EKSODOS 28:40 - KA BAIBL

⁴⁰ “Ïa ki khun shynrang u Aaron ruh men thaw ïa ki sopti, ïa ki jingpanpoh ruh men thaw ïa ki, bad ïa ki tupia men thaw ïa ki, na ka bynta ka burom bad ka jingitynnad.

Khasi CL Bible (BSI)

⁴⁰ “Suh ki sopti, ki panpoh, bad ki tupia na ka bynta ki khun shynrang jong u Aaron ba kin ishongkun shongkhia bad itynnat.

EKSODOS 28:40 ပူးပေါင်းရင်းမြစ်များ

EKSODOS 28:2

Men thaw ruh ïa ki jaiñkup bakyntang ïa u Aaron u hynmen jong me, na ka bynta ka burom bad na ka bynta ka jingitynnad.

EKSODOS 28:4

Te kine ki long kita ki jaiñkup ba kin ïathain; ïa ka jingdeng shadem, bad ïa ka ephod, bad ïa ka barandi, bad ïa ka sopti ba la pynpur, ïa ka meitr, bad ïa ka jingpanpoh ruh: kumta keiñ, kin ïathaw ïa ki jaiñkup bakyntang ïa u Aaron u hynmen jong me, bad ïa ki khun shynrang jong u, ïa ka ban kam ïa ka kam lyngdoh ïa nga.

EKSODOS 29:8

Bad men wallam ïa ki khun shynrang jong u, bad men pynphong ki sopti ïa ki.

EKSODOS 29:9

Bad men pynpanpoh ïa ki da ki jingpanpoh, ïa u Aaron keiñ bad ïa ki khun shynrang jong u, bad men pynphong ïa ki da kita ki tupia: bad kata ka kam lyngdoh ruh kan ïailong ka jong ki da ka hukum pateng la pateng: bad men pynkyntang ruh ïa u Aaron bad ïa ki khun shynrang jong u.

EKSODOS 39:41

ïa ki jaiñ ban kam jingkam, ïa ka ban trei ha ka jaka bakyntang, bad ïa kita ki jaiñ bakyntang de ïa u Aaron lyngdoh, bad ïa ki jaiñkup ki khun shynrang jong u, ïa ka ban kam ha ka kam lyngdoh.

ISAÏAH 52:1

To khie, to khie, to kup ïa la ka bor, ko Seïon, to kup ïa la ki jaiñkup ba-itynnad, ko Jerusalem, ka shnong ka bakhuid: naduh mynta u bym shym la otsher bad u basang kin ym wan shuh ha pha.

LEBITIKOS 16:24

bad un sait ïa la ka met da ka um ha ka jaka kyntang, bad un kup biang ïa la ki jaiñ, bad ynda u la mih noh, un kñia ïa ka jingkñia ainguh thang jong u hi bad ïa ka jingkñia ainguh thang jong u paidlang, bad un pynlong ka jingpynïasuk na ka bynta ïa lade bad na ka bynta u paidlang.

LEBITIKOS 8:13

Bad u Moses u la pynwan ha khmat ïa ki khun shynrang u Aaron, bad u la pynphong ha ki, ïa ki sopti, bad u la pynpanpoh ïa ki da ki jingpanpoh, bad u la pynphong ïa ki tupia ha ki khlieh jong ki; kumba U Trai u la hukum ïa u Moses.

TITOS 2:10

ym kiba buit'ti, hynrei, kiba pyni ïa ka jingsngur babha baroh; ba ha kiei kiei baroh kin pynitynnad ïa kata ka jinghikai jong U Blei U Nongpynim jong ngi.

TITOS 2:7

Ha kiei kiei baroh, da pyni ïa lade ka rukom ha ki jingleh babha: ha la ka jinghikai da pyni ïa ka jingsngur, ïa ka jingsngewkhia,

1 PETROS 5:5

Kumjuh, phi ki samla, to kohnguh ha kiba kham tymmen. Hynrei, baroh to phin ïakup ïa ka jingsngewrit ïa ka ban shakri paralok hi: naba “U Blei u ïaleh pyrshah ïa kiba sngewkhraw, hynrei, ha kiba sngewrit u ai ka jingaiei.”