EKSODOS 25:22 - KA BAIBL

²² Te hangta ngan ïashem bad me, bad nalor kata ka jingtap-isynei, napdeng kita ki ar tylli ki Kherub kiba halor kata ka synduk ka jingphla, ngan ïathuh ha me ïa kiei kiei baroh ïa kiba ngan hukum ïa ki khun Israel.

Khasi CL Bible (BSI)

²² Ngan sa ïakynduh ïa me hangta, bad najrong jong ka jingtap kaba hapdeng kita ki kherub ar tylli, ngan ai ha me ïa ki hukum jong nga baroh na ka bynta ki Israel.

EKSODOS 25:22 ပူးပေါင်းရင်းမြစ်များ

JENESIS 18:33

Hadien kata, U Trai u la leit noh haba u tang shu la lah wai ïakren bad u Abraham: bad u Abraham ruh u la leit phai noh sha la ka jaka.

2 SAMUEL 6:2

Bad u Dabid u la ïeng bad u la leit lem bad uta u paidbah baroh uba bad u, na Baale Judah ïa ka ban wallam artet ïa ka synduk U Blei, ïa kaba la khot da kata ka Kyrteng, ka kyrteng U Trai ki paid keiñ uba shong hapdeng ki Kherub.

2 SYIEM 19:15

Te u Hesekaïah u la duwai ha khmat U Trai, bad u la ong, “A Trai, U Blei ki Israel, uba shong halor ki Kherub, me tang ma me hi me long U Blei ka hima ka khyndew baroh; me la thaw ïa ka bneng bad ka khyndew.

1 KHRONIKL 13:6

Bad u Dabid u la leit kiew, bad ki Israel baroh, sha Baalah, kata long, sha Kiriath-jearim, kaba dei ïa ka Judah, ban wallam noh nangta ïa ka synduk U Blei, U Trai uba shong halor ki Kherub, ïa kaba la khot da kata ka Kyrteng.

SALM 80:1

To shahshkor, Ko Nongaplangbrot ki Israel, me uba ïalam ïa u Joseph kum ïa ka kynhun langbrot; me uba shong halor ki kherub, to tyngshaiñ noh.

SALM 80:2

Ha khmat u Ephraim bad u Benjamin bad u Manasseh, to pynkhih ïa la ka bor, bad to wan pynim ïa ngi.

SALM 90:1

Ma me, Trai, me la long ka jaka shong jong ngi ha ki pateng bynriew baroh.

SALM 99:1

U Trai u synshar; to kin khynñiuh ki kynja bynriew: u shong halor ki kherub; to kan khih ka khyndew.

EKSODOS 20:24

Men thaw ïa nga ka duwan da ka khyndew, bad men kñia ïa ki jingainguh thang, bad ïa ki jingkñia bapynïasuk jong me halor jong ka, ïa ki langbrot jong me, bad ïa ki masi dab jong me: ha ki jaka baroh ha kiba nga buh ïa ka jingpynkynmaw ïa ka kyrteng jong nga, ngan wan sha me, bad ngan kyrkhu ruh ïa me.

EKSODOS 27:21

Ha Ka Tabernakl ka jingïaseng, shabar kata ka jingkah kaba ha khmat ka jingphla, u Aaron bad ki khun shynrang jong u kin ïasumar ïa ka naduh mynmiet haduh mynstep ha khmat U Trai; kane kan long ka hukum ha la ka rta ha ki pateng la pateng bynriew jong ki na ka bynta ki khun Israel.

EKSODOS 30:36

bad men shoh lwet eh khyndiat na ka, bad men buh ïa ka ha khmat ka jingphla ha Ka Tabernakl ka jingïaseng, ha kaba ngan ïashem bad me: kan long ha phi ka bakyntang tam eh.

EKSODOS 30:6

Bad men buh ïa ka ha khmat kata ka jingkah kaba hajan ka synduk ka jingphla, ha khmat kata ka jingtap-isynei kaba halor kata ka jingphla, ha kaba ngan ïashem bad me.

EKSODOS 31:18

Ynda U la wai noh ban kren ha u Moses ha u lum Sinai, U la ai ha u ar tylli ki maw lyngkniap jong ka jingphla, ki maw lyngkniap ba la thoh keiñ da ka shynriah'ti U Blei.

EKSODOS 31:6

Ha khmih te, ma nga, nga la ai lem bad u ïa u Aholiab, u khun u Ahisamakh, na ka jaid Dan; bad ha ka dohnud jong kita ki bastad dohnud baroh nga la buh ïa ka jingstad, ïa ka ban thaw ïa kita baroh ïa kiba nga la hukum ïa me:

ISAÏAH 37:16

“A Trai ki paid, U Blei ki Israel, uba shong hapdeng ki Kherub, me long U Blei tang ma me hi, u jong ki hima jong ka pyrthei baroh: me la thaw ïa ka bneng bad ka khyndew.

ESEKIEL 43:6

Bad nga la ïohsngew ïa uwei uba da kren ha nga na kata ka ïing; bad u briew u la ïeng hajan jong nga.

LEBITIKOS 1:1

Bad U Trai u la khot ïa u Moses, bad U la kren ha u na Ka Tabernakl ka jingïaseng, u da ong,

LEBITIKOS 16:2

bad U Trai u la ong ha u Moses, “To kren ha u Aaron u hynmen jong me, ba un ym wan ha la ka sngi ha ka jaka kyntang shapoh ka jingkah, ha khmat ka jingtap-isynei kaba halor ka synduk; ba un ym ïap noh: naba ngan mihpaw ma nga halor ka jingtap-isynei ha u lyoh.

JINGKHEIÑ 17:4

Bad men buh noh ïa ki ha Ka Tabernakl ka jingïaseng ha khmat ka jingphla, ha kaba ngan ïashem bad phi.

JINGKHEIÑ 7:89

Te haba u Moses u da leit hapoh Ka Tabernakl ka jingïaseng ïa ka ban kren ha U Blei, u la ïohsngew ïa ka jingsawa ktien kaba kren ha u nalor kata ka jaka-isynei kaba halor kata ka synduk ka jingphla, napdeng kita ki ar tylli ki Kherub: U la kren ruh ha u.

NONGBISHAR 20:27

Bad ki khun Israel ki la ïakylli ïa U Trai, (naba ka synduk ka jutang U Blei ka la don hangta ha kita ki sngi,

1 SAMUEL 4:4

Kumta, u paidbah u la phah sha Sheiloh, bad ki la wallam nangta ïa kata ka synduk ka jutang jong U Trai ki paid, uba shong hapdeng kita ki Kherub: te ki khun u Eli ar ngut, u Hophni bad u Phinehas keiñ, ki la don lem hangta bad ka synduk ka jutang U Blei.