EKSODOS 26:1 - KA BAIBL

¹ “Ïa Ka Tabernakl ruh men thaw da ki shiphew ki jingkah; da ki jaiñ linen bani ba la jyrthiaw, bad ka babyrïong, bad basaw bthuh, bad basaw syng-iang, men thaw ïa ki, kiba don Kherub da ka jingtrei stad.

Khasi CL Bible (BSI)

¹ “Thaw ïa kaba shapoh jong ka Ïingjaiñ bakyntang, ka Ïingjaiñ jong ka Jingdon Ryngkat jong nga na ki shiphew tylli ki lyngkhot jaiñ kiba da ka linen kaba ni, ba la thain da u 'saiwul uba jngum, uba sawbthuh, bad uba rong saw. Suh pynpur itynnat ha ki ïa ka dur ki kherub.

EKSODOS 26:1 ပူးပေါင်းရင်းမြစ်များ

2 SAMUEL 7:2

u syiem u la ong ha u Nathan u nongïathuhlypa, “Ha khmih mynta, nga, nga shong ha ka ïing dieng Kedar, hynrei, ka synduk U Blei ka shong hapoh ki jaiñ.”

1 SYIEM 6:29

Bad u la mutdur ïa ki kynroh kata ka ïing baroh sawdong da ki dur ki Kherub bad ki dieng Tlai bad ki syntiew baphuh, shapoh bad shabar.

1 KHRONIKL 17:1

Te katba u Dabid u la shong ha la ïing, u Dabid u la ong ha u Nathan u nongïathuhlypa, “Ha khmih, ma nga, nga shong hapoh ka ïing dieng Kedar, hynrei, ka synduk ka jutang U Trai ka shong hapoh ki pyrda.”

1 KHRONIKL 21:29

Namar Ka Tabernakl U Trai, kaba u Moses u la thaw ha ka ri khlaw, bad ka duwan ka jingainguh thang, ki la don ha kata ka por ha ka jaka bajrong ha Gibeon.

EKSODOS 25:18

Bad men thaw ar tylli ki Kherub da ka ksiar, da kaba shoh tylli men thaw ïa ki, na ki baroh ar ki tduh jong kata ka jingtap-isynei.

EKSODOS 25:4

bad ïa ka jaiñ babyrïong, bad ïa ka basaw bthuh, bad ïa ka basaw syng-iang, bad ïa ka jaiñ linen bani, bad ïa u shñiuh blang;

EKSODOS 25:8

Bad to kin thaw ïa ka jaka kyntang ïa nga; khnang ba ngan ïoh shongneh hapdeng jong phi.

EKSODOS 26:2

Ka lynter jong kawei ka jingkah kan long arphew phra pruh, bad ka pyngkiang kawei ka jingkah, saw pruh: bad kita ki jingkah baroh te kin ïoh kajuh ka jingthew.

EKSODOS 26:31

“Men thaw ruh ïa ka jingkah pdeng da ka babyrïong, bad ka basaw bthuh, bad ka basaw syng-iang, bad da ka linen bani ba la jyrthiaw: yn thaw ïa ka, kaba don ki Kherub da ka jingtrei bastad;

EKSODOS 26:36

“To men thaw ïa ka pyrda ruh ïa ka jingkhang jong kata ka ïingjaiñ da ka babyrïong, bad ka basaw bthuh, bad ka basaw syng-iang, bad ka linen bani ba la jyrthiaw, ba la suh ruh.

EKSODOS 31:7

ïa Ka Tabernakl ka jingïaseng, bad ïa ka synduk ka jingphla, bad ïa ka jingtap-isynei kaba halor jong ka, bad ïa ki jingbuh Ka Tabernakl baroh,

EKSODOS 35:11

ïa kata Ka Tabernakl, bad ïa ka ïingjaiñ jong ka, bad ïa ka jingsop jong ka, bad ïa ki jingpyndait jong ka, bad ïa ki lyntang jong ka, bad ïa ki dieng khap jong ka, ïa ki rishot jong ka, bad ïa ki thliew tnaw jong ka;

EKSODOS 35:35

Ïa ki, u la pyndap da ka jingstad ka dohnud, ïa ka ban trei ïa ki kynja jingtrei baroh, ka jong uba mutdur, bad jong uba trei stad buit, bad jong uba suh pynpur, ha ka babyrïong, bad ha ka basaw bthuh, bad ha ka basaw syng-iang, bad ha ka linen bani ruh, bad ha kaba thain, da kaba leh keiñ ïa kano kano ruh ka kam, bad da kaba pyrkhat ïa ki jingtrei bastad buit.

