EKSODOS 26:31 - KA BAIBL

³¹ “Men thaw ruh ïa ka jingkah pdeng da ka babyrïong, bad ka basaw bthuh, bad ka basaw syng-iang, bad da ka linen bani ba la jyrthiaw: yn thaw ïa ka, kaba don ki Kherub da ka jingtrei bastad;

Khasi CL Bible (BSI)

³¹ “Thaw ïa ka pyrda da ka linen kaba ni, ba la thain da u 'saiwul uba jngum, uba sawbthuh, bad uba rong saw. Suh pynpur itynnat ha ka da ka dur ki kherub.

EKSODOS 26:31 ပူးပေါင်းရင်းမြစ်များ

2 KHRONIKL 3:14

Te u la thaw ïa ka jingkah na ka bajyrngam, bad ka basaw bthuh, bad ka basaw syng-iang, bad ka jaiñ linen bani, bad u la mutdur halor da ki Kherub.

SALM 137:5

Lada ngan klet ïa pha ko Jerusalem, to ka kti kamon jong nga kan klet ïa la ka jingtbit.

EKSODOS 25:18

Bad men thaw ar tylli ki Kherub da ka ksiar, da kaba shoh tylli men thaw ïa ki, na ki baroh ar ki tduh jong kata ka jingtap-isynei.

EKSODOS 25:4

bad ïa ka jaiñ babyrïong, bad ïa ka basaw bthuh, bad ïa ka basaw syng-iang, bad ïa ka jaiñ linen bani, bad ïa u shñiuh blang;

EKSODOS 26:1

“Ïa Ka Tabernakl ruh men thaw da ki shiphew ki jingkah; da ki jaiñ linen bani ba la jyrthiaw, bad ka babyrïong, bad basaw bthuh, bad basaw syng-iang, men thaw ïa ki, kiba don Kherub da ka jingtrei stad.

EKSODOS 26:32

bad men woh ïa ka halor ki saw tylli ki rishot dieng Shittim ba la suit ksiar, ki bnoh jong ki da ka ksiar, ha ki saw tylli ki thliew tnaw rupa.

EKSODOS 27:16

Ïa ka khyrdop ka phyllaw te kan long ka pyrda, arphew pruh, da ka babyrïong, bad ka basaw bthuh, bad ka basaw syng-iang, bad ka linen bani ba la jyrthiaw, ba la suh ruh; ki rishot jong ki, saw tylli, bad ki thliew tnaw jong ki, saw tylli.

EKSODOS 27:21

Ha Ka Tabernakl ka jingïaseng, shabar kata ka jingkah kaba ha khmat ka jingphla, u Aaron bad ki khun shynrang jong u kin ïasumar ïa ka naduh mynmiet haduh mynstep ha khmat U Trai; kane kan long ka hukum ha la ka rta ha ki pateng la pateng bynriew jong ki na ka bynta ki khun Israel.

EKSODOS 28:15

“To men thaw ruh ïa ka jingdeng shadem ka jingbishar, da ka jingtrei bastad; kum ka rukom jong ka ephod men thaw ïa ka, da ka ksiar, ka babyrïong, bad ka basaw bthuh, bad ka basaw syng-iang, bad ka linen bani ba la thir, men thaw ïa ka keiñ.

EKSODOS 35:12

ïa ka synduk, bad ïa ki dieng jingbah jong ka, lem bad kata ka jingtap-isynei bad ïa ka jingkah ïa ka ban kah ïa ka;

EKSODOS 35:25

Ki kynthei baroh ruh ki bastad jingmut ki la thir da la ki kti, ki la wallam ruh ïa kaba ki la lah thir, na ka babyrïong, bad na ka basaw bthuh, bad na ka basaw syng-iang, bad ïa ka linen bani.

EKSODOS 35:35

Ïa ki, u la pyndap da ka jingstad ka dohnud, ïa ka ban trei ïa ki kynja jingtrei baroh, ka jong uba mutdur, bad jong uba trei stad buit, bad jong uba suh pynpur, ha ka babyrïong, bad ha ka basaw bthuh, bad ha ka basaw syng-iang, bad ha ka linen bani ruh, bad ha kaba thain, da kaba leh keiñ ïa kano kano ruh ka kam, bad da kaba pyrkhat ïa ki jingtrei bastad buit.

EKSODOS 35:6

bad ïa ka babyrïong bad ïa ka basaw bthuh, bad ïa ka basaw syng-iang, bad ïa ka linen bani, bad ïa u 'ñiuh blang;

EKSODOS 36:35

Bad u la thaw ïa ka jingkah pdeng da ka babyrïong, bad ka basaw bthuh, bad ka basaw syng-iang, bad ka linen bani ba la thir: bad ki Kherub u la thaw ïa ka da ka jingtrei bastad.

EKSODOS 36:36

Bad u la thaw ïa ka, saw tylli ki rishot da u dieng Shittim, bad u la suit da ka ksiar ïa ki: ki kyrwoh jong ki ruh ki long da ka ksiar; bad u la saiñ ïa ki saw tylli ki thliew tnaw rupa.

EKSODOS 36:8

Bad u briew baroh u bastad hapdeng kita kiba trei ïa ka kam Ka Tabernakl u la thaw shiphew tylli ki jingkah da ka linen bani ba la thir; bad ka babyrïong, bad ka basaw bthuh, bad ka basaw syng-iang, lem bad ki Kherub da ka kam bastad ki la thaw ïa ki.

EKSODOS 38:23

lem bad u ruh la don u Aholiab, u khun u Ahisamakh, na ka jaid Dan, u nongmut-dak, u nongtrei bastad buit, bad uba nang suh pynpur ha ka babyrïong, bad ka basaw bthuh, bad ka basaw syng-iang, bad ha ka jaiñ linen bani.

EKSODOS 40:21

bad u la wallam ruh ïa kata ka synduk hapoh Ka Tabernakl, bad u la woh ïa kata ka jingkah pdeng, bad u la kah ïa ka synduk ka jingphla; kumba U Trai u la hukum ïa u Moses.

EKSODOS 40:3

Men buh ruh hangta ïa ka synduk ka jingphla, bad to tap ïa kata ka synduk da kata ka jingkah.

JINGRWAI SOLOMON 7:1

Katno kiba itynnad ki long ki sla'jat jong pha ha ki khulom, ko ka khun syiem! Ki skhep ki lbong jong pha ki long kum ki jingdeng, ka jingtrei ki kti u nongtrei uba nang.

LEBITIKOS 16:15

“Ynda kumta, un pynïap ïa u 'lang sohmoh jong ka jingkñia namar ka pop, uba na ka bynta u paidlang, bad un wallam ïa ka snam jong u hapoh ka jingkah, bad un leh bad kata ka snam kumba u la leh bad ka snam uta u masi lyngraw, bad un synreit ïa ka halor kata ka jingtap-isynei, bad ha khmat ka jingtap-isynei ruh.

LEBITIKOS 16:2

bad U Trai u la ong ha u Moses, “To kren ha u Aaron u hynmen jong me, ba un ym wan ha la ka sngi ha ka jaka kyntang shapoh ka jingkah, ha khmat ka jingtap-isynei kaba halor ka synduk; ba un ym ïap noh: naba ngan mihpaw ma nga halor ka jingtap-isynei ha u lyoh.

JINGKHEIÑ 4:5

te haba uta u paidlang un sa ïaid noh, u Aaron un wan, lem bad ki khun shynrang jong u, bad kin ïalaw noh ïa ka jingkah bapynïakhlad, bad kin ïatap noh da ka, ïa ka synduk ka jingphla:

MATHAÏOS 27:51

Ha khmih ruh, ka jingkah ha ka templ ka la kad ar bynta, naduh na jrong haduh ha tbian, bad ka khyndew ka la khynñiuh, bad ki mawsiang ki la pdang,

MARKOS 15:38

Te ka jingkah ka jong ka templ ka la kad ar liang, naduh jrong haduh tbian.

LOUKAS 23:45

Te la pyndum ïa ka sngi, bad la pynkad ïa ka jingkah jong ka templ napdeng.

EPHESOS 2:14

Namar ma u, u long ka Jingpynïasuk jong ngi, uba la pynlong kawei ïa ki baroh ar, bad u la pynkhyllem ïa ka kynroh pdeng ka jingpynïakhlad;