EKSODOS 25:30 - KA BAIBL

³⁰ Halor kata ka miej te, men buh ïa u 'pu pyni ha khmat jong nga ha la ka sngi.

Khasi CL Bible (BSI)

³⁰ Ïa ka miej dei ban buh ha khmat ka Synduk ka Jutang, bad u kpu ainguh uba kyntang u dei ban don halor jong ka borabor.

EKSODOS 25:30 ပူးပေါင်းရင်းမြစ်များ

1 SYIEM 7:48

Bad u Solomon u la thaw ïa kita ki kynja pliang baroh kiba ha ïing U Trai: ka duwan ksiar, bad kata ka miej ksiar ha kaba la don ki 'pu pyni;

1 KHRONIKL 23:29

ïa u 'pu pyni ruh, bad ïa u 'purew bani ban long ka jingainguh bam, la ka jong ki 'pu stang bakhlem thiat, lane ka jong kita kiba shu syang ha ka nar sdieh, lane ka jong kiba shu wieh, bad ïa ka jaid baroh ka jingthew bad jingheh;

1 KHRONIKL 9:32

Don ruh na ki para jong ki, na ki khun u Kohath, kiba la long halor u 'pu pyni, ban khreh ïa u man la ka sngi Sabbaton.

2 KHRONIKL 13:11

bad ki thang ïa ki jingainguh thang bad ïa ka jingiw baiwbih ha U Trai man ka step bad man ka janmiet: ki buh ryntih ruh ïa ki 'pu pyni halor ka miej bakhuid; bad ïa ka dieng pynïeng sharak ksiar lem bad ki sharak jong ka, ban thang man ka janmiet: namar ma ngi, ngi rakhe ïa ka jingsumar U Trai U Blei jong ngi; hynrei, phi, phi la kyntait noh ïa u.

2 KHRONIKL 2:3

Te u Solomon u la phah sha u Huram u syiem ka Tyros, u da ong, “Kumba me la leh bad u Dabid u kpa jong nga, bad me la phah ha u ïa ki dieng Kedar ban thaw ka ïing ïa u ba un shong ha ka, kumta ruh, to leh bad nga.

2 KHRONIKL 2:4

Ha khmih, nga thaw kawei ka ïing ïa ka kyrteng U Trai uba U Blei jong nga, ban pynkyntang ïa ka sha u, bad ban thang ha khmat jong u, ïa ka jingiwbih thang da ki musla, bad na ka bynta u 'pu pyni uba ha la ka sngi, bad na ka bynta ka jingainguh thang mynstep bad ynda la janmiet, ha ki Sabbaton, bad ha ki bnai bathymmai, bad ha Ki Jingkhawai Niam ba la buh jong U Trai uba U Blei jong ngi. Kane ka long kaba ha la ka rta ïa ki Israel.

EKSODOS 35:13

ïa ka miej, bad ïa ki dieng jingbah jong ka, bad ïa ki pliang jong ka baroh, bad ïa u 'pu pyni;

EKSODOS 39:36

ïa kata ka miej ruh, bad ïa ki pliang jong ka baroh, bad ïa ki 'pu pyni;

EKSODOS 40:23

Bad u la buh beit ïa kita ki kpu halor jong ka ha khmat U Trai; kumba U Trai u la hukum ïa u Moses.

EKSODOS 40:4

To men wallam ruh ïa ka miej, bad men buh ryntih ïa kita kiba dei ban buh ryntih halor jong ka; bad to men wallam hapoh ruh ïa kata ka dieng pynïeng sharak, bad to tbeh ïa ki sharak jong ka.

ESEKIEL 41:22

Ka duwan ka la long da ka dieng, lai pruh ka jingjrong, bad ar pruh ka lynter jong ka; te ki dong jong ka, bad ka lynter jong ka, bad ki kynroh jong ka, ki la long da ka dieng; bad u la ong ha nga, “Kane ka long ka miej kaba ha khmat U Trai.”

MALAKHI 1:12

“Hynrei, phi, phi pyntngit ïa ka, ha kaba phi ong, ‘Ïa ka miej U Trai la pynsang, bad ïa u soh jong ka, wat ka jingbam jong ka, ka long kaba ñiewbeiñ.’

MALAKHI 1:7

“Phi ainguh da u kpu uba sang halor ka duwan jong nga. Te phi ong, ‘Ha kaba kumno ngi la leh sang ïa me?’ Ha kaba phi ong, ‘Ka miej U Trai ka long kaba ñiewbeiñ.’

JINGKHEIÑ 4:7

Bad halor ka miej ba buh ïa ki 'pu pyni, kin ïasiang da ki jaiñ bthuh, bad halor kata, kin ïabuh ïa ki pliang, bad ïa ki siang, bad ïa ki khuri, bad ïa ki jingtap ruh de, ïa ka ban tap: bad uta u kpu, un long halor jong ka ha la ka sngi:

MATHAÏOS 12:4

kumno ba u la leit hapoh ka templ, bad ba u la bam ïa kita ki 'pu pyni, ïa ki bymbit ïa u ban bam, lymne ïa kita kiba bad u, hynrei, tang ïa ki lyngdoh hi?

HEBRU 9:2

Namar la pynlong ïa Ka Tabernakl, kata ka banyngkong, ha kaba la don kata ka dieng pynïeng sharak, bad kata ka miej, bad kita ki 'pu pyni; ïa kaba la khot “ka Jaka kyntang.”

1 SAMUEL 21:4

Te uta u lyngdoh u la ïathuh ha u Dabid, bad u la ong, “Ym don kpu u bymkyntang ha ka kti jong nga, hynrei, don u kpu bakyntang; tang lada kita ki samla ki la kyndiah na ki kynthei.”

1 SAMUEL 21:5

Te u Dabid u la ïathuh ha uta u lyngdoh, bad u la ong ha u, “Da shisha la pynkyndiah ïa ngi na ki kynthei la kumba lai sngi: naduh ba nga la mih noh, ki pliang jong kine ki samla ki la long ki bakhuid, bad u kpu hi ruh u syriem kum u bymkyntang, haba la don da uwei pat ba la pynkyntang ha u khiew ha kane ka sngi.”

1 SAMUEL 21:6

Kumta, uta u lyngdoh u la ai ha u ïa u kpu bakyntang: namar ym shym don kpu hangta, hynrei, tang uta u 'pu pyni, ïa uba la sei noh na khmat U Trai, ba yn ïoh buh da u kpu bashit ha ka sngi ba la lah sei noh ïa uta keiñ.