EKSODOS 28:41 - KA BAIBL

⁴¹ To men pynphong ruh ïa ki ha u Aaron u hynmen jong me, bad ha ki khun shynrang jong u lem bad u; bad men pynsleh ïa ki, bad men pynkyntang ïa ki, bad men pynkhuid ïa ki de, ba kin ïoh kam ha nga ha ka kam lyngdoh.

Khasi CL Bible (BSI)

⁴¹ Pynphong ïa kine ki jaiñ ha u Aaron u hynmen jong me bad ha ki khun shynrang jong u. Nangta pynkupbor ïa ki bad pynkyntang da kaba pynsleh ïa ki da ka umphniang Olib, khnang ba ki lah ban shakri ïa nga kum ki lyngdoh.

EKSODOS 28:41 ပူးပေါင်းရင်းမြစ်များ

EKSODOS 28:1

“Bad to shim ha me ïa u Aaron u hynmen jong me, bad ïa ki khun shynrang jong u lem bad u, napdeng ki khun Israel, ïa ka ban kam ïa ka kam lyngdoh ïa nga, ïa u Aaron keiñ, ïa u Nadab, bad ïa u Abihu, ïa u Eleasar bad ïa u Ithamar, ki khun shynrang jong u Aaron.

EKSODOS 28:4

Te kine ki long kita ki jaiñkup ba kin ïathain; ïa ka jingdeng shadem, bad ïa ka ephod, bad ïa ka barandi, bad ïa ka sopti ba la pynpur, ïa ka meitr, bad ïa ka jingpanpoh ruh: kumta keiñ, kin ïathaw ïa ki jaiñkup bakyntang ïa u Aaron u hynmen jong me, bad ïa ki khun shynrang jong u, ïa ka ban kam ïa ka kam lyngdoh ïa nga.

EKSODOS 29:24

te men buh ïa kita baroh ha ki kti u Aaron, bad ha ki kti ki khun shynrang jong u; bad men pynkaweh ïa ki ban long ka jingainguh kaweh ha khmat U Trai.

EKSODOS 29:35

“Kumne te, to leh ha u Aaron, bad ha ki khun shynrang jong u, kat kiei kiei baroh ïa kiba nga la hukum ïa me: hynñiew sngi men pynkyntang ïa ki.

EKSODOS 29:7

Ynda kumta, men shim ïa ka umphniang bapynsleh, bad to theh ïa ka ruh halor ka khlieh jong u, bad pynsleh ïa u.

EKSODOS 29:9

Bad men pynpanpoh ïa ki da ki jingpanpoh, ïa u Aaron keiñ bad ïa ki khun shynrang jong u, bad men pynphong ïa ki da kita ki tupia: bad kata ka kam lyngdoh ruh kan ïailong ka jong ki da ka hukum pateng la pateng: bad men pynkyntang ruh ïa u Aaron bad ïa ki khun shynrang jong u.

EKSODOS 30:35

Bad men thaw da ki, ïa ka jingiwbih thang, ka jingiwbih keiñ kum ka rukom u apothekari, ïa kaba la ïakhleh mluh, ka bakhuid bad ka bakyntang;

EKSODOS 40:13

bad men pynphong ïa u Aaron da kita ki jaiñkup bakyntang, bad to pynsleh ïa u, to pynkyntang ruh ïa u, ba un ïoh kam ha nga ha ka kam lyngdoh.

EKSODOS 40:15

bad to men pynsleh ïa ki kumba me la pynsleh ïa u kpa jong ki, ba kin ïoh kam ha nga ha ka jingkam lyngdoh: kumta keiñ, ka jingpynsleh jong ki kan long ka jinglong lyngdoh ha la ka rta lyngba ki pateng la pateng bynriew jong ki.”

ISAÏAH 10:27

Te ha kata ka sngi, ka jingkit jong u kan lait noh na ka tyrpeng jong me, bad ka lyngkor jong u na ka ryndang jong me, bad yn pynjot noh ïa ka lyngkor namar kata ka jingpynsleh.”

ISAÏAH 61:1

U Mynsiem U Trai U Blei u ha nga; naba U Trai u la pynsleh ïa nga ban ïalap ïa kiei kiei ki babha ha ki bajemnud; u la phah ïa nga ban spaiñ ïa kiba la pait dohnud, ban ïalap ïa ka jingpyllait noh ha kiba la ring mraw, bad ïa kaba plie ïa ka byndi ha kiba la khum;

ESEKIEL 43:26

Hynñiew sngi kin pynlong ka jingpynïasuk na ka bynta ka duwan bad kin pynkhuid ïa ka: kumta kin pynkyntang ïa ka.

LEBITIKOS 10:7

Bad wat mih noh phi na ka jingkhang Ka Tabernakl ka jingïaseng, ba ïoh phi ïap noh: namar ka umphniang ka jingpynsleh jong U Trai ka long halor jong phi.” Ki ruh ki la leh kumba u la ong u Moses.

LEBITIKOS 16:24

bad un sait ïa la ka met da ka um ha ka jaka kyntang, bad un kup biang ïa la ki jaiñ, bad ynda u la mih noh, un kñia ïa ka jingkñia ainguh thang jong u hi bad ïa ka jingkñia ainguh thang jong u paidlang, bad un pynlong ka jingpynïasuk na ka bynta ïa lade bad na ka bynta u paidlang.

JINGKHEIÑ 16:5

U la kren ruh ha u Korah, bad ha u paidlang jong u, u da ong, “Lashai un pyni U Trai ïa uei uba dei u jong u, bad ïa uei u bakhuid, bad ïa uei de uba dei ban wan hajan jong u; naba ïa uta uba u la jied, un pynwan hajan jong u.

JINGKHEIÑ 3:3

Kine ki long ki kyrteng ki khun shynrang u Aaron, ki lyngdoh ba la pynsleh, ïa kiba u la pynkyntang ma u ïa ka ban kam ïa ka kam lyngdoh.

ÏOANNIS 3:34

Naba uta ïa uba U Blei u la phah, u kren ïa ki ktien jong U Blei: naba U Blei um ai ïa U Mynsiem da ka jingthew.

HEBRU 5:4

Bad ym don uno uno ruh uba shim ha lade ïa kane ka burom, hynrei, tang haba la khot da U Blei ïa u, kumba la long u Aaron.

HEBRU 7:28

Namar kata ka hukum ka thung rangbah lyngdoh da ki briew kiba don ka jingtlot; hynrei, kata ka ktien jong kata ka jingsmai, kaba hadien kata ka hukum, ka thung ïa U Khun, ïa uba la pynjanai bymjukut.

1 ÏOANNIS 2:20

Hynrei, ma phi, phi don ka jingpynsleh na uta U Bakhuid, bad phi tip ïa kiei kiei baroh.

1 ÏOANNIS 2:27

Te shaphang jong phi, kata ka jingpynsleh ïa kaba phi la pdiang na u ka ïaisah ha phi, te phim donkam shuh ba uno uno ruh un da hikai ïa phi; hynrei, kumba kata ka jingpynsleh jong u ka hikai ïa phi shaphang kiei kiei baroh, bad ka long kaba shisha, bad kam long kaba lamler, te kumta kumba la hikai ïa phi, phin ïaisah ha u.