka ïing jong me, bad ka ïing u kpa jong me, kin ïaid ha khmat jong nga junom:’ hynrei, mynta U Trai u ong, ‘Kata kaba eh ïa nga; naba kiba pyndonburom ïa nga, ïa kita nga ruh ngan pyndonburom, te ïa kita kiba ñiewbeiñ ïa nga, yn ñiewbeiñ kylliang ïa ki.