EKSODOS 24:18 - KA BAIBL

¹⁸ Te u Moses u la leit shapdeng uta u lyoh, bad u la kiew noh sha uta u lum: bad u Moses u la sah ruh ha uta u lum sawphew sngi bad sawphew miet.

Khasi CL Bible (BSI)

¹⁸ U Moses u la kiew ïa uta u lum sha uta u lyoh. U la sah hangta sawphew sngi bad sawphew miet.

EKSODOS 24:18 ပူးပေါင်းရင်းမြစ်များ

1 SYIEM 19:11

Bad u la ong, “Mih noh, bad leit ïeng halor u lum ha khmat U Trai.” Te, ha khmih, U Trai u la ïaid nangta, bad ka 'erïong bakhraw bad bajur ka la kad ïa ki lum, bad ka la pynpait lyngkhot lyngkhai ïa ki mawsiang ha khmat U Trai; hynrei, U Trai um shym don ha kata ka lyer: te hadien kata ka lyer, sa kaba khynñiuh jumai; hynrei, U Trai um shym don ha kata kaba khynñiuh jumai:

1 SYIEM 19:8

Te haba u la khie, u la bam u la dih bad u la ïaid ha ka bor kata ka jingbam sawphew sngi bad sawphew miet haduh u Horeb u lum U Blei.

EKSODOS 19:20

U Trai te u la wan hiar halor u lum Sinai, halor ka khlieh uta u lum: te U Trai u la khot ïa u Moses sha khlieh uta u lum; u Moses u la leit kiew ruh.

EKSODOS 24:17

Ka jingkhmih ka burom U Trai te ka la long kum ka ding kaba bam duh ha khlieh uta u lum ha khmat ki khun Israel.

EKSODOS 25:1

Te U Trai u la kren ha u Moses, u da ong,

EKSODOS 32:1

Te haba uta u paidlang u la ïohi ba u Moses u tud ban wan hiar na uta u lum, uta u paidlang u la ïalum lang ha u Aaron, bad u la ong ha u, “To ïeng, to thaw blei ïa ngi, ban leit sha shuwa jong ngi; naba une u Moses, uta u briew keiñ uba la wallam artet ïa ngi na ka ri Ijipt, ngim tip shuh la jia aïu ïa u.”

EKSODOS 34:28

Te u la don hangta lem bad U Trai sawphew sngi bad sawphew miet; um shym la bam ïa u kpu, lymne dih ïa ka um. Te u la thoh halor kita ki maw lyngkniap ïa ki ktien kata ka jutang, ïa kita ki shiphew hukum keiñ.

EKSODOS 9:29

Te u Moses u la ong ha u, “Haba nga dang shu mih noh na kane ka nongbah, ngan sa kner ïa la ki kti sha U Trai; te uta u pyrthat un duh, bad uta u phria ruh un ym hap shuh; khnang ba men ïoh tip ba ka pyrthei ka long ka jong U Trai.

EKSODOS 9:33

Te u Moses u la mih noh na u Pharaoh shabar kata ka nongbah, bad u la kner ïa la ki kti sha U Trai: te uta u pyrthat bad uta u phria de ki la jah noh, bad ym shym la pynhap shuh ïa u slap ha ka khyndew.

PROBERB 28:1

U bymman u phet ïap ha bymdon ba beh ïa u: hynrei, ki bahok ki shlur kum u sing.

MATHAÏOS 4:2

Ynda U la shah jingit sawphew sngi bad sawphew miet, hadien kata, U la thngan.

MARKOS 1:13

U la don te ha kata ka ri khlaw sawphew sngi, ba la pynshoi ïa u da u Soitan; bad u la don ryngkat bad ki mrad khlaw, bad ki angel ki la ïashakri ïa u.

LOUKAS 4:2

ba la pynshoi ïa u da u Soitan. Ei ei ruh em um shym bam ha kita ki sngi; hynrei, ynda ki la kut, u la sngewthngan.

DEUTERONOMI 10:10

“Bad nga la sah ha uta u lum, sawphew sngi bad sawphew miet, kumba ha ki sngi ki banyngkong: bad U Trai u la shahshkor ïa nga ha kata ka por ruh, bad U Trai um shym la sngewbha ban pynjot noh ïa me.

DEUTERONOMI 5:31

Hynrei, shaphang jong me, to ïaisah ma me hangne bad nga, te ngan kren ha me ïa ki hukum baroh, bad ïa ki aiñ, bad ïa ki jingbishar, ïa kiba men hikai ha ki, ba kin ïoh leh ïa ki ha kata ka ri ïa kaba ngan ai ha ki, ïa ka ban ïoh ïa ka.’

DEUTERONOMI 9:18

Te nga la dem ngon ha khmat U Trai, kum ha ka banyngkong, sawphew sngi bad sawphew miet; ngam shym la bam kpu, lymne dih um; namar ki pop jong phi baroh ïa kiba phi la lah leh, da kaba leh bymman ha khmat U Trai, ïa ka ban pynbitar ïa u.

DEUTERONOMI 9:25

“Kumta keiñ, nga la dem ngon ha khmat U Trai, sawphew sngi bad sawphew miet, kumba nga la dem ngon mynshuwa; namar ba U Trai u la lah ong ba un pynjot noh ïa phi.

DEUTERONOMI 9:9

Mynba nga la leit kiew sha uta u lum ban pdiang ïa kita ki maw lyngkniap, ki maw lyngkniap kata ka jutang keiñ ïa kaba U Trai u la thaw bad phi, te nga la ïaisah ha uta u lum, sawphew sngi bad sawphew miet; ngam shym la bam kpu lymne dih um.