EKSODOS 25:8 - KA BAIBL

⁸ Bad to kin thaw ïa ka jaka kyntang ïa nga; khnang ba ngan ïoh shongneh hapdeng jong phi.

Khasi CL Bible (BSI)

⁸ Ki dei ruh ban shna ka Ïingjaiñ kaba kyntang na ka bynta jong nga, khnang ba ngan ïoh shong hapdeng jong ki.

EKSODOS 25:8 ပူးပေါင်းရင်းမြစ်များ

1 SYIEM 6:13

Bad ngan shong hapdeng ki khun Israel, bad ngan ym iehnoh ïa u paidbah jong nga ki khun Israel.”

1 KHRONIKL 22:19

Mynta te, to thew ha la ka dohnud bad la ka mynsiem ban wad ïa U Trai U Blei jong phi; to ïeng namar kata, bad to phin ïatei ïa ka jaka kyntang jong U Trai U Blei, ban wallam ïa ka synduk ka jutang U Trai, bad ïa ki pliang bakhuid U Blei, hapoh ka ïing ka ban sa thaw ha ka kyrteng U Trai.”

EKSODOS 15:17

Men wallam ïa ki shapoh, bad men thung ruh ïa ki ha u lum ka bynta skhem jong me, kata ka jaka, A Trai, ïa kaba me la khreh ïa lade ban shong duh ha ka, kata ka jaka kyntang keiñ, A Trai, ïa kaba ki kti jong me keiñ ki la pynskhem.

EKSODOS 15:2

U Trai u long ka bor bad ka jingrwai jong nga, bad u la wan long ka jingpynim ïa nga: U long ma U, U Blei jong nga, bad ngan pyndonburom ïa U; U Blei u kpa jong nga, bad ngan ïaroh burom ïa U.

EKSODOS 29:45

Ngan shong duh ruh hapdeng ki khun Israel, bad ngan long U Blei jong ki.

EKSODOS 29:46

Kin sa tip ruh ba nga long ma nga, U Trai U Blei jong ki, uba la wallam noh ïa ki na ka ri Ijipt, ba ngan ïoh shong duh hapdeng jong ki; nga long ma nga keiñ, U Trai U Blei jong ki.

ISAÏAH 12:6

To risa jam bad to kynhui, pha kaba shong ha Seïon: namar u bakhraw hapdeng jong pha long uta U Bakhuid jong ki Israel.”

ESEKIEL 37:26

Ngan ïathaw ruh ka jutang ka jingsuk bad ki: kan long ka jutang bymjukut bad ki: bad ngan buh ïa ki, bad ngan pynroi ïa ki, bad ngan pynïeng ïa ka jaka kyntang jong nga hapdeng jong ki junom junom.

ESEKIEL 37:28

Bad ki jaid bynriew kin ïoh tip ba nga long U Trai uba pynkyntang ïa ki Israel, haba ka jaka kyntang jong nga kan long hapdeng jong ki junom junom.”

ESEKIEL 43:7

Bad u la ong ha nga, “Ko khun u briew, kane ka long ka jaka ka khet jong nga, bad ka jaka ki poh'jat ki kjat jong nga, ha kaba ngan shong hapdeng ki khun Israel junom: bad ka ïing Israel kan ym pyntngit shuh ïa ka kyrteng bakhuid jong nga, lymne ma ki, lymne ki syiem jong ki, da ka jingklim jong ki, bad da ki metïap ki syiem jong ki ha ki jaka bajrong jong ki;

LEBITIKOS 10:4

Bad u Moses u la khot ïa u Mishael bad u Elsaphan, ki khun u Ussiel, u kpanah u Aaron, bad u la ong ha ki, “To ïawan hajan, to bah noh ïa la ki para na khmat ka jaka kyntang shabar ka jaka shong dara.”

