EKSODOS 24:7 - KA BAIBL

⁷ Haba u la shim te ïa ka kitab ka jutang, u la pule ha kaba ïohsngew uta u paidbah; ki te ki la ong, “Ïa kata baroh kaba U Trai u la kren, ngin leh, bad ngin kohnguh.”

Khasi CL Bible (BSI)

⁷ Nangta pat u shim ïa ka kitab ka jutang ha kaba la thoh ïa ki hukum U Trai bad u pule jam ïa ka ha uta u paidbah; ki ruh ki ïa-ong, “Ïa kita baroh kiba U Trai u la hukum, ngin leh, bad ngin kohnguh.”

EKSODOS 24:7 ပူးပေါင်းရင်းမြစ်များ

1 SYIEM 8:9

Ei ei ruh em ym don ha kata ka synduk tang kita ar tylli ki maw lyngkniap kiba u Moses u la buh hangta ha Horeb, ha kaba U Trai u la pynlong ka jutang bad ki khun Israel, mynba ki la wan noh na ka ri Ijipt.

2 KHRONIKL 15:14

Bad ki la smai ha U Trai da ka ktien bajam, bad da ka jingrisa, bad da ki ronsing, bad ki bikur de.

SALM 50:5

To lum lang ha nga ïa ki riewkhuid jong nga; kita kiba la teh jutang bad nga da ka jingkñia.

SALM 78:36

Hynrei, ki la kren arsap ïa u da la ka shyntur, bad ki la lamler ha u da la u thylliej.

EKSODOS 19:8

Te uta u paidbah baroh ki la ïathuh lang, bad ki la ïa-ong ruh, “Ïa kata baroh ïa kaba U Trai u la kren ngin leh keiñ.” Bad u Moses u la leit ïathuh ïa kita ki ktien jong u paidbah ha U Trai.

JEREMAÏAH 34:13

“Kumne u ong U Trai, U Blei ki Israel: ‘Nga la thaw ka jutang bad ki kpa jong phi ha kata ka sngi kaba nga la wallam noh ïa ki na ka ri Ijipt, na ka ïing ka jinglongmraw, nga da ong:

JEREMAÏAH 42:6

La ka bha, la ka sniew ruh, ngin kohnguh ïa ka ktien U Trai U Blei jong ngi, sha uba ngi phah ïa me; ba kan long bha bad ngi, haba ngi kohnguh ïa ka ktien U Trai U Blei jong ngi.”

ESEKIEL 16:8

“ ‘Te haba nga la ïaid najan jong pha, bad nga la khmih ïa pha, ha khmih, ka por jong pha ka la long ka por ka jingieit; te nga la pynkup ïa la ka jaiñ halor jong pha, bad nga la tap ïa ka jinglyngkhuit jong pha: shisha, nga la smai ha pha, bad nga la ïateh ka jutang bad pha,’ ” ong U Trai U Blei, “bad pha long ka jong nga.

MALAKHI 2:10

Hato ngi baroh ngim don uwei u kpa? uwei U Blei um shym la thaw ïa ngi? balei ngi ïashet kylla uwei uwei ïa la u para, ngi da pynsang ïa ka jutang jong ki kpa jong ngi?

KI KAM 13:15

Te ynda la lah kaba pule ïa Ka Hukum bad Ki Nongïathuhlypa, ki nongsynshar ka synagog ki la ïaphah ha ki, ki da ong, “Ko para, lada phi don kano kano ka ktien sneng ïa u paidbah, to kren.”

KOLOSSAI 4:16

Te ynda la lah pule ïa kane ka shithi hapdeng jong phi, to ai ba yn pule ïa ka ha kata ka balang ki Laodikaïa ruh, bad ba phi ruh phin ïoh pule ïa kata ka shithi na Laodikaïa.

1 THESSALONI 5:27

Nga pynsmai ïa phi da U Trai ban pule ïa kane ka shithi ha ki parabangeit baroh.

JOSHUA 24:24

Te uta u paidbah u la ong ha u Joshua, “Ïa U Trai U Blei jong ngi ngin shakri, bad ïa ka ktien jong u ngin kohnguh.”