EKSODOS 24:14 - KA BAIBL

¹⁴ Ynda kumta, u la ong ha kita ki tymmen basan, “To nang ap ïa ngi hangne, tad ynda ngin da wan pat sha phi; te ha khmih, u Aaron bad u Hur ki ïadon lem bad phi: lada uno uno ruh u don kano kano ruh ka kam, ai ba un leit ha ki.”

Khasi CL Bible (BSI)

¹⁴ U Moses u ong ha ki nongïalam, “Ap ïa ngi hangne ha ka jaka sher dara tad ynda ngi wan phai. U Aaron bad u Hur ki don hangne bad phi; bad kumta uno uno uba don kano kano ka jingïakajia ban pynbeit, u lah ban leit sha ki.”

EKSODOS 24:14 ပူးပေါင်းရင်းမြစ်များ

JENESIS 22:5

Bad u Abraham u la ong ha ki samla jong u, “To sah noh phi shane lem bad ka kadda; te ma nga bad une u samla ngin ïaleit shaduh shatai bad ngin ïamane; hadien kata, ngin ïawan kylla pat sha phi.”

EKSODOS 17:10

Kumta, u Joshua u la leh kumba u Moses u la ong ha u, bad u la ïaleh thma ïa ki Amalek: te u Moses, u Aaron, bad u Hur ki la leit kiew ha khlieh uta u lum.

EKSODOS 17:12

Hynrei, ki kti u Moses ki la sakhrai: te ki la shim da u maw, ki la buh ruh hapoh jong u, bad u la shong halor jong u: u Aaron de bad u Hur ki la ïakyrshan ïa ki kti jong u, uwei sha kawei ka liang, bad uwei sha kawei pat; kumta, ki kti jong u ki la neh skhem, haduh ban da la sep ka sngi.

EKSODOS 18:16

haba ki ïadon kano kano ka kam, ki ïawan sha nga; bad nga bishar keiñ hapdeng ki paralok, bad nga ju pyntip ruh ha ki ïa ki hukum U Blei, bad ïa ki aiñ jong u.”

EKSODOS 32:1

Te haba uta u paidlang u la ïohi ba u Moses u tud ban wan hiar na uta u lum, uta u paidlang u la ïalum lang ha u Aaron, bad u la ong ha u, “To ïeng, to thaw blei ïa ngi, ban leit sha shuwa jong ngi; naba une u Moses, uta u briew keiñ uba la wallam artet ïa ngi na ka ri Ijipt, ngim tip shuh la jia aïu ïa u.”

1 SAMUEL 10:8

Bad men leit hiar ha shuwa jong nga sha Gilgal; bad ha khmih, nga ruh ngan sa wan hiar sha me, ïa ka ban ainguh da ki jingainguh thang, bad ban kñia ïa ki jingkñia pynïasuk: hynñiew sngi men ap, tad ynda ngan wan sha me, bad ngan sa ïathuh ïa me ïa kaba men leh.”