EKSODOS 28:30 - KA BAIBL

³⁰ Men buh ruh ha kata ka jingdeng shadem ka jingbishar, ïa kita ki Urim bad ïa kita ki Thummim; bad kin ïalong halor ka shyllipnud u Aaron, haba u leit bsut shapoh ha khmat U Trai; bad u Aaron un bah ïa ka jingbishar ki khun Israel halor la ka shyllipnud ha khmat U Trai ha la ka sngi.

Khasi CL Bible (BSI)

³⁰ Buh ïa u Urim bad u Thummim hapoh ka jingdeng shadem, khnang ba u Aaron un rah ïa ki haba u wan ha khmat ka jingdon kaba kyntang jong nga. Kum ha kata ka por, u dei ban phong ïa kane ka jingdeng shadem, khnang ba u lah ban tip bad sngewthuh ïa ka mon jong nga na ka bynta ki Israel.

EKSODOS 28:30 ပူးပေါင်းရင်းမြစ်များ

ESRA 2:63

Te u Tirshatha u la ong ha ki, ba kin ym bam na kita kiei kiei ki bakyntang tam ha ban da mih u lyngdoh uba don bad ki Urim bad ki Thummim.

NEHEMAÏAH 7:65

Bad u Tirshatha u la ong ha ki, ba kin ym ïoh bam na kiei kiei ki bakyntang tam, tad ynda un ïeng u lyngdoh uba don Urim bad Thummim.

EKSODOS 28:29

U Aaron ruh un bah ha kata ka jingdeng shadem ka jingbishar, ïa ki kyrteng ki khun Israel halor la ka shyllipnud, haba u leit bsut shapoh kata ka jaka kyntang, kum ka jingpynkynmaw ha khmat U Trai ha la ka sngi.

LEBITIKOS 8:8

Bad u la pyndeng ha u ïa ka jingdeng shadem: bad u la buh ruh ïa ki Urim bad ki Thummim hapoh kata ka jingda shadem.

SEKHARAÏAH 6:13

un tei ma u keiñ, ïa ka templ U Trai: bad un bah ïa ka burom, bad un shong bad un synshar halor la ka khet; bad un long u lyngdoh halor la ka khet: bad ka jingïapyrkhat ka jingsuk kan long hapdeng jong ki baroh ar.” ’

JINGKHEIÑ 27:21

Te un ïeng ha khmat u Eleasar lyngdoh, u ban ïakylli na ka bynta jong u, katba kum ka jingbishar ki Urim ha khmat U Trai: da ka ktien jong u, kin ïamih noh shabar, bad da ka ktien jong u, kin ïawan shapoh, ma u, bad ki khun Israel baroh ryngkat bad u, bad u paidlang baroh ruh de.”

2 KORINTH 12:15

Hynrei, ma nga, da kaba kmen eh ngan pynlut bad ngan pynlut noh khoit ïa lade na ka bynta ki mynsiem jong phi; la ka long ba katba nga nang ieit ïa phi, pynban, ïa nga yn nang ieit duna.

2 KORINTH 7:3

Ngam ong ïa kane ïa ka ban pynrem ïa phi: namar nga la ong mynshuwa, ba phi ïalong ha ki dohnud jong ngi, ïa ka ban ïaïap-lem bad ban ïa-im-lem.

DEUTERONOMI 33:8

Bad shaphang u Lebi u la ong, “To ai ba ki Thummim bad ki Urim jong me kin long lem bad u bakhuid jong me, ïa uba me la tynjuh ha Massah, bad uba me la ïa-pyneh ha ki um Meribah;

HEBRU 2:17

Namar kata, ka la dei ban pynlong ïa u, uba syriem ïa la ki para ha kiei kiei baroh, ba un ïoh long U Rangbah lyngdoh ba-isynei bad ïa uba lah ban shaniah ha kiei kiei kiba dei sha U Blei, ba un pynlong ka kuna namar ki pop u paidlang.

HEBRU 4:15

Namar ngim don u Rangbah lyngdoh u bym lah ban ïasngewlem bad ki jingtlot jong ngi; hynrei, ïa uba la pynshoi ha kiei kiei baroh syriem ïa ngi, hynrei, khlem pop.

HEBRU 9:12

lymne da ka snam ki blang bad ki khun masi, hynrei, da ka snam jong u hi, u leit rung tang shi sien sha kata ka Jaka kyntang, haba u la ïoh ïa ka jingsiewspah bymjukut.

HEBRU 9:24

Namar U Khrist u la leit rung ym sha ka Jaka kyntang ba la thaw da ki kti, kaba syriem ïa kata kaba shisha; hynrei, sha kata ka bneng hi, mynta ban paw ha khmat U Blei na ka bynta jong ngi:

NONGBISHAR 1:1

Te hadien ka jingïap u Joshua, ki Israel ki la ïakylli ïa U Trai, ki da ong, “Uei un leit kiew nyngkong na ka bynta jong ngi pyrshah ïa ki Kanaan, ban ïaleh ïa ki?”

NONGBISHAR 20:18

Te ki khun Israel ki la ïaïeng, bad ki la ïaleit kiew sha Bethel, bad ki la ïakylli na U Blei; ki la ong ruh, “Uno u ban leit kiew nyngkong na ka bynta jong ngi ban ïaleh thma ïa ki khun u Benjamin?” U Trai te u la ong, “U Judah un leit kiew nyngkong.”

NONGBISHAR 20:23

(Te ki khun Israel ki la ïaleit kiew bad ki la ïam ha khmat U Trai ha ban da la janmiet; bad ki ïakylli ïa U Trai, ki da ong, “Ngan leit kiew pat ban ïaleh thma ïa ki khun u Benjamin u para jong nga?” U Trai te u la ong, “Leit kiew ban ïaleh ïa u.”)

1 SAMUEL 28:6

Bad haba u la kylli na U Trai, U Trai um shym ïathuh ha u, lymne da ki jingphohsniew, lymne da ki Urim, lymne da ki nongïathuhlypa de.