EKSODOS 24:4 - KA BAIBL

⁴ Te u Moses u la thoh ïa ki ktien U Trai baroh, bad u la khie ruh dang step, bad u la tei ïa ka duwan ha trai uta u lum, bad ïa ki khat-ar ki païa, katba kum ki khat-ar jaid Israel.

Khasi CL Bible (BSI)

⁴ U Moses u thoh ïa ki hukum baroh jong U Trai. Dang step phyrngab ha ka sngi kaba bud, u tei ïa ka duwan ha trai jong u lum, bad u pynïeng ruh khat-ar tylli ki maw, uwei u maw na ka bynta kawei kawei ka jait Israel.

EKSODOS 24:4 ပူးပေါင်းရင်းမြစ်များ

JENESIS 12:7

Bad U Trai u la mihpaw ha u Abram, u da ong, “Ha u symbai jong me ngan ai ïa kane ka ri”: bad hangta u la tei ïa ka duwan ha U Trai uba la lah mihpaw ha u.

JENESIS 28:18

Bad u Jakob u la khie dang step phyrngab, bad u la shim ïa uta u maw da uba u la lah pynlong syngkhlieh ïa lade, bad u la thung mawbynna ruh ïa u bad u la theh ka umphniang ha kliar jong u.

JENESIS 28:22

ynda kumta keiñ, une u maw, ïa uba nga la thung mawbynna ïa u, un long ka ïing U Blei: bad na kiei kiei baroh ba men ai ha nga, nga ruh ngan ai shisha ha me ïa kaba shiphew bynta.”

JENESIS 31:45

Te u Jakob u la shim ïa u maw, bad u la pynïeng mawbynna ïa u.

1 SYIEM 11:30

U Ahijah te u la shim ïa kata ka jaiñ thymmai kaba ha u, bad u la tar ïa ka khat-ar lyngkhot.

1 SYIEM 18:31

Bad u Elijah u la shim khat-ar tylli ki maw, katba kum ka jingkheiñ ki jaid ki khun u Jakob, ha uba ka ktien U Trai ka la wan, ka da ong, “ ‘U Israel’ kan long ka kyrteng jong me.”

ESRA 6:17

Bad ki la ainguh ha kaba pynkyntang ïa kane ka ïing U Blei, shispah ki masi dab, arspah ki langbrot shynrang, sawspah ki khun langbrot; bad ïa ka jingainguh sait pop na ka bynta ki Israel baroh, khat-ar ki 'lang sohmoh, katba kum ka jingkheiñ ki jaid Israel.

NEHEMAÏAH 10:1

Te kita kiba la shon shab ki la long, u Nehemaïah u Tirshatha, u khun u Hakaliah, bad u Sedekaïah;

EKSODOS 17:14

U Trai u la ong ruh ha u Moses, “To thoh ïa kane ha ka kitab ban long ka jingpynkynmaw, bad to ïathuh ruh ha u Joshua: namar ngan pyndam noh khoit ïa ka jingkynmaw ïa ki Amalek napoh ka bneng.”

EKSODOS 17:15

Bad u Moses u la tei ïa ka duwan, bad u la khot ïa ka kyrteng jong ka “Jehobah-nissi”,

EKSODOS 21:1

“Te kine ki long ki jingbishar ïa kiba men buh ha khmat jong ki.

EKSODOS 24:7

Haba u la shim te ïa ka kitab ka jutang, u la pule ha kaba ïohsngew uta u paidbah; ki te ki la ong, “Ïa kata baroh kaba U Trai u la kren, ngin leh, bad ngin kohnguh.”

EKSODOS 28:21

Bad ha kita ki maw kin don ki kyrteng ki khun Israel, khat-ar keiñ, kat kum ki kyrteng jong ki; kum kaba pruid jong ka mohor, uwei pa uwei baroh bad la ka kyrteng kyrteng, kat kum ki khat-ar ki jaid.

EKSODOS 34:27

Bad U Trai u la ong ha u Moses, “To men thoh ïa kine ki ktien: namar katba kum kine ki ktien, nga la pynlong ïa ka jutang bad me bad u Israel ruh.”

ISAÏAH 19:19

Ha kata ka sngi, yn long ka duwan ha U Trai hapdeng ka ri Ijipt, bad u mawbynna harud jong ka ha U Trai.

LEBITIKOS 24:5

“Bad to shim ïa u 'purew bani, bad to shet na uta khat-ar tylli ki kpu: uwei uwei u kpu un shong ar ar bynta na kiba shiphew.

JINGKHEIÑ 17:2

“To kren ha ki khun Israel, to shim ruh na uwei uwei baroh na ki, ïa uwei u diengduh katba kum ka ïing ki kpa jong ki, na ki rangbah jong ki baroh, katba kum ka ïing ki kpa jong ki, khat-ar tylli ki diengduh: to men thoh ruh ïa ka kyrteng jong uwei uwei baroh u briew ha u diengduh jong u.

LOUKAS 22:30

ba phin ïoh bam bad ïoh dih ha ka miej jong nga ha kata ka hima jong nga, bad halor ki khet phin ïoh shong bishar ïa ki khat-ar ki jaid Israel.”

GALATIA 2:9

te haba ki la ïohi ïa kata ka jingaiei ba la ai ha nga, u Jakob bad u Kephas bad u Ïoannis, ïa kiba ki ñiew ba ki long ki rijied, ki la ai ha nga bad ha u Barnabas ïa ki kti kamon ka jingïasyllok, ba ngin leit sha ki Jentil, bad ki sha ka jingotsher.

DEUTERONOMI 31:9

Te u Moses u la thoh ïa kane ka hukum, bad u la aiti ïa ka ha ki lyngdoh ki khun u Lebi keiñ, kiba ju ïabah ïa ka synduk ka jutang jong U Trai, bad ha ki tymmen basan jong ki Israel baroh.

JOSHUA 4:20

Te ïa kita ki khat-ar tylli ki maw, ïa kiba ki la rah na Jordan, u Joshua u la thung ha Gilgal.

JOSHUA 4:5

U Joshua u la ong ruh ha ki, “To leit sha shiliang ha shuwa ka synduk U Trai U Blei jong phi shapdeng ka Jordan, to rah ruh uwei uwei baroh na phi ïa la u maw halor la ka tyrpeng, katba kum ka jingkheiñ ki jaid ki khun Israel:

JINGPYNPAW 21:14

Bad kata ka kynroh jong kata ka nongbah ka la don khat-ar ki nongrim, bad halor jong ki, ki kyrteng kita ki khat-ar ngut ki apostol jong uta U Khun langbrot.