EKSODOS 28:1 - KA BAIBL

¹ “Bad to shim ha me ïa u Aaron u hynmen jong me, bad ïa ki khun shynrang jong u lem bad u, napdeng ki khun Israel, ïa ka ban kam ïa ka kam lyngdoh ïa nga, ïa u Aaron keiñ, ïa u Nadab, bad ïa u Abihu, ïa u Eleasar bad ïa u Ithamar, ki khun shynrang jong u Aaron.

Khasi CL Bible (BSI)

¹ “Khot ïa u Aaron u hynmen jong me bad ïa ki khun shynrang jong u, u Nadab, u Abihu, u Eleasar, bad u Ithamar. Pynkyrpang ïa ki na ki Israel khnang ba kin shakri ïa nga kum ki lyngdoh.

EKSODOS 28:1 ပူးပေါင်းရင်းမြစ်များ

1 KHRONIKL 23:13

Ki khun shynrang u Amram: u Aaron bad u Moses: te ïa u Aaron la pynkyrpang, ba un pynkyntang ïa kiei kiei ki bakyntang tam, ma u bad ki khun jong u, ha la ka rta, ban thang jingiwbih ha khmat U Trai, ban shakri ha U, bad ban kyrkhu ha ka kyrteng jong U, ha la ka rta.

1 KHRONIKL 6:10

bad u Johanan u la pynkha ïa u Asaraïah, (dei une uba la trei ïa ka kam lyngdoh ha kata ka ïing ba u la tei u Solomon ha Jerusalem:)

1 KHRONIKL 6:34

u khun u Elkanah, u khun u Jeroham, u khun u Eliel, u khun u Toah;

2 KHRONIKL 11:14

Naba ki Lebi ki la iehnoh ïa la ki rudnong bad ïa kata kaba ki don, bad ki la wan sha Judah bad Jerusalem: naba u Jeroboam bad ki khun jong u, ki la kyntait noh ïa ki, ba kin ym ïoh trei ïa ka kam lyngdoh ha U Trai:

SALM 115:10

Ko ka ïing u Aaron, to shaniah ha U Trai: u long ka jingïarap jong ki bad ka stieh jong ki.

SALM 99:6

U Moses bad u Aaron hapdeng ki lyngdoh jong u, bad u Samuel hapdeng kita kiba khot kyrpad ïa ka kyrteng jong u; ki la khot kyrpad ïa U Trai, te u la phai ktien ïa ki.

EKSODOS 24:1

Te u la ong ha u Moses, “To wan kiew sha U Trai, ma me, bad u Aaron, bad u Nadab, bad u Abihu, bad ki hynñiewphew ki tymmen basan jong ki Israel; bad to mane phi na sha jngai.

EKSODOS 24:9

Ynda kumta, u Moses u la leit kiew, bad u Aaron, u Nadab, bad u Abihu, bad hynñiewphew ngut ki tymmen basan ki Israel,

EKSODOS 28:41

To men pynphong ruh ïa ki ha u Aaron u hynmen jong me, bad ha ki khun shynrang jong u lem bad u; bad men pynsleh ïa ki, bad men pynkyntang ïa ki, bad men pynkhuid ïa ki de, ba kin ïoh kam ha nga ha ka kam lyngdoh.

EKSODOS 29:1

“Kumne te men leh ïa ki, ïa ka ban pynkyntang ïa ki, ïa ka ban kam ha nga ha ka kam lyngdoh: To shim uwei u masi lyngraw bad ar tylli ki langbrot shynrang bajanai,

EKSODOS 29:44

Ngan pynkyntang ruh ïa Ka Tabernakl ka jingïaseng, bad ïa kata ka duwan: bad ngan pynkyntang ïa u Aaron bad ïa ki khun shynrang jong u, ba kin kam ha nga ha ka kam lyngdoh.

EKSODOS 29:9

Bad men pynpanpoh ïa ki da ki jingpanpoh, ïa u Aaron keiñ bad ïa ki khun shynrang jong u, bad men pynphong ïa ki da kita ki tupia: bad kata ka kam lyngdoh ruh kan ïailong ka jong ki da ka hukum pateng la pateng: bad men pynkyntang ruh ïa u Aaron bad ïa ki khun shynrang jong u.

EKSODOS 30:30

Bad men pynsleh ruh ïa u Aaron bad ïa ki khun shynrang jong u, bad men pynkyntang ïa ki, ba kin ïoh kam ha nga ha ka kam lyngdoh.

EKSODOS 31:10

bad ïa ki jaiñ ïa ka kam, bad ïa ki jaiñkup bakyntang ïa u Aaron lyngdoh, bad ïa ki jaiñkup ki khun shynrang jong u, ïa ka ban kam ha ka kam lyngdoh;

EKSODOS 35:19

ïa ki jaiñ ban leh ka kam, ïa ka ban leh ka kam keiñ ha ka jaka bakyntang, ïa ki jaiñkup bakyntang ïa u Aaron u lyngdoh, bad ïa ki jaiñkup ïa ki khun shynrang jong u ruh, ïa ka ban kam ha ka kam lyngdoh.”

EKSODOS 6:23

Te u Aaron u la shim ïa ka Elisheba ka khun u Amminadab, ka para jong u Naashon ban long ka tnga ïa u; ha u te ka la kha ïa u Nadab, bad ïa u Abihu, ïa u Eleasar, bad ïa u Ithamar.

LEBITIKOS 10:1

Ynda kumta, u Nadab bad u Abihu, ki khun u Aaron, ki la ïashim ïa la ki khiew thang jingiwbih, bad ki la buh ding ha ki, bad ki la buh halor kata ïa ka jingiwbih thang, bad ki la ïakñia ainguh ha khmat U Trai da ka ding khyllah, ïa kaba um shym la hukum ïa ki.

LEBITIKOS 10:12

Bad u Moses u la kren ha u Aaron, bad ha u Eleasar bad ha u Ithamar, kiba dang sah na ki khun shynrang jong u, “To ïashim ïa ka jingainguh bam kaba sah na ki jingkñia da ka ding jong U Trai, bad to ïabam khlem thiat ïa ka hajan ka duwan: naba ka long ka bakyntang tam eh;

LEBITIKOS 7:35

Kane te ka bynta kaba dei ïa ka jingpynsleh ïa u Aaron, bad ïa ka jingpynsleh ïa ki khun shynrang jong u, na ki jingkñia ainguh ki jong U Trai ba la thaw da ka ding, naduh kata ka sngi ha kaba u la pynwan ïa ki, ïa ka ban kam ïa ka jingkam lyngdoh ïa U Trai;

LEBITIKOS 8:1

Bad U Trai u la kren ha u Moses, u da ong,

LEBITIKOS 8:2

“To shim ïa u Aaron bad ki khun shynrang jong u lem bad u, bad ïa ki jaiñkup, bad ïa ka umphniang ka jingpynsleh, bad ïa uwei u masi lyngraw ban long ka jingkñia namar ka pop, bad ïa ki ar tylli ki 'lang shynrang, bad shi shang u kpu bakhlem thiat;

JINGKHEIÑ 18:7

Kumta, ma me bad ki khun shynrang jong me, phin ïasumar ïa ka kam lyngdoh jong phi shaphang kiei kiei baroh kiba dei ïa ka duwan, bad hapoh ka jingkah de phin trei; nga la ai ïa ka kam lyngdoh jong phi ha phi kum ka jingai ei: te ïa u nongwei u ban wan hajan yn pynïap noh.”

JINGKHEIÑ 2:4

Bad u paidïapom jong u ruh, bad kita ïa kiba la kheiñ na ki, ki la long hynñiewphew saw hajar hynriewspah.

JINGKHEIÑ 26:61

Te u Nadab, bad u Abihu ki la ïap, mynba ki la ainguh da ka ding bakhyllah ha khmat U Trai.

LOUKAS 1:8

Ka la jia te, haba u dang leh ïa ka kam lyngdoh ha khmat U Blei, ha kaba ter ter ka jingkylliang sngi jong u,

DEUTERONOMI 10:6

(Te ki khun Israel ki la ïaleit noh na Beeroth jong ki khun u Jaakan sha Mosera: hangta, u Aaron u la ïap, bad hangta ruh, la tep ïa u; bad u Eleasar u khun jong u, u la kam ha ka kam lyngdoh ha ka jaka jong u.

DEUTERONOMI 18:5

Namar U Trai uba U Blei jong me, u la jied ïa u na ki jaid jong me baroh, ban ïeng ïa ka ban shakri ha ka kyrteng U Trai, ïa u bad ïa ki khun shynrang jong u ha la ka rta.

1 SAMUEL 2:28

Nga ngam shym la jied ïa u ruh na ki jaid Israel baroh ban long u lyngdoh jong nga, ban leit kiew ha ka duwan jong nga, ban thang ka jingiwbih, bad ban phong ïa ka ephod ha khmat jong nga? ngam shym la aiti ruh ha ka ïing u kpa jong me ïa ki jingainguh baroh kiba da ka ding ki jong ki khun Israel?