LEBITIKOS 21:12

bad wat ai ba un mih noh na ka jaka ba la kyntang khuid, lymne ban pyntngit ïa ka jaka bakyntang ka jong U Blei jong u; namar ka pansngiat ka umphniang ka jingpynsleh ka jong U Blei jong u ka don halor jong u: Nga long U Trai keiñ.

LEBITIKOS 26:11

Bad ïa Ka Tabernakl jong nga, ngan buh hapdeng jong phi: bad ka mynsiem jong nga kan ym isih ïa phi.

LEBITIKOS 4:6

bad u lyngdoh un wieh ïa la ka shynriah'ti ha kata ka snam, bad un synreit na kata ka snam ha khmat U Trai hynñiew sien, ha khmat ka jingkah jong ka jaka kyntang.

SEKHARAÏAH 2:10

To rwai bad to leh kmen, ko khun ka Seïon: naba, ha khmih, nga wan, bad ngan shong hapdeng jong pha,” ong U Trai.

SEKHARAÏAH 8:3

Kumne u ong U Trai: “Nga la wan phai sha ka Seïon, bad ngan shong sah hapdeng ka Jerusalem: bad ïa ka Jerusalem yn khot ‘Ka nongbah ka jingshisha’; bad ïa u lum U Trai ki paid, ‘U lum u bakhuid.’ ”

JINGKHEIÑ 5:3

bad shynrang bad kynthei phin ïa-pynmih noh, shabar kata ka jaka shong dara phin buh noh ïa ki keiñ; ba kin ym ïa-pyntngit sang ïa la ki dara, hapdeng kiba nga shong ma nga.”

KI KAM 7:44

“Ki kpa jong ngi ki la don kata Ka Tabernakl ka jingphla, ha ka ri khlaw, kumba la hukum uta uba la kren ha u Moses, ba un thaw ïa ka katba kum kata ka dur ïa kaba u la lah ïohi.

2 KORINTH 6:16

Bad ka ïing U Blei ka don ka jingïasoh aïu bad ki bleithaw? namar ngi long ka ïing U Blei u ba-im, kumba U Blei u la ong, “Ngan shong sah hapoh jong ki, bad ngan ïaid sngewbha hapdeng jong ki; ngan long U Blei jong ki ruh, ki ruh kin long u paidlang jong nga.

DEUTERONOMI 12:11

ynda kumta, kan long ka jaka ïa kaba U Trai uba U Blei jong phi un jied ïa ka ban pynshong ïa la ka kyrteng hangta, shata keiñ, phin wallam ïa baroh ba nga hukum ïa phi: ïa ki jingainguh thang jong phi, bad ïa ki jingkñia jong phi, ïa kiba shiphew jong phi, bad ïa ka jingainguh kyntiew jong ka kti jong phi, bad ïa ki jingkular skhem ba jied bha baroh jong phi ïa kiba phi kular ha U Trai:

HEBRU 3:6

hynrei, U Khrist kum U Khun halor ka ïing jong u hi, ka ïing jong uba ngi long ma ngi, lada ngi ïaibat skhem ïa ka jingshaniah jong ngi bad ïa ka jingkmen ka jingkyrmen jong ngi haduh ka bakut.

JOSHUA 22:31

Bad u Phinehas u khun u Eleasar lyngdoh u la ong ha ki khun u Reuben, bad ha ki khun u Gad, bad ha ki khun u Manasseh, “Ha kane ka sngi ngi la tip ba U Trai u don hapdeng jong ngi, namar phim shym leh ïa kane ka jingpalat ïa U Trai: kumta, phi la pyllait ïa ki khun Israel na ka kti U Trai.”

JINGPYNPAW 21:3

Bad nga la ïohsngew ka ktien bajam na kata ka khet, ka da ong, “Ha khmih, Ka Tabernakl U Blei ryngkat bad ki briew, bad un shong lem bad ki, te ma ki kin ïalong ki paidlang jong u, bad U Blei hi un long lem bad ki, bad un long U Blei jong ki: