EKSODOS 28:2 - KA BAIBL

² Men thaw ruh ïa ki jaiñkup bakyntang ïa u Aaron u hynmen jong me, na ka bynta ka burom bad na ka bynta ka jingitynnad.

Khasi CL Bible (BSI)

² Suh ki jaiñphong lyngdoh ïa u Aaron u hynmen jong me khnang ba un ishongkun shongkhia bad idonburom.

EKSODOS 28:2 ပူးပေါင်းရင်းမြစ်များ

Ka Kitab U Job 40:10

“To pyndeng ïa lade mynta da ka jingkhraw bad ka jinglong burom; bad to pynphong ïa lade da ka burom bad ka jingdonburom.

SALM 132:16

Ïa ki lyngdoh jong ka ruh ngan pynkup da ka jingpynim: bad ki riewkhuid jong ka kin ïarisa jam na kaba kmen.

SALM 132:9

To ki lyngdoh jong me kin kup ïa ka hok; bad ki riewkhuid jong me kin risa na kaba kmen.

SALM 149:4

Naba U Trai u ieit sngewbha ïa la ki briew: un pynitynnad ïa kiba lui lui da ka jingpynim.

SALM 96:6

Ka burom bad ka jinglong syiem ki ha khmat jong u: ka bor bad ka jingitynnad ki ha ka jaka kyntang jong u.

EKSODOS 28:40

“Ïa ki khun shynrang u Aaron ruh men thaw ïa ki sopti, ïa ki jingpanpoh ruh men thaw ïa ki, bad ïa ki tupia men thaw ïa ki, na ka bynta ka burom bad ka jingitynnad.

EKSODOS 29:28

Kan long ruh ka jong u Aaron bad ka jong ki khun shynrang jong u da ka hukum ha la ka rta na ki khun Israel: naba ka long ka jingainguh bakyntiew; bad kan long ruh ka jingainguh bakyntiew na ki khun Israel kaba na ki jingkñia ki jingainguh bapynïasuk jong ki, kata ka long ka jingainguh bakyntiew jong ki ha U Trai.

EKSODOS 31:10

bad ïa ki jaiñ ïa ka kam, bad ïa ki jaiñkup bakyntang ïa u Aaron lyngdoh, bad ïa ki jaiñkup ki khun shynrang jong u, ïa ka ban kam ha ka kam lyngdoh;

EKSODOS 40:13

bad men pynphong ïa u Aaron da kita ki jaiñkup bakyntang, bad to pynsleh ïa u, to pynkyntang ruh ïa u, ba un ïoh kam ha nga ha ka kam lyngdoh.

ISAÏAH 4:2

Ha kata ka sngi, u tnat U Trai un long uba i bha, bad ba-donburom, bad u soh ka ri u babha eh bad ba-itynnad ïa kita kiba la ïohlait im ha Israel.

ISAÏAH 52:1

To khie, to khie, to kup ïa la ka bor, ko Seïon, to kup ïa la ki jaiñkup ba-itynnad, ko Jerusalem, ka shnong ka bakhuid: naduh mynta u bym shym la otsher bad u basang kin ym wan shuh ha pha.

ISAÏAH 61:10

Ngan shadkmen eh ha U Trai, ka mynsiem jong nga kan sngewkmen ha U Blei jong nga; namar u la pynkup ïa nga da ki jaiñkup ka jingpynim, u la pynphong ïa nga da ka jaiñ ka hok, kumba u nongleit-kurim u sien ïa lade da ka jingsien syntiew, bad kumba ka nongleit-kurim ka pynitynnad ïa lade da la ki jingdeng.

ISAÏAH 61:3

ban buh ha ki basngewsih ha Seïon, ban ai ha ki kaba sien syntiew ha ka jaka ki dpei, ka umphniang ka jingkmen ha ka jaka ka jingsngewsih, ka jaiñkup ka jingïaroh ha ka jaka ka mynsiem kaba khia; ba yn khot ïa ki, “ki dieng ka hok,” “u jingthung U Trai,” ba yn pyndonburom ïa U.

ISAÏAH 64:6

Naba ngi baroh ngi la kylla long kum u bymkhuid, bad ki hok jong ngi baroh ki long kum ka jaiñ ba bit-tngit: ngi ïapstai noh baroh kum ka sla; te ki jingbymhok jong ngi, kum ka lyer, ki la rong noh ïa ngi.

LEBITIKOS 8:30

U Moses u la shim ruh na kata ka umphniang ka jingpynsleh, bad na ka snam kaba halor ka duwan, bad u la synreit ïa ka halor u Aaron, bad halor ki jaiñkup jong u, bad halor ki khun shynrang jong u, bad halor ki jaiñkup ki khun shynrang jong u lem bad u; bad u la pynkyntang ïa u Aaron, bad ïa ki jaiñkup jaiñsem jong u, bad ïa ki khun shynrang jong u ruh, bad ïa ki jaiñkup jaiñsem jong ki khun shynrang jong u lem bad u.

ÏOANNIS 1:14

Uta U Ktien te u la kynja doh, bad u la shong sah hapdeng jong ngi; bad ngi la ïoh-khmih shaiñ ïa ka burom jong u, ka burom kaba da kat ka jong uba la kha marwei na U Kpa, ba la dap da ka jingaiei bad ka jingshisha.

Ka Shithi U Paul Sha Ki Nong Rom 13:14

Hynrei, to kup phi ïa U Jisu Khrist uba U Trai, bad wat sumar sukher lypa ïa ka jong ka doh, khnang ïa ka ban pynbrai ïa ki jingkwah bymman jong ka.

Ka Shithi U Paul Sha Ki Nong Rom 3:22

kata ka long ka hok U Blei kaba da ka jingngeit ha U Jisu Khrist, ïa kita baroh bad ha kita baroh kat kiba ngeit; namar ym don shuh ka jingïapher;

GALATIA 3:27

Namar kat kiba na phi ïa kiba la pynbaptis ha U Khrist, phi la kup keiñ ïa U Khrist.

HEBRU 2:9

hynrei, ngi ïohi ïa U Jisu ïa uba la pynlong kham poh khyndiat ban ïa ki angel, na ka bynta kata ka jingshahïap jong u, ba la pynphong pansngiat ïa u da ka burom bad da ka jingpyndonburom; ba da ka jingaiei U Blei, un mad ïa ka jingïap na ka bynta baroh.

HEBRU 7:26

Namar U Rangbah lyngdoh uba kum uta u la bit ïa ngi, u bakhuid, uba lui lui, u bym da bit-tngit, uba la kyrpang na ki bapop, bad ïa uba la pynlong kham ha khlieh ïa ki bneng;

2 PETROS 1:17

Namar u la pdiang na U Blei uba U Kpa ïa ka jinglong burom bad ïa ka jingpyndonburom, mynba la wan kat kane ka ktien ha u na kata ka burom bakhraw batyngshaiñ eh: “Une u long u khun jong nga uba ieit ha uba nga sngewbha eh.”

1 ÏOANNIS 3:2

Ko hep ba-ieit, mynta ngi long ki khun U Blei, bad ym pat la pynpaw ïa kaei ba ngin sa long; hynrei, ngi tip ba, ynda la pynpaw ïa u, ngin long kiba kum ma u; naba ngin ïohi ïa u kumba u long hi.

JINGPYNPAW 19:8

Te la ai ha ka ba kan da ïoh kup ïa ka jaiñ linen bani, bakhuid bad batyngshain:” Namar kata ka jaiñ linen bani ka long keiñ ki jinglehhok jong ki riewkhuid.

JINGPYNPAW 5:10

bad me la pynlong ïa ki, ki syiem bad ki lyngdoh ha U Blei jong ngi, bad kin ïasynshar ha ka pyrthei.”