EKSODOS 25:14 - KA BAIBL

¹⁴ Men buh ruh ïa kita ki dieng jingbah ha kita ki kyrwoh ha baroh ar liang kata ka synduk, ïa ka ban bah da ki ïa ka synduk.

Khasi CL Bible (BSI)

¹⁴ Bsuh ïa kita ki dieng jingbah lyngba ki kyrwoh ha baroh arliang kata ka synduk, ba yn ïoh bah ïa ka da ki.

EKSODOS 25:14 ပူးပေါင်းရင်းမြစ်များ

1 KHRONIKL 15:15

Bad ki khun ki Lebi ki la ïabah ïa ka synduk U Blei halor ki tyrpeng jong ki lem bad ki dieng jingbah ha ka, kumba u Moses u la hukum katba kum ka ktien U Trai.

1 KHRONIKL 15:2

Te u Dabid u la ong, “Ym bit ïano ïano ban leit rah ïa ka synduk U Blei, hynrei, tang ki Lebi hi: namar U Trai u la jied ïa ki, ban bah ïa ka synduk U Blei, bad ban shakri ïa u junom.”

EKSODOS 25:13

Bad men thaw ïa ki dieng jingbah da u dieng Shittim, bad men da suit ksiar ïa ki ruh.

EKSODOS 25:15

Te kita ki dieng jingbah kin ïaisah ha kita ki kyrwoh kata ka synduk: wat sei shuh ïa ki na ka.

EKSODOS 25:27

Ha marpyrshah kata ka rmiang kin don kita ki kyrwoh, ban long ki jaka ïa ki dieng jingbah ki ban bah ïa kata ka miej.

EKSODOS 25:28

Men thaw ruh ïa kita ki dieng jingbah da u dieng Shittim, bad to suit ksiar ïa ki, ïa ka ban bah ïa kata ka miej da ki.

EKSODOS 30:4

Men thaw ruh ar tylli ki kyrwoh ksiar ïa ka hapoh kata ka pansngiat jong ka, ha ki ar tylli ki dong jong ka, ha baroh ar ki krung jong ka men thaw keiñ ïa ki; te kin long ki jaka ïa ki dieng jingbah ïa ka ban bah ïa ka da ki.

JOSHUA 6:6

Te u Joshua u khun u Nun u la khot ïa kita ki lyngdoh, bad u la ong ha ki, “To rah ïa ka synduk ka jutang, to ai ruh ba hynñiew ngut ki lyngdoh kin rah ïa ki hynñiew tylli ki turoi jubili ha shuwa ka synduk U Trai.”