EKSODOS 24:9 - KA BAIBL

⁹ Ynda kumta, u Moses u la leit kiew, bad u Aaron, u Nadab, bad u Abihu, bad hynñiewphew ngut ki tymmen basan ki Israel,

Khasi CL Bible (BSI)

⁹ U Moses, u Aaron, u Nadab, u Abihu, bad hynñiewphew ngut ki nongïalam jong ki Israel, ki ïaleit kiew ïa uta u lum,

EKSODOS 24:9 ပူးပေါင်းရင်းမြစ်များ

1 SYIEM 22:19

U te u la ong, “Namar kata, to sngew ïa ka ktien U Trai: nga la ïohi ïa U Trai ba u shong halor ka khet jong u, bad u paidbah bneng baroh u ïeng hajan jong u sha ka kti kamon jong u bad sha kadiang.

EKSODOS 19:24

Bad U Trai u la ong ha u, “To khie, to hiar ruh; bad men wan kiew, ma me, bad u Aaron lem bad me: hynrei, wat ai ba kita ki lyngdoh bad uta u paidbah kin wan tur lyngba sha U Trai, ïoh ba u un kyntur ha ki keiñ.”

EKSODOS 24:1

Te u la ong ha u Moses, “To wan kiew sha U Trai, ma me, bad u Aaron, bad u Nadab, bad u Abihu, bad ki hynñiewphew ki tymmen basan jong ki Israel; bad to mane phi na sha jngai.

EKSODOS 28:1

“Bad to shim ha me ïa u Aaron u hynmen jong me, bad ïa ki khun shynrang jong u lem bad u, napdeng ki khun Israel, ïa ka ban kam ïa ka kam lyngdoh ïa nga, ïa u Aaron keiñ, ïa u Nadab, bad ïa u Abihu, ïa u Eleasar bad ïa u Ithamar, ki khun shynrang jong u Aaron.

EKSODOS 33:20

U la ong ruh, “Mem lah ban ïohi ïa ka khmat jong nga: naba u briew um lah keiñ ban ïohi ïa nga bad ba un im.”

ISAÏAH 6:1

Ha ka snem ba u syiem Ussiah u la ïap, nga la ïohi ïa U Trai ba u da shong halor ka khet bajrong, bad ba la pynkyntiew, bad ka jaiñ shympyiar jong u ka la pyndap ïa ka templ.

ESEKIEL 44:3

Hynrei, u nongsynshar un shong hangta kum u nongsynshar ban bam kpu ha khmat U Trai; un rung na lynti ka batsha jong ka khyrdop, bad un mih noh ruh na ka lynti jong ka.”

LEBITIKOS 10:1

Ynda kumta, u Nadab bad u Abihu, ki khun u Aaron, ki la ïashim ïa la ki khiew thang jingiwbih, bad ki la buh ding ha ki, bad ki la buh halor kata ïa ka jingiwbih thang, bad ki la ïakñia ainguh ha khmat U Trai da ka ding khyllah, ïa kaba um shym la hukum ïa ki.

JINGKHEIÑ 11:16

U Trai te u la ong ha u Moses, “To lum lang ha nga ïa ki hynñiewphew ngut na ki tymmen basan ki Israel, ïa kiba me tip hi ba ki long ki tymmen basan jong u paidlang, bad ki rangbah halor jong ki: to wallam ruh ïa ki ha Ka Tabernakl ka jingïaseng, ba kin ïaïeng hangta lem bad me.

NONGBISHAR 13:22

Bad u Manoah u la ong ha la ka tnga, “Ngin ïap shisha, namar ngi la ïohi ïa U Blei.”