EKSODOS 28:4 - KA BAIBL

⁴ Te kine ki long kita ki jaiñkup ba kin ïathain; ïa ka jingdeng shadem, bad ïa ka ephod, bad ïa ka barandi, bad ïa ka sopti ba la pynpur, ïa ka meitr, bad ïa ka jingpanpoh ruh: kumta keiñ, kin ïathaw ïa ki jaiñkup bakyntang ïa u Aaron u hynmen jong me, bad ïa ki khun shynrang jong u, ïa ka ban kam ïa ka kam lyngdoh ïa nga.

Khasi CL Bible (BSI)

⁴ Ong ïa ki ba kin suh ïa kine ki jaiñphong lyngdoh: ka jingdeng shadem, ka ephod, ka barandi, ka sopti ba la suh pynpur itynnat, ka jaiñspong, bad ka jaiñ panpoh. Kin suh ïa kine ki jaiñphong lyngdoh ïa u Aaron bad ki khun shynrang jong u khnang ba kin shakri ïa nga kum ki lyngdoh.

EKSODOS 28:4 ပူးပေါင်းရင်းမြစ်များ

2 SAMUEL 6:14

Bad u Dabid u la shad katba u lah ha khmat U Trai; bad u Dabid u la phong da ka ephod linen.

EKSODOS 25:7

ïa ki maw Oniks, bad ïa ki maw ban buh ha ka ephod, bad ha ka jingdeng shadem de.

EKSODOS 29:6

bad men pynphong ïa kata ka meitr ha ka khlieh jong u, bad to buh ruh ïa kata ka pansngiat bakhuid halor kata ka meitr.

EKSODOS 39:28

bad ïa ka meitr da ka linen bani, bad ïa ki tupia ba-itynnad da ka linen bani, bad ïa ki patlun de da ka linen bani ba la thir,

ISAÏAH 11:5

Bad ka hok kan long ka panpoh ka syngkai jong u, bad ka jingïaineh, ka panpoh ki khyllai jong u.

ISAÏAH 59:17

Bad U la phong ïa ka hok kum ka jingda shadem, bad ka jingda khlieh ka jingpynim halor ka khlieh jong U; bad U la kup jaiñ da ki jaiñkup ka jingpynhiar kput, bad U la phong barandi da ka jingsngewshitrhem.

HOSIA 3:4

Namar ki khun Israel kin ïaisah bun sngi khlem syiem, bad khlem rangbah, bad khlem jingkñia, bad khlem mawblei, bad khlem ephod lane teraphim:

EPHESOS 6:14

To ïeng, phi, namar kata, ba la panpoh ïa la ka syngkai da ka jingshisha, bad ba la kieng ïa ka jingda shadem ka hok;

1 THESSALONI 5:8

Hynrei, ma ngi, haba ngi long ki jong ka sngi, to ngin ïalong adkar, kiba phong ka jingïada shadem jong ka jingngeit bad ka jingieit; bad ka jingkyrmen ka jingpynim, kum ka jingïada khlieh.

JINGPYNPAW 9:17

Te kumne nga la ïohi ïa kita ki kulai ha kata ka jingithuhpaw, bad ïa kita kiba shong halor jong ki, kiba don ki jingïada shadem kum ka ding, bad kum ki Haïakinth, bad kum u kyndok; bad ki khlieh kita ki kulai, ki kum ki khlieh ki sing; bad na ki shyntur jong ki, ka mih ka ding bad ka tdem bad u kyndok.

1 SAMUEL 2:18

Te u Samuel u la shakri ha khmat U Trai, u dang khynnah, ba la panpoh ïa u da ka ephod linen.

1 SAMUEL 22:18

Te u syiem u la ong ha u Doeg, “To phai ma me, to pynïap ïa kita ki lyngdoh.” Bad u Doeg u nong Edom u la phai, bad u la tur ha kita ki lyngdoh, bad u la pynïap ha kata ka sngi phraphew san ngut ki rangbah kiba ju phong ïa ka ephod linen.

1 SAMUEL 23:6

Ka la long te, haba u Abiathar u khun u Ahimelekh u la phet ïap sha u Dabid ha Keilah, ba u la wallam ruh ïa ka ephod ha la ka kti.

1 SAMUEL 30:7

Bad u Dabid u la ong ha u Abiathar lyngdoh, u khun u Ahimelekh, “Nga kyrpad ïa me, to wallam shane sha nga ïa kata ka ephod.” Bad u Abiathar u la wallam ïa kata ka ephod ha u Dabid.