EKSODOS 27:2 - KA BAIBL

² Bad men thaw ïa ki reng jong ka ha ki saw ki dong jong ka: ki reng jong ka kin long na kajuh: bad men suit ïa ka ruh da ka tama.

Khasi CL Bible (BSI)

² Thaw ki reng ha khlieh ki saw dong jong ka. Kita ki reng ki dei ban ïadait lang kawei bad kata ka duwan, bad dei ban suit ïa ka da ka rnong.

EKSODOS 27:2 ပူးပေါင်းရင်းမြစ်များ

1 SYIEM 1:50

Te u Adonijah u la kyiuh na ka bynta u Solomon; bad haba u la khie joit, u la leit bat na ki reng jong ka duwan.

1 SYIEM 2:28

Te la poi khubor ha u Joab: naba u Joab u la bud ïa u Adonijah, la um shym la bud ïa u Absalom. Te u Joab u la phet sha Ka Tabernakl U Trai, bad u la bat na ki reng ka duwan.

1 SYIEM 8:64

Ha kajuh ka sngi, u syiem u la pynkyntang ïa ka pdeng ka phyllaw kaba ha khmat ka ïing U Trai; naba hangta u la ainguh ïa ka jingainguh thang, bad ïa ka jingainguh bam, bad ïa ka khleiñ ka jingainguh pynïasuk: namar ka duwan rnong kaba ha khmat U Trai kam biang ban pdiang ïa ka jingainguh thang, bad ïa ka jingainguh bam, bad ïa ka khleiñ ka jingainguh pynïasuk.

2 SYIEM 16:14

Te ïa kata ka duwan rnong, kaba la don ha khmat U Trai, u la wallam na khmat ka ïing, napdeng ka duwan jong u bad ka ïing U Trai, bad u la buh ïa ka shaphang shatei ka duwan jong u.

2 KHRONIKL 4:1

U la thaw ruh ka duwan rnong, arphew pruh ka lynter jong ka, bad arphew pruh ka pyngkiang jong ka, bad shiphew pruh ka jingjrong jong ka.

SALM 118:27

U Trai u long U Blei, bad u la ai ka jingshai ha ngi: to teh ïa ka jingkñia da ki tyllai, ha ki reng ka duwan keiñ.

EKSODOS 27:3

Bad men thaw de ïa ki pliang jong ka ban pdiang ïa ka dpei jong ka, bad ïa ki siang jong ka, bad ïa ki pliang jong ka, bad ïa ki proh jong ka, bad ïa ki pliang ding jong ka ruh: ïa ki jingbuh jong ka baroh men thaw da ka tama.

EKSODOS 29:12

To men shim de na ka snam uta u masi lyngraw, bad to buh ïa ka ha ki reng jong ka duwan da ka shynriah'ti jong me; bad to theh ïa kata ka snam baroh ha syndah ka trai kata ka duwan.

EKSODOS 38:30

Bad na kata u la thaw ïa kita ki thliew tnaw ïa ki jingkhang Ka Tabernakl ka jingïaseng, bad ïa kata ka duwan tama, bad ïa kata ka jaka sliew ding tama ïa ka, bad ïa ki pliang baroh jong kata ka duwan,

ESEKIEL 43:15

Bad ka duwan kaba kham haneng, kan long saw pruh; bad na ka dpei duwan shaneng kan don saw tylli ki reng.

LEBITIKOS 16:18

Bad un mih noh na ka, sha ka duwan kaba ha khmat U Trai, bad un pynlong ka jingpynïasuk na ka bynta jong ka; bad un shim na ka snam uta u masi lyngraw, bad na ka snam uta u 'lang sohmoh, bad un thoh halor ki reng jong kata ka duwan baroh sawdong.

LEBITIKOS 4:18

Bad un thoh na kata ka snam halor ki reng jong ka duwan kaba ha khmat U Trai, kaba ha Ka Tabernakl ka jingïaseng, ynda kumta, un theh noh ïa ka snam baroh kaba dang sah ha trai ka duwan ka jingkñia ainguh thang, kaba hajan ka jingkhang Ka Tabernakl ka jingïaseng.

LEBITIKOS 4:25

Ynda kumta, uta u lyngdoh un shim na ka snam jong ka jingkñia namar ka pop da la ka shynriah'ti, bad un thoh halor ki reng jong ka duwan ka jingkñia ainguh thang, bad un theh ïa ka snam jong u ha trai ka duwan ka jingkñia ainguh thang.

LEBITIKOS 4:7

Bad uta u lyngdoh un buh khyndiat na kata ka snam ha khmat U Trai halor ki reng ka duwan ka jingiwbih thang baiwbih, kaba ha Ka Tabernakl ka jingïaseng; bad un theh noh ïa ka snam baroh jong uta u masi lyngraw ha trai ka duwan jong ka jingkñia ainguh thang, kaba don ha ka jingkhang jong Ka Tabernakl ka jingïaseng.

LEBITIKOS 8:15

Te u Moses, hadien ba u la pynïap ïa u, u la shim ïa ka snam bad u la thoh ïa ka, ha ki reng jong kata ka duwan baroh sawdong da la ka shynriah'ti, bad u la pynkyntang ïa ka duwan ruh de, ynda kumta, u la theh ïa ka snam ha trai kata ka duwan, bad u la pynkyntang ïa ka, ïa ka ban pynlong ka jingpynïasuk halor jong ka.

SEKHARAÏAH 9:15

U Trai ki paid un da ïa ki; bad kin bam duh, bad kin ïuh roit ïa ki maw kawang; bad kin dih, bad kin kynha kum namar ka Waiñ: te yn pyndap ïa ki kum ïa ki khuri heh, kum ki dong jong ka duwan.

JINGKHEIÑ 3:31

Ka jingsumar jong ki te kan long ïa kata ka synduk, bad ka miej, bad ka dieng pynïeng sharak, bad kita ki duwan, bad ki pliang jong kata ka ïing kyntang da kiba ki ju treikam, bad kata ka jingkah ruh de, bad kiei kiei baroh kiba dei ha ka.

HEBRU 6:18

ba da ki ar tylli kiei kiei ki bymkylla, ha kiba ka long ka bym lah ïa U Blei ban lamler, ngi lah ban ïoh ka jingpynshlur badonbor, kiba la phet ban rieh ïa ka ban ïoh bat ïa kata ka jingkyrmen ba la buh ha khmat jong ngi;