EKSODOS 29:7 - KA BAIBL

⁷ Ynda kumta, men shim ïa ka umphniang bapynsleh, bad to theh ïa ka ruh halor ka khlieh jong u, bad pynsleh ïa u.

Khasi CL Bible (BSI)

⁷ Nangta, shim ïa ka umphniang pynsleh, theh ïa ka ha ka khlieh jong u, bad pynsleh ïa u.

EKSODOS 29:7 ပူးပေါင်းရင်းမြစ်များ

SALM 133:2

Ka long kum ka jingsleh kaba kordor halor ka khlieh, kaba tuid ïa ki 'ñiuh tmoh, ïa ki 'ñiuh tmoh u Aaron keiñ; kaba hiar ha ki rmiang ki jaiñ jong u;

SALM 89:20

Nga la shem ïa u Dabid u shakri jong nga; da la ka umphniang bakyntang nga la pynsleh ïa u:

EKSODOS 28:41

To men pynphong ruh ïa ki ha u Aaron u hynmen jong me, bad ha ki khun shynrang jong u lem bad u; bad men pynsleh ïa ki, bad men pynkyntang ïa ki, bad men pynkhuid ïa ki de, ba kin ïoh kam ha nga ha ka kam lyngdoh.

EKSODOS 40:13

bad men pynphong ïa u Aaron da kita ki jaiñkup bakyntang, bad to pynsleh ïa u, to pynkyntang ruh ïa u, ba un ïoh kam ha nga ha ka kam lyngdoh.

ISAÏAH 61:1

U Mynsiem U Trai U Blei u ha nga; naba U Trai u la pynsleh ïa nga ban ïalap ïa kiei kiei ki babha ha ki bajemnud; u la phah ïa nga ban spaiñ ïa kiba la pait dohnud, ban ïalap ïa ka jingpyllait noh ha kiba la ring mraw, bad ïa kaba plie ïa ka byndi ha kiba la khum;

LEBITIKOS 10:7

Bad wat mih noh phi na ka jingkhang Ka Tabernakl ka jingïaseng, ba ïoh phi ïap noh: namar ka umphniang ka jingpynsleh jong U Trai ka long halor jong phi.” Ki ruh ki la leh kumba u la ong u Moses.

LEBITIKOS 21:10

“ ‘Bad uta uba long rangbah lyngdoh hapdeng ki para lyngdoh jong u, uba ïa ka umphniang ka jingsleh la theh halor ka khlieh jong u, bad ïa uba la pynkyntang ïa ka ban kup ïa kita ki jaiñ, wat ai ba un ieh rangei ïa la ka khlieh, lymne kad ïa la ki jaiñ;

LEBITIKOS 21:12

bad wat ai ba un mih noh na ka jaka ba la kyntang khuid, lymne ban pyntngit ïa ka jaka bakyntang ka jong U Blei jong u; namar ka pansngiat ka umphniang ka jingpynsleh ka jong U Blei jong u ka don halor jong u: Nga long U Trai keiñ.

LEBITIKOS 7:35

Kane te ka bynta kaba dei ïa ka jingpynsleh ïa u Aaron, bad ïa ka jingpynsleh ïa ki khun shynrang jong u, na ki jingkñia ainguh ki jong U Trai ba la thaw da ka ding, naduh kata ka sngi ha kaba u la pynwan ïa ki, ïa ka ban kam ïa ka jingkam lyngdoh ïa U Trai;

SEKHARAÏAH 4:14

Ynda kumta, u la ong, “Kine ki long kita ki ar ngut ïa kiba la sleh, kiba ïeng ha khmat U Trai jong ka khyndew baroh.”

JINGKHEIÑ 35:25

bad uta u paidlang un pyllait noh ïa uta u nongpynïap briew na ka kti jong uta u nongpynhiar kput ka snam, bad uta u paidlang un pynphai pat ïa u sha ka nongbah jaka rieh ka jong u, sha kaba u la phet ïap: te un ïaishong sah hangta ha ban da ïap u rangbah lyngdoh ïa uba la pynsleh lyngdoh, ïa uba la pynsleh da ka umphniang bakyntang,

ÏOANNIS 3:34

Naba uta ïa uba U Blei u la phah, u kren ïa ki ktien jong U Blei: naba U Blei um ai ïa U Mynsiem da ka jingthew.

1 ÏOANNIS 2:27

Te shaphang jong phi, kata ka jingpynsleh ïa kaba phi la pdiang na u ka ïaisah ha phi, te phim donkam shuh ba uno uno ruh un da hikai ïa phi; hynrei, kumba kata ka jingpynsleh jong u ka hikai ïa phi shaphang kiei kiei baroh, bad ka long kaba shisha, bad kam long kaba lamler, te kumta kumba la hikai ïa phi, phin ïaisah ha u.