EKSODOS 24:17 - KA BAIBL

¹⁷ Ka jingkhmih ka burom U Trai te ka la long kum ka ding kaba bam duh ha khlieh uta u lum ha khmat ki khun Israel.

EKSODOS 24:17 ပူးပေါင်းရင်းမြစ်များ

2 SAMUEL 22:13

Na kata ka jingtyngshaiñ ka khmat jong u, ki rnga 'dewïong ki la meh.

2 SAMUEL 22:9

Ka tdem ka la kiew na ki thliew khmut jong u, bad ka ding na ka shyntur jong u ka la bam duh: da ka, ka 'dewïong ka la meh ding.

EKSODOS 19:11

bad ba kin khreh hamar ka sngi ka balai: namar ha kata ka sngi balai U Trai un sa wan hiar ha khmat u paidbah baroh halor u lum Sinai.

EKSODOS 19:18

Bad u lum Sinai u la mih tdem baroh uwei, namar U Trai u la hiar halor jong u ha ka ding; bad ka tdem jong u ka la kiew kum ka tdem ka lawar ding, bad uta u lum baroh uwei u la khynñiuh eh.

EKSODOS 3:2

Bad u angel U Trai u la mihpaw ha u ha ka thylliej ding napdeng ka 'law lynnong: te u la khmih, bad ha khmih, kata ka 'law lynnong ka la ing da ka ding, hynrei, kata ka 'law lynnong kam ing duh noh.

ESEKIEL 1:27

Te nga la ïohi kaba kum ka rong ka laha, kaba i kum ka ding hapoh jong ka baroh sawdong, naduh kaba paw ka syngkai jong u artet; bad naduh kaba paw ka syngkai jong u arsut nga la ïohi kaba i kum ka ding, ka jingthaba ruh ka la long baroh sawdong ïa u.

ESEKIEL 1:28

Kum ka jing-i ïa uta u simpyllieng uba long ha u lyoh ha ka sngi slap, kumta keiñ, ka la long ka jing-i jong kata ka jingthaba baroh sawdong. Kane ka la long ka jing-i ïa ka dur jong ka burom U Trai. Te haba nga la ïohi ïa ka, nga la hap dem da la ka khmat, bad nga la ïohsngew ïa ka jingsawa jong uwei uba la kren.

NAHUM 1:6

Uei uba lah ban ïeng ha khmat ka jingotshla jong u? Bad uei uba lah ban shah ïa ka jingmeh ka jingbitar jong u? Ïa ka jingotshla jong u la theh noh kum ka ding, bad ïa ki mawsiang la pynpait ar liang da u.

DEUTERONOMI 4:24

Naba U Trai uba U Blei jong me, u long ka ding kaba bam duh, U Blei u bathut shen.

DEUTERONOMI 4:36

Na bneng u la pynsngew ïa ka ktien jong u ha me, ba un ïoh hikai ïa me: bad ha ka pyrthei ruh u la pyni ïa me ïa ka ding bakhraw jong u; bad me la ïohsngew ïa ki ktien jong u ruh napdeng kata ka ding.

DEUTERONOMI 9:3

To sngewthuh namar kata ha kane ka sngi, ba U Trai uba U Blei jong me u long uba ïaid sha shiliang ha shuwa jong me kum ka ding babam duh; un pynjot noh ïa ki, bad un pynkyllon ruh ïa ki ha khmat jong me; kumta keiñ, men beh noh ïa ki, bad men pynjot noh shen ïa ki, kumba U Trai u la ong ha me.

HEBRU 12:18

Namar phim shym wan ha u lum ïa uba lah ban tba, bad ba la ing da ka ding, bad ha ka jingïong, bad ha ka jingdum, bad ha ka 'erïong,

HEBRU 12:29

namar U Blei jong ngi u long ka ding kaba bam duh noh.