EKSODOS 28:3 - KA BAIBL

³ Men kren ruh ha kita baroh kat ki bastad ka dohnud, ïa kiba nga la pyndap da ka mynsiem ka jingstad, ba kin ïathain ïa ki jaiñkup ïa u Aaron ïa ka ban pynkyntang ïa u, ban kam ïa ka kam lyngdoh ïa nga.

Khasi CL Bible (BSI)

³ Khot ïa ki nongsuhjaiñ batbit kiba nga la ai ha ki ka sap bad ong ïa ki ba kin suh ïa ki jaiñkup u Aaron khnang ba yn ïoh pynkyntang ïa u kum u lyngdoh ban shakri ïa nga.

EKSODOS 28:3 ပူးပေါင်းရင်းမြစ်များ

1 SYIEM 7:14

Une u la long u khun kawei ka riewkynthei na ka jaid Naphtali, bad u kpa jong u, u la long u briew na Tyros, u nongthaw rnong; bad la pyndap ïa u da ka jingstad bad ka jingshemphang bad ka buit ruh, ban thaw ka jingthaw baroh ha ka tama. Bad u la wan ha u syiem Solomon, bad u la trei ïa ka kam jong u baroh.

EKSODOS 35:10

“Bad uwei uwei baroh u bastad buit hapdeng jong phi un sa wan, bad un thaw ruh ïa kita baroh ïa kiba U Trai u la hukum;

EKSODOS 35:25

Ki kynthei baroh ruh ki bastad jingmut ki la thir da la ki kti, ki la wallam ruh ïa kaba ki la lah thir, na ka babyrïong, bad na ka basaw bthuh, bad na ka basaw syng-iang, bad ïa ka linen bani.

EKSODOS 35:30

U Moses te u la kren ha ki khun Israel, “Ha khmih, U Trai u la khot da ka kyrteng ïa u Besalil u khun u Uri, u khun u Hur, na ka jaid Judah;

EKSODOS 35:31

bad u la pyndap ïa u da U Mynsiem U Blei, ha ka jingstad, ha ka jingshemphang, bad ha ka jingsngewthuh, bad ha ka kynja jingtrei baroh;

EKSODOS 35:35

Ïa ki, u la pyndap da ka jingstad ka dohnud, ïa ka ban trei ïa ki kynja jingtrei baroh, ka jong uba mutdur, bad jong uba trei stad buit, bad jong uba suh pynpur, ha ka babyrïong, bad ha ka basaw bthuh, bad ha ka basaw syng-iang, bad ha ka linen bani ruh, bad ha kaba thain, da kaba leh keiñ ïa kano kano ruh ka kam, bad da kaba pyrkhat ïa ki jingtrei bastad buit.

EKSODOS 36:1

“Ynda kumta, ki la ïatrei u Besalil bad u Aholiab, bad u briew baroh u bastad ka dohnud, ha kiba U Trai u la buh ka jingstad bad ka jingshemphang ban nang ban trei ïa ki kynja jingtrei baroh jong ki kam ka jaka kyntang, katba kum ïa kita baroh ba U Trai u la lah hukum.”

EKSODOS 36:2

Te u Moses u la khot ïa u Besalil bad ïa u Aholiab, bad ïa u briew u bastad ka dohnud baroh, ha kiba U Trai u la lah buh ka jingstad, uwei uwei baroh keiñ uba ka dohnud jong u ka la kyntu eh ïa u ban wan trei ïa kata ka kam;

PROBERB 2:6

Naba U Trai u ai ka jingstad; na ka shyntur jong u ki mih ka jingtip bad ka jingshemphang:

ISAÏAH 11:2

bad U Mynsiem jong U Trai un shong sah halor jong u, u mynsiem ka jingstad bad ka jingshemphang, u mynsiem ka jingsylla bad ka bor, u mynsiem jong ka jingtip bad ka jingsheptieng ïa U Trai;

EPHESOS 1:17

ba U Blei U Jisu Khrist uba U Trai jong ngi, U Kpa ka burom, un ai ha phi ïa U Mynsiem ka jingstad bad ka jingpynpaw ha ka jingtip shaphang jong u;

DEUTERONOMI 34:9

Bad u Joshua u khun u Nun u la dap da ka mynsiem ka jingstad; naba u Moses u la lah buh ïa la ki kti halor jong u: bad ki khun Israel ki la shahshkor ïa u, bad ki la leh ruh kumba U Trai u la hukum ïa u Moses.

JAKOB 1:17

Ka jingai babha baroh, bad ka jingai bajanai baroh, ka long na jrong, kaba wan hiar na U Kpa ki jingshai, bad uba ym don ka jingkylla shuh, lymne ka syrngiew kaba shat da ka jingkylla.