EKSODOS 35:6

bad ïa ka babyrïong bad ïa ka basaw bthuh, bad ïa ka basaw syng-iang, bad ïa ka linen bani, bad ïa u 'ñiuh blang;

EKSODOS 36:35

Bad u la thaw ïa ka jingkah pdeng da ka babyrïong, bad ka basaw bthuh, bad ka basaw syng-iang, bad ka linen bani ba la thir: bad ki Kherub u la thaw ïa ka da ka jingtrei bastad.

EKSODOS 39:3

Bad ki la shoh stang kum ki sla ïa kata ka ksiar, bad ki la ot ksai ksiar ïa ka, ïa ka ban suh ha kata ka babyrïong, bad ha kata ka basaw bthuh, bad ha kata ka basaw syng-iang, bad ha kata ka linen bani, da ka jingtrei bastad.

EKSODOS 40:2

“Ha ka sngi ka banyngkong jong u bnai banyngkong men sa pynïeng ïa Ka Tabernakl, ïa ka ïing jong ka jingïaseng keiñ.

JINGKHEIÑ 3:25

Bad ka jingsumar ki khun shynrang u Gershon, ha Ka Tabernakl ka jingïaseng, kan long Ka Tabernakl hi, bad kata ka ïingjaiñ, ka jingsop jong ka ruh, bad ka jingkah ïa ka jingkhang Ka Tabernakl ka jingïaseng,

JINGKHEIÑ 4:25

kin ïabah ïa ki jingkah jong Ka Tabernakl, bad ïa Ka Tabernakl ka jingïaseng, ïa ka jingsop jong ka, bad ïa kata ka jingsop na ki snieh takash kaba halor jong ka, bad ïa ka jingkah ïa ka jingkhang jong Ka Tabernakl ka jingïaseng;

ÏOANNIS 1:14

Uta U Ktien te u la kynja doh, bad u la shong sah hapdeng jong ngi; bad ngi la ïoh-khmih shaiñ ïa ka burom jong u, ka burom kaba da kat ka jong uba la kha marwei na U Kpa, ba la dap da ka jingaiei bad ka jingshisha.

ÏOANNIS 2:21

U, hynrei, u kren shaphang ka templ ka met jong u.

HEBRU 8:2

U Shakri ka jaka kyntang, bad kata Ka Tabernakl kaba shisha, ïa kaba U Trai u la pynïeng, ym u briew.

HEBRU 9:2

Namar la pynlong ïa Ka Tabernakl, kata ka banyngkong, ha kaba la don kata ka dieng pynïeng sharak, bad kata ka miej, bad kita ki 'pu pyni; ïa kaba la khot “ka Jaka kyntang.”

HEBRU 9:9

kaba long ka pharshi haduh ka aïom kaba mynta; ha kaba la ainguh ki jingainguh ruh bad ki jingkñia ki bym lah ban pynjanai ïa ka jingïatiplem jong uta uba mane,

JINGPYNPAW 19:8

Te la ai ha ka ba kan da ïoh kup ïa ka jaiñ linen bani, bakhuid bad batyngshain:” Namar kata ka jaiñ linen bani ka long keiñ ki jinglehhok jong ki riewkhuid.

JINGPYNPAW 21:3

Bad nga la ïohsngew ka ktien bajam na kata ka khet, ka da ong, “Ha khmih, Ka Tabernakl U Blei ryngkat bad ki briew, bad un shong lem bad ki, te ma ki kin ïalong ki paidlang jong u, bad U Blei hi un long lem bad ki, bad un long U Blei jong ki: