EKSODOS 29:1 - KA BAIBL

¹ “Kumne te men leh ïa ki, ïa ka ban pynkyntang ïa ki, ïa ka ban kam ha nga ha ka kam lyngdoh: To shim uwei u masi lyngraw bad ar tylli ki langbrot shynrang bajanai,

Khasi CL Bible (BSI)

¹ “Kane ka long kaba me dei ban leh ïa u Aaron bad ki khun shynrang jong u ban pynkyntang ïa ki kum ki lyngdoh ki ban shakri ïa nga. Shim uwei u masi lyngraw bad ar tylli ki langbrot shynrang ki bym don jingduna.

EKSODOS 29:1 ပူးပေါင်းရင်းမြစ်များ

2 KHRONIKL 13:9

Phi la beh noh ne em ïa ki lyngdoh U Trai, ki khun u Aaron, bad ïa ki Lebi ruh de, bad phi la thung lyngdoh ïa lade katba kum ka rukom ki kynja bynriew ha kiwei pat ki ri? kumta ba uno uno u ban shu wan pynkyntang ïa lade da u masi lyngraw bad da ki hynñiew ki langbrot shynrang, uta keiñ, u lah ban long lyngdoh jong kita ki bymlong ki blei satia.

EKSODOS 12:5

Uta u khun langbrot jong phi un long uba janai, u shynrang uba shi snem: phin sa shim ïa u na ki jong ki langbrot, lane na ki jong ki blang;

EKSODOS 20:11

naba ha ki hynriew sngi, U Trai u la thaw ïa ka bneng bad ïa ka khyndew, ïa ka duriaw ruh, bad ïa baroh katba don ha ki, u la shong sngi ruh ha kata ka sngi ka bahynñiew: namar kata, U Trai u la kyrkhu ïa ka sngi Sabbaton, bad u la pynkyntang khuid ïa ka ruh.

EKSODOS 28:1

“Bad to shim ha me ïa u Aaron u hynmen jong me, bad ïa ki khun shynrang jong u lem bad u, napdeng ki khun Israel, ïa ka ban kam ïa ka kam lyngdoh ïa nga, ïa u Aaron keiñ, ïa u Nadab, bad ïa u Abihu, ïa u Eleasar bad ïa u Ithamar, ki khun shynrang jong u Aaron.

EKSODOS 28:3

Men kren ruh ha kita baroh kat ki bastad ka dohnud, ïa kiba nga la pyndap da ka mynsiem ka jingstad, ba kin ïathain ïa ki jaiñkup ïa u Aaron ïa ka ban pynkyntang ïa u, ban kam ïa ka kam lyngdoh ïa nga.

EKSODOS 28:41

To men pynphong ruh ïa ki ha u Aaron u hynmen jong me, bad ha ki khun shynrang jong u lem bad u; bad men pynsleh ïa ki, bad men pynkyntang ïa ki, bad men pynkhuid ïa ki de, ba kin ïoh kam ha nga ha ka kam lyngdoh.

EKSODOS 29:21

Bad men shim na kata ka snam kaba halor kata ka duwan, bad na kata ka umphniang bapynsleh, bad to synreit halor u Aaron, bad halor ki jaiñkup jong u, bad halor ki khun shynrang jong u, bad halor ki jaiñkup ki khun shynrang jong u lem bad u; kumta keiñ, yn pynkyntang khuid ïa u, bad ïa ki jaiñkup jong u, bad ïa ki khun shynrang jong u, bad ïa ki jaiñkup ki khun shynrang jong u lem bad u.

ESEKIEL 43:23

Haba me la pyndep ïa kaba pynkhuid ïa ka, men ainguh da u masi lyngraw bajanai, bad da u langbrot bajanai na ka kynhun.

LEBITIKOS 14:11

Bad uta u lyngdoh uba pynlong ka jingpynkhuid un buh ïa uta u briew ïa uba yn sa pynkhuid, bad ïa kita kiei kiei ruh, ha khmat U Trai, hajan ka jingkhang Ka Tabernakl ka jingïaseng.

LEBITIKOS 16:3

Kumne un wan bsut u Aaron shapoh ka jaka kyntang: bad u masi lyngraw keiñ na ka bynta ka pop, bad u langbrot kum ka jingkñia ainguh thang.

LEBITIKOS 22:20

Phin ym kñia ainguh ïa kaei kaei ruh kaba don ka jingduna: naba kan ym long ba la pdiang hun na ka bynta jong phi.

LEBITIKOS 4:3

lada uta u lyngdoh ba la pynsleh un leh pop kat ban pynlong pop ïa u paidbah; te un kñia na ka bynta kata ka pop jong u ba u la leh, da u masi lyngraw bajanai bha, ïa ka ban long ka jingkñia namar ka pop ha U Trai.

LEBITIKOS 6:13

Ka ding kan ïai-meh halor kata ka duwan; bad yn ym pynlip satia ïa ka.

LEBITIKOS 6:6

Bad un wallam ha u lyngdoh ïa la ka jingkñia namar ka jingpalat ha U Trai, da u langbrot bajanai bha na ki kynhun, lem bad ka jingkheiñ dor jong me, ïa ka ban long ka jingkñia namar ka jingpalat:

LEBITIKOS 7:35

Kane te ka bynta kaba dei ïa ka jingpynsleh ïa u Aaron, bad ïa ka jingpynsleh ïa ki khun shynrang jong u, na ki jingkñia ainguh ki jong U Trai ba la thaw da ka ding, naduh kata ka sngi ha kaba u la pynwan ïa ki, ïa ka ban kam ïa ka jingkam lyngdoh ïa U Trai;

LEBITIKOS 8:1

Bad U Trai u la kren ha u Moses, u da ong,

LEBITIKOS 9:2

te u la ong ha u Aaron, “To shim ha me da u khun masi, ïa ka ban long ka jingkñia namar ka pop, bad ïa u langbrot, ïa ka ban long ka jingkñia ainguh thang ka ba-tlem bha baroh ar, bad to wallam ïa ki ha khmat U Trai.

MATHAÏOS 6:9

Namar kata, phin duwai kumne: “Ko Kpa jong ngi uba ha bneng, long bakhuid ka kyrteng jong me.

HEBRU 7:26

Namar U Rangbah lyngdoh uba kum uta u la bit ïa ngi, u bakhuid, uba lui lui, u bym da bit-tngit, uba la kyrpang na ki bapop, bad ïa uba la pynlong kham ha khlieh ïa ki bneng;

1 PETROS 1:19

hynrei, da ka snam bakordor, kum ka jong u khun langbrot bakhlem pop bad bakhlem thohbria, ka jong U Khrist keiñ: