EKSODOS 27:1 - KA BAIBL

¹ “Men thaw ruh ïa ka duwan da u dieng Shittim, san pruh ka lynter, bad san pruh ka pyngkiang; kata ka duwan kan long sawdong; bad ka jingjrong jong ka, lai pruh.

Khasi CL Bible (BSI)

¹ “Thaw ïa ka duwan da ka dieng akasia. Ka dei ban long kaba sawdong, 2.2 mitar ka lynter bad 2.2 mitar ka pyngkiang bad 1.3 mitar ka jingjrong.

EKSODOS 27:1 ပူးပေါင်းရင်းမြစ်များ

2 SAMUEL 24:18

Te u Gad u la wan ha u Dabid ha kata ka sngi, bad u la ong ha u, “Khie leit kiew, tei ka duwan ha U Trai ha kata ka kyntem u Araunah u nong Jebus.”

2 SYIEM 16:14

Te ïa kata ka duwan rnong, kaba la don ha khmat U Trai, u la wallam na khmat ka ïing, napdeng ka duwan jong u bad ka ïing U Trai, bad u la buh ïa ka shaphang shatei ka duwan jong u.

1 KHRONIKL 6:49

Hynrei, u Aaron bad ki khun jong u ki la ainguh halor ka duwan ka jingainguh thang, bad halor ka duwan ka jingainguh baiwbih, ïa ka kam baroh ka jong ka jaka kyntang tam, bad ban pynlong ka jingpynïasuk na ka bynta ki Israel, katba kum ïa baroh ba u Moses u shakri U Blei u la lah hukum.

2 KHRONIKL 4:1

U la thaw ruh ka duwan rnong, arphew pruh ka lynter jong ka, bad arphew pruh ka pyngkiang jong ka, bad shiphew pruh ka jingjrong jong ka.

ESRA 3:2

Te ki la ïeng u Jeshua u khun u Josadak, bad ki para jong u ki lyngdoh, bad u Serubbabel u khun u Shealtiel, bad ki para jong u, bad ki la tei ïa ka duwan U Blei ki Israel, ban ainguh ïa ki jingainguh thang halor jong ka, kumba la thoh ha Ka Hukum u Moses u briew u jong U Blei.

EKSODOS 17:15

Bad u Moses u la tei ïa ka duwan, bad u la khot ïa ka kyrteng jong ka “Jehobah-nissi”,

EKSODOS 24:4

Te u Moses u la thoh ïa ki ktien U Trai baroh, bad u la khie ruh dang step, bad u la tei ïa ka duwan ha trai uta u lum, bad ïa ki khat-ar ki païa, katba kum ki khat-ar jaid Israel.

EKSODOS 31:9

bad ïa ka duwan ka jingainguh thang lem bad ki jingbuh jong ka baroh, bad ïa ka dabor bad ïa ka sla'jat jong ka,

EKSODOS 35:16

ïa ka duwan ka jingainguh thang, lem bad ka jingsliew ding tama jong ka, ïa ki dieng jingbah jong ka ruh, bad ïa ki pliang jong ka baroh, bad ïa ka dabor bad ïa ka sla'jat jong ka;

EKSODOS 39:39

ïa kata ka duwan tama, bad ïa ka jingsliew ding tama kaba dei ïa ka, ïa ki dieng jingbah jong ka, bad ïa ki pliang jong ka baroh, ïa ka dabor bad ïa ka kjat jong ka;

EKSODOS 40:10

To men pynsleh ruh ïa ka duwan ka jingainguh thang, bad ïa ki pliang jong ka baroh, bad to pynkyntang ïa kata ka duwan: te kan long ka duwan ka bakyntang tam eh.

EKSODOS 40:29

Bad u la buh ïa ka duwan ka jingainguh thang hajan ka jingkhang Ka Tabernakl, ka ïingjaiñ ka jingïaseng keiñ, bad u la kñia halor jong ka ïa ka jingainguh thang bad ïa ka jingainguh bam; kumba U Trai u la hukum ïa u Moses.

EKSODOS 40:6

To men buh ruh ïa ka duwan ka jingainguh thang ha khmat ka jingkhang Ka Tabernakl jong ka ïingjaiñ ka jingïaseng,

JINGKHEIÑ 3:31

Ka jingsumar jong ki te kan long ïa kata ka synduk, bad ka miej, bad ka dieng pynïeng sharak, bad kita ki duwan, bad ki pliang jong kata ka ïing kyntang da kiba ki ju treikam, bad kata ka jingkah ruh de, bad kiei kiei baroh kiba dei ha ka.

JINGKHEIÑ 4:13

Bad kin khat noh de, ïa ka dpei na ka duwan, bad kin ïasiang halor jong ka da ka jaiñ basaw bthuh:

JINGKHEIÑ 4:14

kin ïabuh ruh halor jong ka, ïa ki pliang jong ka baroh, da kiba ki ïatrei ïa ka kam jong ka, kata, ïa ki khiew rah ding, bad ïa ki bnoh doh, bad ïa ki siang rah dpei, bad ïa ki pliang, baroh keiñ ki pliang kiba dei ïa ka duwan; bad kin ïasiang halor jong ka da ka jingtap na ki snieh takash, bad kin pynphrung ruh ïa ki dieng jingbah jong ka.

HEBRU 13:10

Ngi don ka duwan na kaba kita kiba shakri ïa kata Ka Tabernakl kim don hok ban bam.