EKSODOS 27:21 - KA BAIBL

²¹ Ha Ka Tabernakl ka jingïaseng, shabar kata ka jingkah kaba ha khmat ka jingphla, u Aaron bad ki khun shynrang jong u kin ïasumar ïa ka naduh mynmiet haduh mynstep ha khmat U Trai; kane kan long ka hukum ha la ka rta ha ki pateng la pateng bynriew jong ki na ka bynta ki khun Israel.

Khasi CL Bible (BSI)

²¹ U Aaron bad ki khun shynrang jong u ki dei ban pynïeng ïa ka sharak hapoh ka Ïingjaiñ ka Jingdon Ryngkat jong nga shabar jong ka pyrda kaba don ha khmat jong ka Synduk ka Jutang. Hangta ha ka jingdon ryngkat jong nga dei ban pynmeh ïa ka naduh janmiet haduh mynstep. Ïa kane ka hukum dei ban sumar junom da ki Israel bad ki khun ki ksiew jong ki.

EKSODOS 27:21 ပူးပေါင်းရင်းမြစ်များ

JENESIS 1:5

Te U Blei u la khot “Ka Sngi” ïa kata ka jingshai, bad ïa kata ka jingdum u la khot “Ka Miet”. Bad kaba la janmiet ka la long bad ka step ruh ka la long, kawei ka sngi.

JENESIS 1:8

Bad ïa kata ka suiñbneng, U Blei u la khot “Ka Bneng”. Bad kaba la janmiet ka la long, bad ka step ka la long, ka sngi ka ba-ar.

2 KHRONIKL 13:11

bad ki thang ïa ki jingainguh thang bad ïa ka jingiw baiwbih ha U Trai man ka step bad man ka janmiet: ki buh ryntih ruh ïa ki 'pu pyni halor ka miej bakhuid; bad ïa ka dieng pynïeng sharak ksiar lem bad ki sharak jong ka, ban thang man ka janmiet: namar ma ngi, ngi rakhe ïa ka jingsumar U Trai U Blei jong ngi; hynrei, phi, phi la kyntait noh ïa u.

SALM 134:1

Ha khmih, to kyrkhu ïa U Trai, phi ki shakri U Trai baroh, kiba ïeng ha ïing U Trai mynmiet.

EKSODOS 12:14

“ ‘Kane ka sngi ruh kan long ïa phi ka jingpynkynmaw, bad phin rakhe ruh ïa ka kum Ka Jingkhawai Niam ïa U Trai: ha ki pateng la pateng jong phi phin rakhe ïa ka keiñ kum Ka Jingkhawai Niam da ka hukum kaba ha la ka rta.

EKSODOS 16:34

Kumba U Trai u la hukum ïa u Moses, kumta u Aaron u la buh ïa u ha khmat ka jingphla, ïa ka ban sumar.

EKSODOS 25:16

Bad men thep ha kata ka synduk ïa ka jingphla ïa kaba ngan sa ai ha me.

EKSODOS 28:43

bad u Aaron un phong ïa ki, bad ki khun shynrang jong u kin phong ïa ki, haba ki leit bsut hapoh Ka Tabernakl ka jingïaseng, lane haba ki wan hajan ka duwan ïa ka ban shakri ha kata ka jaka kyntang ba kin ym kit pop bad ïap noh: kane kan long ka hukum ïa u bad ïa u symbai jong u hadien jong u ha la ka rta.

EKSODOS 29:28

Kan long ruh ka jong u Aaron bad ka jong ki khun shynrang jong u da ka hukum ha la ka rta na ki khun Israel: naba ka long ka jingainguh bakyntiew; bad kan long ruh ka jingainguh bakyntiew na ki khun Israel kaba na ki jingkñia ki jingainguh bapynïasuk jong ki, kata ka long ka jingainguh bakyntiew jong ki ha U Trai.

EKSODOS 29:42

Kane kan long ka jingainguh thang ha la ka sngi ha ki pateng la pateng bynriew jong phi baroh hajan ka jingkhang Ka Tabernakl ka jingïaseng ha khmat U Trai: ha kaba ngan ïashem bad phi, ïa ka ban kren hangta ha me.

EKSODOS 29:44

Ngan pynkyntang ruh ïa Ka Tabernakl ka jingïaseng, bad ïa kata ka duwan: bad ngan pynkyntang ïa u Aaron bad ïa ki khun shynrang jong u, ba kin kam ha nga ha ka kam lyngdoh.

EKSODOS 30:21

Kumta kin thet keiñ ïa la ki kti bad sait ïa la ki sla'jat, ba kin ym ïap noh: kane te kan long ka hukum ha la ka rta ïa ki; ïa u keiñ bad ïa u symbai jong u ha ki pateng la pateng bynriew jong ki.”

EKSODOS 30:36

bad men shoh lwet eh khyndiat na ka, bad men buh ïa ka ha khmat ka jingphla ha Ka Tabernakl ka jingïaseng, ha kaba ngan ïashem bad me: kan long ha phi ka bakyntang tam eh.

EKSODOS 30:8

bad haba u Aaron u tbeh ïa kita ki sharak la janmiet ruh, un thang ïa ka jingiwbih thang halor jong ka, ka jingiwbih thang keiñ kaba ha la ka sngi ha khmat U Trai ha ki pateng la pateng bynriew jong phi.

EKSODOS 40:3

Men buh ruh hangta ïa ka synduk ka jingphla, bad to tap ïa kata ka synduk da kata ka jingkah.

LEBITIKOS 10:9

“Me, ïa ka Waiñ bad ïa ka kyiad wat dih, bad ki khun shynrang jong me ruh, haba phi rung sha Ka Tabernakl ka jingïaseng, ba phin ym ïap noh: kane kan long ka hukum ba-neh junom ïa phi pateng la pateng:

LEBITIKOS 16:34

Kane ruh kan long ka hukum ba-neh junom ïa phi, ïa ka ban pynlong ka jingpynïasuk na ka bynta ki khun Israel namar ki pop jong ki baroh shi sien shi snem.” Bad u la leh kumba U Trai u la hukum ïa u Moses.

LEBITIKOS 17:7

Bad wat ai kin kñia shuh ïa ki jingkñia ïa ki ksuid, bad kiba ki la ju leit ïaklim mynno mynno. Kane kan long ka hukum bajunom ïa ki pateng la pateng.’

LEBITIKOS 23:14

Bad ïa u kpu, lymne u Kew ba la pyrthiew, lymne u soh Kew ba-im, phin ym ïoh bam haduh kata ka sngi ba phin da wallam ïa ka jingainguh ha U Blei jong phi: ka long ka hukum bajunom ha la ki pateng la pateng ha ka ïing jong phi baroh.

LEBITIKOS 23:21

Bad ha kata ka sngi hi phin pynbna ba kan long ka jingïaseng bakhuid ïa phi; phin ym trei jingtrei da lei lei ruh: ka long ka hukum bajunom ha ki ïing jong phi baroh ha ki pateng la pateng jong phi.

LEBITIKOS 24:2

“To hukum ïa ki khun Israel, ba kin wallam ha me ïa ka umphniang Olib basngur bha ïa ka jingshai, ïa ka ban thang ha ki sharak ha la ka sngi.

LEBITIKOS 24:3

Kan long shabar ka jingkah ka jong ka jingphla, hapoh Ka Tabernakl ka jingïaseng, ba u Aaron un buh beit ïa kane, naduh janmiet haduh mynstep ha khmat U Trai ha la ka sngi: kane kan long ka hukum bajunom ïa phi ha la ki pateng la pateng.

LEBITIKOS 24:9

Bad kine kin long ki jong u Aaron bad ki khun shynrang jong u; bad kin bam ma ki, ïa kata ha ka jaka kyntang: naba ki long ki bakyntang tam ha u na ki jingkñia da ka ding ki jong U Trai da ka hukum bajunom.”

LEBITIKOS 3:17

Kane ka long ka hukum kaba ha la ka rta ïa phi pateng la pateng ha ki ïing jong phi baroh; lymne ïa ka khleiñ lymne ïa ka snam wat bam satia.”

LEBITIKOS 3:8

bad un buh ïa la ka kti halor ka khlieh jong ka jingkñia ainguh jong u, bad un pynïap ïa ka ha khmat Ka Tabernakl ka jingïaseng: bad kin synreit ki khun shynrang u Aaron ïa ka snam jong ka halor kata ka duwan baroh sawdong.

LEBITIKOS 6:15

Bad un shim na kata kat shi kham jong u, na u 'purew jong ka jingkñia ainguh bam, bad na ka umphniang jong ka, bad ïa ka jingiwbih baroh kaba halor kata ka jingkñia ainguh bam, ynda kumta, un thang ïa ka jingpynkynmaw jong ka halor kata ka duwan, ïa ka ban long ka jingiw baiwbih ha U Trai.

LEBITIKOS 7:36

ïa kaba U Trai u la hukum ban ai ha ki, na ki khun Israel, naduh kata ka sngi ha kaba u la pynsleh ïa ki, da ka hukum bajunom pateng la pateng jong ki.’ ”

MALAKHI 2:7

Naba ki rmiang shyntur u lyngdoh ki dei ban sumar khop ïa ka jingtip, bad ki dei ban wad ïa ka hukum na ka shyntur jong u: naba u long u nonglam-ktien jong U Trai ki paid.

JINGKHEIÑ 18:23

Hynrei, ki Lebi kin trei ïa ka kam Ka Tabernakl ka jingïaseng, kin kit ruh ïa ka pop jong ki: kane kan long ka hukum bymjukut ïa ki jingkha pateng jong phi, bad hapdeng ki khun Israel, kim don ka jingïoh pateng.

JINGKHEIÑ 18:5

Hynrei, phin ïa-ap sumar ma phi ïa ka jingsumar ka jaka kyntang, bad ïa ka jingsumar ka duwan: ba kan ym long shuh ka jingbitar halor ki khun Israel.

JINGKHEIÑ 19:21

Te kan long ka hukum bymjukut ha ki: bad uta uba synreit ïa ka um ka jingpynkhuid, un sait ïa la ki jaiñ; bad uta uba ktah ïa ka um ka jingpynkhuid, un long u bymkhuid haduh janmiet.

JINGKHEIÑ 35:29

“Kumta, kine kin long ka hukum ka jingbishar ha phi ha ki jingkha pateng baroh jong phi ha ki ïing jong phi baroh.

JINGKHEIÑ 8:9

Men wallam ruh ïa ki Lebi ha khmat Ka Tabernakl ka jingïaseng: bad men lum lang ïa u paidlang baroh ki khun Israel:

MATHAÏOS 4:16

ki briew kiba shong ha kaba dum ki la ïohi ïa ka jingshai bakhraw, bad ha kita kiba shong ha ka ri bad ha ka syrngiew ka jingïap, la mih ka jingshai.”

LOUKAS 12:35

“To long kiba la panpoh ïa la ki syngkai, bad ba la thang ïa ki sharak jong phi;

ÏOANNIS 5:35

Uta u la long ka sharak ba la thang bad batyngshaiñ; phi te phi la ïasngewbha ban ïashadkmen tang shibit ar bit ha ka jingshai jong u.

2 KORINTH 4:6

Naba U Blei uba la hukum ïa ka jingshai ban shai noh na kaba dum, u la pynshai ha ki dohnud jong ngi, khnang ïa ka ban pynshai ïa ka jingtip ka burom U Blei ha ka khmat U Jisu Khrist.

2 PETROS 1:19

Bad ngi don kata ka ktien ka jingïathuhlypa ba la kham pynskhem; ha kaba phi leh bha haba phi pynshahshkor ïa ka, kumba ha ka sharak batyngshaiñ ha ka jaka ba-dum, tad ynda kan mih ka sngi, bad u 'lurshai un da mih ha ki dohnud jong phi:

JINGPYNPAW 2:1

“Ha uta u angel jong ka balang ha Ephesos to thoh: Ïa kine kiei kiei ruh u ong uta uba bat ïa kita ki hynñiew ki khlur ha ka kti kamon jong u, uta uba ïaid hapdeng kita ki hynñiew ki dieng pynïeng sharak ksiar:

1 SAMUEL 3:3

bad haba ym pat lip ka sharak U Blei ha ka templ U Trai, ha kaba la don ka synduk U Blei, u Samuel ruh u la thiah;

1 SAMUEL 30:25

Te naduh kata ka sngi, u la buh ïa kane ban long ka aiñ bad ka rukom ha Israel, haduh kane ka sngi.