EKSODOS 28:11 - KA BAIBL

¹¹ Da ka jingtrei u nongpruid ha u maw, kum ki jingpruid ka mohor keiñ, men pruid ha kita ki ar tylli ki maw ïa ki kyrteng ki khun Israel: men thaw ïa ki ban buh ha ki shrong ka ksiar.

Khasi CL Bible (BSI)

¹¹ Wad ïa u bania uba tbit ba un ohdur ha kita ki ar tylli ki mawkordor ïa ki kyrteng jong ki khun shynrang jong u Jakob bad pynshong ïa ki ha ki jingoh-shrong kiba da ka ksiar.

EKSODOS 28:11 ပူးပေါင်းရင်းမြစ်များ

Ka Kitab U Job 19:24

Ba da u khulom nar bad ka sisa la mut dak ïa ki ha u mawsiang junom!

EKSODOS 28:10

hynriew na ki kyrteng jong ki ha uwei u maw bad hynriew ki kyrteng jong kiwei pat ha uwei pat u maw, katba kum ka jingkha jong ki.

EKSODOS 28:12

Men buh ruh ïa kita ki ar tylli ki maw ha ki tyrpeng ka ephod, kum ka jingpynkynmaw ïa ki khun Israel: bad u Aaron un bah ïa ki kyrteng jong ki ha khmat U Trai halor baroh ar ki tyrpeng jong u kum ka jingpynkynmaw.

EKSODOS 28:21

Bad ha kita ki maw kin don ki kyrteng ki khun Israel, khat-ar keiñ, kat kum ki kyrteng jong ki; kum kaba pruid jong ka mohor, uwei pa uwei baroh bad la ka kyrteng kyrteng, kat kum ki khat-ar ki jaid.

EKSODOS 28:25

Bad ïa kita kiwei ki ar tylli ki tduh jong kita ar tylli ki kynjri ba la thain, men pynsnoh ha kita ar tylli ki shrong, bad men buh ïa ki halor ki tyrpeng jong ka ephod na khmat.

EKSODOS 28:36

“Men thaw ruh ïa ka sla da ka ksiar banylla, bad men pruid ha ka, kum ki jingpruid jong ka mohor, ‘Ka jingkhuid ha U Trai.’

EKSODOS 39:13

bad ka kyrdan basaw, da u Beryl, u Oniks, bad u Jasper: bad la thep ïa ki ha la ki jaka ha ki shrong ksiar.

EKSODOS 39:18

Bad ïa kita ki ar tylli ki tduh jong kita ki kynjri ba la thain ki la pyndait ha kita ki ar tylli ki shrong, bad ki la buh ïa ki ha ki tyrpeng kata ka ephod shakhmat.

EKSODOS 39:6

Bad ki la shna ïa ki maw Oniks ba la thep ha ki shrong ksiar, ba la pruid kum ka jingpynpruid ïa ka mohor, da ki kyrteng ki khun Israel.

JEREMAÏAH 22:24

“Katba nga im,” ong U Trai, “la u Konaïah u khun u Jehoïakim u syiem ka Judah u long ka sa'ti ha ka kti kamon jong nga, pynban, ngan da weng noh ïa ka nangta;

SEKHARAÏAH 3:9

Naba ha khmih, u maw uba nga la buh ha khmat u Joshua; ha uwei u maw ki don hynñiew tylli ki khmat; ha khmih, ngan shniah ïa ka jingshniah jong u,’ ” ong U Trai ki paid, “bad ngan pynkynriah noh ïa ka pop jong kata ka ri ha kawei ka sngi.”

EPHESOS 1:13

ha u, ma phi ruh, haba phi la ïohsngew ïa ka ktien ka jingshisha, ka gospel ka jingpynim jong phi; ha uba, haba phi la ngeit ruh, la shon shab ïa phi da U Mynsiem Bakhuid ka jingkular,

EPHESOS 4:30

To wat pynsngewsih phi ïa U Mynsiem Bakhuid U Blei, da uba la shon shab ïa phi haduh kata ka sngi ka jingsiewspah.

2 TIMOTHI 2:19

Hynrei, kata ka nongrim baskhem jong U Blei ka ïaineh, kaba don kane ka shab: “U Trai u ithuh ïa kita kiba long ki jong u”: bad, “To uwei pa uwei baroh uba khot kyrteng ïa ka kyrteng U Khrist, un kyndiah noh na ka jingbymhok.”

JINGPYNPAW 7:2

Bad nga la ïohi ïa uwei pat u angel ba u wan kiew na sha ba-mih ka sngi, u da bat ïa ka shab jong U Blei U Ba-im; bad u la pyrta da ka ktien bajam ha kita ki saw angel, ha kiba la ai bor ban pynsniew ïa ka khyndew bad ïa ka duriaw,