EKSODOS 26:33 - KA BAIBL

³³ Bad men woh ïa kata ka jingkah pdeng ha kita ki jingpyndait, ba me lah ban wallam hapoh hangta shapoh kata ka jingkah keiñ ïa ka synduk ka jingphla: bad kata ka jingkah pdeng kan pynïakhlad ha phi hapdeng ka jaka kyntang bad ka bakyntang tam eh.

Khasi CL Bible (BSI)

³³ Wah ïa kata ka pyrda na ki jingpyndait kiba don hapoh tnum Ïingjaiñ, bad ïa ka Synduk ka Jutang kaba don ar tylli ki mawlyngkniap buh ïa ka sha lyndet ka pyrda. Kata ka pyrda kan pynïakhlad ïa ka Jaka Kyntang na ka Jaka Kaba Kyntang Tam.

EKSODOS 26:33 ပူးပေါင်းရင်းမြစ်များ

1 SYIEM 6:16

Bad u la ker arphew pruh shaphang shadien ka ïing da ki lyntang dieng Kedar naduh tbian haduh bakut ki kynroh: u la ker shi bynta na kaba shapoh ban long ka orakl, ban long ka jaka kyntang tam keiñ.

1 SYIEM 8:10

Te haba ki lyngdoh ki la mih noh na kata ka jaka kyntang, u lyoh u la pyndap ïa ka ïing U Trai,

1 SYIEM 8:6

Ki lyngdoh te ki la pynrung ïa ka synduk ka jutang U Trai ha la ka jaka, sha ka orakl jong kata ka ïing, sha ka bakyntang tam keiñ, hapoh ki thapniang ki Kherub.

2 KHRONIKL 3:8

Te u la thaw ïa ka ïing bakyntang tam, ka lynter jong ka, kajuh kat ka pyngkiang jong ka ïing, ka la long arphew pruh, bad ka pyngkiang jong ka, arphew pruh; bad u la suit ïa ka, da ka ksiar ka babha, kaba la leit haduh hynriewspah talent.

EKSODOS 25:16

Bad men thep ha kata ka synduk ïa ka jingphla ïa kaba ngan sa ai ha me.

EKSODOS 26:32

bad men woh ïa ka halor ki saw tylli ki rishot dieng Shittim ba la suit ksiar, ki bnoh jong ki da ka ksiar, ha ki saw tylli ki thliew tnaw rupa.

EKSODOS 27:10

bad kita arphew tylli ki rishot jong ka, bad kita arphew tylli ki thliew tnaw jong ki, kin long da ka tama; ki bnoh jong kita ki rishot bad ki shrong jong ki, kin long da ka rupa.

EKSODOS 27:21

Ha Ka Tabernakl ka jingïaseng, shabar kata ka jingkah kaba ha khmat ka jingphla, u Aaron bad ki khun shynrang jong u kin ïasumar ïa ka naduh mynmiet haduh mynstep ha khmat U Trai; kane kan long ka hukum ha la ka rta ha ki pateng la pateng bynriew jong ki na ka bynta ki khun Israel.

EKSODOS 36:36

Bad u la thaw ïa ka, saw tylli ki rishot da u dieng Shittim, bad u la suit da ka ksiar ïa ki: ki kyrwoh jong ki ruh ki long da ka ksiar; bad u la saiñ ïa ki saw tylli ki thliew tnaw rupa.

EKSODOS 40:21

bad u la wallam ruh ïa kata ka synduk hapoh Ka Tabernakl, bad u la woh ïa kata ka jingkah pdeng, bad u la kah ïa ka synduk ka jingphla; kumba U Trai u la hukum ïa u Moses.

EKSODOS 40:3

Men buh ruh hangta ïa ka synduk ka jingphla, bad to tap ïa kata ka synduk da kata ka jingkah.

ESEKIEL 41:4

Bad u la thew ïa ka lynter jong ka, arphew pruh, bad ïa ka pyngkiang, arphew pruh, ha khmat ka templ: bad u la ong ha nga, “Kane ka long ka jaka bakhuid tam.”

LEBITIKOS 16:2

bad U Trai u la ong ha u Moses, “To kren ha u Aaron u hynmen jong me, ba un ym wan ha la ka sngi ha ka jaka kyntang shapoh ka jingkah, ha khmat ka jingtap-isynei kaba halor ka synduk; ba un ym ïap noh: naba ngan mihpaw ma nga halor ka jingtap-isynei ha u lyoh.