EKSODOS 28:12 - KA BAIBL

¹² Men buh ruh ïa kita ki ar tylli ki maw ha ki tyrpeng ka ephod, kum ka jingpynkynmaw ïa ki khun Israel: bad u Aaron un bah ïa ki kyrteng jong ki ha khmat U Trai halor baroh ar ki tyrpeng jong u kum ka jingpynkynmaw.

Khasi CL Bible (BSI)

¹² Buh ïa ki ha ki tyllai tawah tyrpeng jong ka ephod ba kin ïeng na ka bynta ki khat-ar jait Israel. Ha kane ka rukom u Aaron un kit ïa ki kyrteng jong ki ha la ka tyrpeng khnang ba ma nga, U Trai, ngan ïai kynmaw ïa ki briew jong nga.

EKSODOS 28:12 ပူးပေါင်းရင်းမြစ်များ

Ka Kitab U Job 31:36

Shisha ngan da bah ïa ka halor la ka tyrpeng; ngan da teh ïa ka kum ka pansngiat ha nga.

SALM 89:19

Ynda kumta, me la kren ha ka jingithuhpaw ha ki riewkhuid jong me, bad me la ong, “Nga la buh ïa ka jingïarap halor uwei u bakhrawbor; nga la kyntiew ïa uwei uba la jied na u paidbah.

EKSODOS 12:14

“ ‘Kane ka sngi ruh kan long ïa phi ka jingpynkynmaw, bad phin rakhe ruh ïa ka kum Ka Jingkhawai Niam ïa U Trai: ha ki pateng la pateng jong phi phin rakhe ïa ka keiñ kum Ka Jingkhawai Niam da ka hukum kaba ha la ka rta.

EKSODOS 13:9

Kane te kan sa long ka dak ïa me ha ka kti jong me, bad kum ka jingpynkynmaw hapdeng ki khmat jong me, khnang ba ka hukum U Trai kan da long ha ka shyntur jong me: namar da ka kti badonbor U Trai u la ïalam noh ïa me na ka ri Ijipt.

EKSODOS 28:11

Da ka jingtrei u nongpruid ha u maw, kum ki jingpruid ka mohor keiñ, men pruid ha kita ki ar tylli ki maw ïa ki kyrteng ki khun Israel: men thaw ïa ki ban buh ha ki shrong ka ksiar.

EKSODOS 28:29

U Aaron ruh un bah ha kata ka jingdeng shadem ka jingbishar, ïa ki kyrteng ki khun Israel halor la ka shyllipnud, haba u leit bsut shapoh kata ka jaka kyntang, kum ka jingpynkynmaw ha khmat U Trai ha la ka sngi.

EKSODOS 28:7

Kan don ar tylli ki tyrpeng ba la pynïasoh ha ki baroh ar ki rmiang jong ka; kumta te, yn pynïasoh lang ïa ka.

ISAÏAH 12:2

“Ha khmih, U Blei u long ka jingpynim jong nga; ngan shaniah, bad ngan ym sngewsheptieng: namar U Trai Jehobah u long ka bor bad ka jingrwai jong nga; u la kylla long ruh ka jingpynim jong nga.”

ISAÏAH 62:6

Nga la buh ki nongap ha ki kynroh jong pha, ko Jerusalem; kin ym sngap jar mynsngi lane mynmiet. Phi ki nongpynkynmaw jong U Trai, wat shongthait,

ISAÏAH 9:6

Namar ha ngi la kha ïa u khun, la ai ïa u khun ha ngi; te ka jingsynshar kan long halor ka tyrpeng jong u: bad yn khot ïa ka kyrteng jong u, “U Baphylla, U Nongsylla,” “U Blei Bakhrawbor,” “U Kpa Bymjukut,” “U Syiem ka Jingsuk.”

LEBITIKOS 24:7

Men buh ruh ïa ka jingiwbih basngur halor kawei kawei ka lynter, ba kan long halor kita ki kpu kum ka jingpynkynmaw, ka jingainguh da ka ding keiñ ha U Trai.

JINGKHEIÑ 16:40

ïa ka ban long ka jingpynkynmaw ïa ki khun Israel, ba uno uno ruh u nongwei, u bymdei na u symbai u Aaron, un ym wan hajan ban ainguh ïa ka jingiwbih thang ha khmat U Trai, ba ïoh un long kum u Korah, bad u paidlang jong u; kumba U Trai u la ong ha u da ka kti u Moses.

JINGKHEIÑ 31:54

Te u Moses bad u Eleasar lyngdoh ki la shim ïa kata ka ksiar jong kita ki rangbah ki hajar, bad ka jong kita ki rangbah ki spah, ki la ïawallam ruh ïa ka ha Ka Tabernakl ka jingïaseng, ïa ka ban long ka jingpynkynmaw na ka bynta ki khun Israel ha khmat U Trai.

LOUKAS 1:54

U shan bor ïa u Israel u shakri jong U, ba Un ïoh kynmaw ïa ka jingisynei

LOUKAS 1:72

ban pyni ka jingisynei ïa ki kpa jong ngi, bad ban kynmaw ïa ka jutang bakhuid jong U;

KI KAM 10:4

U te, haba u la khmih shaiñ ha u, bad ba u dang kyndit, u la ong, “Kumno, Kynrad?” Te u la ïathuh ha u, “Ki jingduwai jong me bad ki jingai isynei jong me, ki la ïakiew soit kum ka jingkynmaw ha khmat U Blei.

1 KORINTH 11:24

bad haba u la lah nguh, u la kdiah, bad u la ong, “To shim phi, to bam; une u long ka met jong nga, ïa kaba la pynkheiñ na ka bynta jong phi; to leh ïa kane, ïa ka ban kynmaw ïa nga.”

DEUTERONOMI 33:12

Shaphang u Benjamin u la ong, “Uba ieit jong U Trai un shongsuk hajan jong u: u ban kah ïa u baroh shi sngi, bad un ïaishong hapdeng ki tyrpeng jong u.”

JOSHUA 4:7

Ynda kumta, phin ïathuh ha ki, ‘La pyndkut noh ïa ki um ka Jordan ha shuwa ka synduk ka jutang U Trai; mynba ka la leit sha shiliang ka Jordan, ïa ki um ka Jordan la pyndkut noh: bad kine ki maw kin long ka jingkynmaw ïa ki khun Israel junom.’ ”