EKSODOS 24:16 - KA BAIBL

¹⁶ Bad ka burom U Trai ka la neh halor u lum Sinai, uta u lyoh te u la tap ïa u, hynriew sngi: te ha ka sngi ka bahynñiew, u la khot ïa u Moses napdeng uta u lyoh.

Khasi CL Bible (BSI)

^16-17 Ka jingshai baphyrnai jong ka jingdon ryngkat jong U Trai ka la wan hiar ha uta u lum. Ïa ki Israel, ka jingshai ka i kum ka ding kaba ing ha kliar jong u lum. U lyoh u la tap ïa u lum hynriew sngi lynter, bad ha ka sngi kaba hynñiew U Trai u la khot ïa u Moses na u lyoh.

EKSODOS 24:16 ပူးပေါင်းရင်းမြစ်များ

SALM 99:7

U la kren ha ki ha uta u rishot lyoh: ki la sumar ïa ki jingphla jong u, bad ïa ka aiñ kaba u la ai ha ki.

EKSODOS 16:10

Ka la jia te, mynba u Aaron u dang kren ha uta u paidbah ki khun Israel, ba ki la ïakhmih shaphang kata ka ri khlaw, ha khmih ruh, ka burom U Trai ka la mihpaw ha uta u lyoh.

EKSODOS 19:11

bad ba kin khreh hamar ka sngi ka balai: namar ha kata ka sngi balai U Trai un sa wan hiar ha khmat u paidbah baroh halor u lum Sinai.

EKSODOS 19:9

Bad U Trai u la ong ha u Moses, “Ha khmih, ngan wan ha me ha u lyoh ba-dum, ba u paidbah un ïohsngew haba nga kren bad me, bad ba un ngeit ïa me ha la ka rta.” Bad u Moses u la ïathuh ïa kita ki ktien jong u paidbah ha U Trai.

EKSODOS 20:10

hynrei, ka sngi ka bahynñiew ka long ka Sabbaton ïa U Trai U Blei jong me: ha kata men ym leh kaei kaei ruh ka kam, ma me, lymne u khun jong me, lymne ka khun jong me, lymne u mraw jong me, lymne ka mraw jong me, lymne ka jingri jong me, lymne u nongwei uba hapoh ka phalor jong me:

EKSODOS 24:17

Ka jingkhmih ka burom U Trai te ka la long kum ka ding kaba bam duh ha khlieh uta u lum ha khmat ki khun Israel.

ISAÏAH 4:5

Bad U Trai un pynlong halor ka jaka shong u lum Seïon baroh, bad halor ki jingïaseng jong ka, u lyoh bad ka tdem mynsngi, bad ka jingtyngshaiñ ka jingmeh ding mynmiet: namar halor ka burom baroh, yn long ka jingïada.

ESEKIEL 1:28

Kum ka jing-i ïa uta u simpyllieng uba long ha u lyoh ha ka sngi slap, kumta keiñ, ka la long ka jing-i jong kata ka jingthaba baroh sawdong. Kane ka la long ka jing-i ïa ka dur jong ka burom U Trai. Te haba nga la ïohi ïa ka, nga la hap dem da la ka khmat, bad nga la ïohsngew ïa ka jingsawa jong uwei uba la kren.

LEBITIKOS 9:23

Ynda kumta, u Moses bad u Aaron ki la ïarung sha Ka Tabernakl ka jingïaseng, bad hadien ba ki la mih noh, ki la ïakyrkhu ïa u paidlang: bad ka burom U Trai ka la paw ha uta u paidlang baroh.

LEBITIKOS 9:6

Bad u Moses u la ong, “Kane ka long kata ïa kaba u la hukum U Trai ïa phi ban leh: bad ka burom U Trai kan sa mihpaw ha phi.”

JINGKHEIÑ 14:10

Hynrei, uta u paidbah baroh, u la ong ban lynthem ïa ki da ki maw. Te ka burom U Trai ka la paw ha Ka Tabernakl ka jingïaseng ha khmat ki khun Israel baroh.

JINGKHEIÑ 16:42

Ka la jia ruh, haba uta u paidlang u la ïalum lang ban ïaleh pyrshah ïa u Moses, bad pyrshah ïa u Aaron, ba ki la khmih sha Ka Tabernakl ka jingïaseng: te ha khmih, uta u lyoh u la tap ïa ka, bad ka burom U Trai ka la paw.

2 KORINTH 4:6

Naba U Blei uba la hukum ïa ka jingshai ban shai noh na kaba dum, u la pynshai ha ki dohnud jong ngi, khnang ïa ka ban pynshai ïa ka jingtip ka burom U Blei ha ka khmat U Jisu Khrist.

JINGPYNPAW 1:10

Nga la long ha U Mynsiem ha ka sngi U Trai, bad nga la ïohsngew na shadien jong nga ïa ka ktien bajam kum ka turoi,