EKSODOS 24:12 - KA BAIBL

¹² Bad U Trai u la ong ha u Moses, “To wan kiew sha nga ha une u lum, to sah hangta ruh: bad ngan ai ha me ïa ki maw lyngkniap, bad ïa ki hukum bad ïa ki adong ïa kiba nga la thoh, ba men ïoh hikai ïa ki.”

Khasi CL Bible (BSI)

¹² U Trai u ong ha u Moses, “Wan kiew sha nga ha une u lum, bad katba me dang don hangne, ngan ai ha me ar tylli ki mawlyngkniap kiba don ïa ki hukum baroh kiba nga la thoh na ka bynta ban hikai ïa ki briew.”

EKSODOS 24:12 ပူးပေါင်းရင်းမြစ်များ

1 SYIEM 19:11

Bad u la ong, “Mih noh, bad leit ïeng halor u lum ha khmat U Trai.” Te, ha khmih, U Trai u la ïaid nangta, bad ka 'erïong bakhraw bad bajur ka la kad ïa ki lum, bad ka la pynpait lyngkhot lyngkhai ïa ki mawsiang ha khmat U Trai; hynrei, U Trai um shym don ha kata ka lyer: te hadien kata ka lyer, sa kaba khynñiuh jumai; hynrei, U Trai um shym don ha kata kaba khynñiuh jumai:

ESRA 7:10

Namar u Esra u la buh ha la ka dohnud ban wad ïa ka hukum U Trai, bad ban leh ïa ka, bad ban hikai ha Israel ïa ki aiñ bad ïa ki jingbishar.

NEHEMAÏAH 9:13

Me la hiar halor u lum Sinai ruh, bad me la kren bad ki na bneng, bad me la ai ha ki, ïa ki jingbishar bahok bad ki rukom bashisha, ki aiñ bad ki hukum babha:

NEHEMAÏAH 9:14

bad me la pyntip ha ki, ïa ka Sabbaton bakhuid jong me, bad me la hukum ïa ki hukum ïa ki, bad ki aiñ, bad ka rukom, da ka kti u Moses u shakri jong me:

SALM 19:12

Uei uba lah ban shemphang ïa la ki jingbakla? To pynkhuid ma me ïa nga na ki jinglait barieh.

EKSODOS 19:3

Bad u Moses u la leit kiew sha U Blei, te U Trai u la khot ïa u na uta u lum, u da ong, “Kumne men ong ha ka ïing u Jakob, bad men ïathuh ha ki khun Israel:

EKSODOS 24:15

Bad u Moses u la leit kiew sha uta u lum, bad u lyoh u la tap ïa uta u lum.

EKSODOS 24:18

Te u Moses u la leit shapdeng uta u lyoh, bad u la kiew noh sha uta u lum: bad u Moses u la sah ruh ha uta u lum sawphew sngi bad sawphew miet.

EKSODOS 24:2

Te tang u Moses hi un wan hajan ïa U Trai; hynrei, ki, kin ym wan hajan, lymne uta u paidbah un ym leit lem bad u.”

EKSODOS 31:18

Ynda U la wai noh ban kren ha u Moses ha u lum Sinai, U la ai ha u ar tylli ki maw lyngkniap jong ka jingphla, ki maw lyngkniap ba la thoh keiñ da ka shynriah'ti U Blei.

EKSODOS 32:1

Te haba uta u paidlang u la ïohi ba u Moses u tud ban wan hiar na uta u lum, uta u paidlang u la ïalum lang ha u Aaron, bad u la ong ha u, “To ïeng, to thaw blei ïa ngi, ban leit sha shuwa jong ngi; naba une u Moses, uta u briew keiñ uba la wallam artet ïa ngi na ka ri Ijipt, ngim tip shuh la jia aïu ïa u.”

EKSODOS 34:1

Te U Trai u la ong ha u Moses, “To men shtah ar tylli ki maw lyngkniap kum kita ki banyngkong: bad ngan sa thoh halor kine ki maw lyngkniap ïa kita ki ktien kiba la don ha kita ki maw lyngkniap ki banyngkong, ïa kiba me la pynpait.

JEREMAÏAH 31:33

“Hynrei, kane ka long ka jutang ba ngan thaw bad ka ïing Israel hadien kita ki sngi,” ong U Trai; “ngan buh ïa ka hukum jong nga ha ki bynta kiba shapoh jong ki, bad ngan thoh ïa ka ha ka dohnud jong ki; bad ngan long U Blei jong ki, bad ki kin long ki briew jong nga:

MATHAÏOS 5:19

Namar kata, uno uno ruh u ban pynkheiñ ïa iwei, wat iba kham rit tam na kine ki hukum, bad u ban hikai kumta ïa ki briew, yn khot ïa u ‘uba kham rit tam ha ka hima ki bneng:’ hynrei, uno uno ruh u ban leh bad u ban hikai ïa ki, ïa uta te yn khot ‘u bakhraw ha ka hima ki bneng.’

2 KORINTH 3:3

kiba paw shynna ba phi long ka shithi U Khrist ïa kaba la trei minot da ngi, ïa kaba la thoh ym da ka sia, hynrei, da U Mynsiem U Blei u ba-im, ym ha ki maw lyngkniap, hynrei, ha ki doh lyngkniap ka dohnud keiñ.

2 KORINTH 3:7

Hynrei, lada kane ka jingpynïaid niam ka jingïap ba la thoh bad ba la mut ha ki maw, ka la long ha ka jingtyngshaiñ, katba kita ki khun Israel kim lah shuh ban khmih shaiñ ïa ka khmat u Moses namar kata ka jingtyngshaiñ ka khmat jong u ka ban dam noh;

DEUTERONOMI 4:14

Te U Trai u la hukum ïa nga ha kata ka por ïa ka ban hikai ïa phi ha ki hukum, bad ha ki jingbishar, ba phin dup leh ïa ki ha kata ka ri, sha kaba phin leit sha shiliang ban ïoh ïa ka.

DEUTERONOMI 5:22

“Ïa kine ki ktien, U Trai u la kren ha ka jingïaseng lang jong phi baroh ha uta u lum napdeng kata ka ding, na uta u lyoh, bad na kata ka jingdum tliw tliw, da ka jingsawa bajam: bad um shym la kren shuh nalor kata. Bad u la thoh ruh ïa ki ha ki ar tylli ki maw lyngkniap, bad u la ai ïa ki ha nga.

DEUTERONOMI 5:31

Hynrei, shaphang jong me, to ïaisah ma me hangne bad nga, te ngan kren ha me ïa ki hukum baroh, bad ïa ki aiñ, bad ïa ki jingbishar, ïa kiba men hikai ha ki, ba kin ïoh leh ïa ki ha kata ka ri ïa kaba ngan ai ha ki, ïa ka ban ïoh ïa ka.’

HEBRU 9:4

kaba don ka pliang ksiar bathang iwbih, bad ka synduk ka jutang ïa kaba la suit baroh sawdong da ka ksiar, ha kaba la don u khiew ksiar uba don kata ka manna, bad uta u diengduh u Aaron uba la phuh, bad kita ki maw lyngkniap jong ka jutang;