EKSODOS 24:3 - KA BAIBL

³ U Moses te u la wan ïathuh ha uta u paidbah ïa ki ktien U Trai baroh, bad ïa ki jingbishar baroh: te uta u paidbah baroh u la ïathuh da kawei ka ktien, u da ong ruh, “Ïa ki ktien baroh kiba U Trai u la ong; ngin leh keiñ.”

Khasi CL Bible (BSI)

³ U Moses u wan ïathuh ha u paidbah ïa ki hukum baroh bad ïa ki aiñ baroh jong U Trai, bad ki briew baroh ki ïajubab lang, “Ïa kita baroh kiba U Trai u ong, ngin leh.”

EKSODOS 24:3 ပူးပေါင်းရင်းမြစ်များ

2 KHRONIKL 15:14

Bad ki la smai ha U Trai da ka ktien bajam, bad da ka jingrisa, bad da ki ronsing, bad ki bikur de.

2 KHRONIKL 15:15

Te ki Judah baroh ki la kmen ha kata ka jingsmai: naba ki la smai da ka dohnud jong ki baroh, bad ki la wad ïa u da ka jingkwah jong ki baroh bad ki la shem ïa u: bad U Trai u la ai ka jingsuk ïa ki sawdong kylleng.

SALM 50:5

To lum lang ha nga ïa ki riewkhuid jong nga; kita kiba la teh jutang bad nga da ka jingkñia.

EKSODOS 19:8

Te uta u paidbah baroh ki la ïathuh lang, bad ki la ïa-ong ruh, “Ïa kata baroh ïa kaba U Trai u la kren ngin leh keiñ.” Bad u Moses u la leit ïathuh ïa kita ki ktien jong u paidbah ha U Trai.

EKSODOS 24:2

Te tang u Moses hi un wan hajan ïa U Trai; hynrei, ki, kin ym wan hajan, lymne uta u paidbah un ym leit lem bad u.”

EKSODOS 24:7

Haba u la shim te ïa ka kitab ka jutang, u la pule ha kaba ïohsngew uta u paidbah; ki te ki la ong, “Ïa kata baroh kaba U Trai u la kren, ngin leh, bad ngin kohnguh.”

JEREMAÏAH 11:4

kaba nga la hukum ïa ki kpa jong phi ha ka sngi kaba nga la wallam noh ïa ki na ka ri Ijipt, na ka lawar ding kaba da u nar,” nga da ong, “To kohnguh ïa ka ktien jong nga, bad to leh ïa ki, kat kum ïa baroh kaba nga hukum ïa phi: kumta phin long ki briew jong nga, bad nga ruh ngan long U Blei jong phi:

JEREMAÏAH 34:13

“Kumne u ong U Trai, U Blei ki Israel: ‘Nga la thaw ka jutang bad ki kpa jong phi ha kata ka sngi kaba nga la wallam noh ïa ki na ka ri Ijipt, na ka ïing ka jinglongmraw, nga da ong:

HAGGAI 2:5

‘katba kum kata ka ktien ïa kaba nga la teh jutang bad phi mynba phi la mih noh na Ijipt, bad ka mynsiem jong nga ka shong hapdeng jong phi: wat sheptieng phi.’

MALAKHI 2:10

Hato ngi baroh ngim don uwei u kpa? uwei U Blei um shym la thaw ïa ngi? balei ngi ïashet kylla uwei uwei ïa la u para, ngi da pynsang ïa ka jutang jong ki kpa jong ngi?

DEUTERONOMI 11:1

“To men ieit, namar kata, ïa U Trai uba U Blei jong me, bad to sumar ïa ka kam jong u, bad ïa ki aiñ jong u, bad ïa ki jingbishar jong u, bad ïa ki hukum jong u, ha la ka sngi.

DEUTERONOMI 4:1

“Te namar kata to sngew, A Israel, ïa ki hukum, bad ïa ki jingbishar, ïa kiba nga hikai ïa phi, ïa ka ban leh ïa ki; ba phin ïoh im, bad phin leit hapoh, ban ïoh ruh ïa kata ka ri ïa kaba U Trai uba U Blei ki kpa jong phi u ai ha phi.

DEUTERONOMI 4:45

kine keiñ kita ki jingphla, bad kita ki hukum, bad kita ki jingbishar, ïa kiba u Moses u la kren ha ki khun Israel, hadien ba ki la ïamih noh na ka ri Ijipt;

DEUTERONOMI 4:5

Ha khmih, nga la hikai ïa phi ïa ki hukum, bad ïa ki jingbishar, kumba U Trai uba U Blei jong nga u la hukum ïa nga, khnang ba phin leh kumta ha kata ka ri, sha kaba phin leit ïoh ïa ka.

DEUTERONOMI 5:1

Te u Moses u la khot ïa ki Israel baroh, bad u la ong ruh ha ki, “To sngew, A Israel, ïa ki hukum, bad ïa ki jingbishar, ïa kiba nga kren ha ki shkor jong phi ha kane ka sngi, ba phin dup nang ïa ki, ba phin sumar ïa ki, bad phin leh ïa ki ruh.

DEUTERONOMI 5:31

Hynrei, shaphang jong me, to ïaisah ma me hangne bad nga, te ngan kren ha me ïa ki hukum baroh, bad ïa ki aiñ, bad ïa ki jingbishar, ïa kiba men hikai ha ki, ba kin ïoh leh ïa ki ha kata ka ri ïa kaba ngan ai ha ki, ïa ka ban ïoh ïa ka.’

DEUTERONOMI 6:1

“Kine te ki long kita ki hukum, kita ki aiñ, bad kita ki jingbishar, ïa kiba U Trai uba U Blei jong phi u la hukum ban hikai ïa phi, khnang ba phin leh ïa ki ha kata ka ri, sha kaba phin sa leit sha shiliang ban ïoh ïa ka:

JOSHUA 24:21

Te uta u paidbah u la ong ha u Joshua, “Em; hynrei, ngi ngin shakri ïa U Trai.”

JOSHUA 24:22

Te u Joshua u la ong ha uta u paidbah, “Phi long ki sakhi pyrshah ïa lade ba phi la jied ha lade ïa U Trai, ban shakri ïa u.” Te ki la ong, “Ngi long ki sakhi.”

JOSHUA 24:24

Te uta u paidbah u la ong ha u Joshua, “Ïa U Trai U Blei jong ngi ngin shakri, bad ïa ka ktien jong u ngin kohnguh.”