EKSODOS 24:11 - KA BAIBL

¹¹ Te halor kita ki bakhraw batri jong ki khun Israel um shym la buh ïa la ka kti: hynrei, ki la ïohi keiñ ïa U Blei, te ki la ïabam ki la ïadih.

Khasi CL Bible (BSI)

¹¹ U Blei um shym pynmynsaw ïa kine ki rangbah bapawkhmat jong ki Israel; ki la ïohi ïa U Blei, bad hadien kata ki la ïabam bad ïadih.

EKSODOS 24:11 ပူးပေါင်းရင်းမြစ်များ

JENESIS 16:13

Ka te ka la khot ïa ka kyrteng U Trai uba la kren ha ka, “Ma me, A Blei, me ïohi ïa nga”: naba ka la ong, “Shisha te nga dang ïohi hangne ruh ïa uta ynda u la paw ha nga?”

JENESIS 18:18

Naba u Abraham shisha un man long ka jaid bynriew ka bakhraw bad ka badonbor, bad ha u yn kyrkhu ïa ki jaid bynriew baroh jong ka pyrthei.

JENESIS 31:54

Ynda kumta, u Jakob u la pynïap doh halor uta u lum, bad u la khot ïa la ki para shynrang ïa ka ban ïabam ïa kata ka jingbam: bad kumta ki la ïabam bad ki la ïasah baroh shi miet ha uta u lum.

1 SYIEM 21:8

Kumta, ka la thoh shithi ha ka kyrteng u Ahab, bad ka la pyndait laha ïa ki da ka muhor jong u, bad ka la phah ïa kita ki shithi ha ki rangbah bad ha ki myntri kiba ha ka shnong jong u, kiba la shong bad u Naboth.

2 KHRONIKL 23:20

Bad u la shim ïa ki rangbah shispah, bad ïa ki bakhraw batri, bad ïa ki nongsynshar jong u paidbah, bad ïa ki briew baroh jong kata ka ri, bad ki la wallam arsut ïa u syiem na ka ïing U Trai: bad ki la wan lyngba ka khyrdop ba haneng sha ka ïing u syiem, bad ki la buh ïa u syiem halor ka khet jong ka hima.

NEHEMAÏAH 2:16

Te ki nongsynshar kim shym tip shaei nga la leit, lane kaei nga la leh; lymne ngam pat shym la ïathuh ïa kane ha ki Jiw, lymne ha ki lyngdoh, lymne ha ki bakhraw batri, lymne ha ki nongsynshar, lymne ha kita kiwei kiba trei ïa ka kam.

SALM 139:5

Me la ker ïa nga na shadien bad shakhmat, bad me la buh ïa la ka kti halor jong nga.

EKSODOS 18:12

Te u Jethro, u kthaw kurim u Moses, u la shim ïa ka jingainguh thang bad ïa ki jingkñia ainguh ïa U Blei: bad u Aaron u la wan lem bad ki tymmen basan ki Israel baroh, ïa ka ban bam kpu lem bad u kthaw kurim u Moses ha khmat U Blei.

EKSODOS 19:21

Bad U Trai u la ong ha u Moses, “To leit hiar, to hukum skhem ïa ki briew, ba ïoh kin tur lyngba ha U Trai ban khmih shaiñ, bad ba ïoh bun na ki kin ïap noh.

EKSODOS 24:1

Te u la ong ha u Moses, “To wan kiew sha U Trai, ma me, bad u Aaron, bad u Nadab, bad u Abihu, bad ki hynñiewphew ki tymmen basan jong ki Israel; bad to mane phi na sha jngai.

EKLESIASTIS 9:7

To khie me, bam la u kpu da kaba kmen, bad dih la ka Waiñ da ka dohnud basngewkmen; namar U Blei u la pdiang lypa ïa ki kam jong me.

JEREMAÏAH 14:3

Bad ki bakhraw batri jong ki, ki phah ïa la ki khun rit sha ki um: ki wan sha ki thliew um, te kim shem um; ki leit phai noh bad la ki khiew suda: ki lehrain bad ki sngewlyngngoh, ki tap ïa la ki khlieh.

DANIEL 10:17

Namar kumno u shakri une u kynrad jong nga u lah ban kren bad une u kynrad jong nga? namar nga hi, ka bor kam don shuh ha nga, lymne kam sah mynsiem ha nga.”

JINGKHEIÑ 12:8

Ha u ngan kren markhmat, da kaba paw shynna ym ha ka pharshi; bad ha ka dur un ïoh khmih ïa U Trai: namar kata, balei phim shym la sheptieng ïa ka ban kren pyrshah ïa u shakri jong nga, ïa u Moses keiñ?”

JINGKHEIÑ 21:18

Ki syiem ki la ïatih ïa kata ka pukri, ki rangbah jong u paidbah ki la ïatih ïa ka, lem bad uta u nongai hukum da ki diengduh jong ki.” Te na kata ka ri khlaw ki la ïaleit sha Mattanah:

DEUTERONOMI 12:7

Hangta ruh, phin ïabam ha khmat U Trai uba U Blei jong phi, bad phin ïalehkmen ha kiei kiei baroh kiba phin ktah da la ka kti, ma phi bad ki ba-ha-ïing jong phi, ha kiba U Trai uba U Blei jong me u la kyrkhu ïa me.

DEUTERONOMI 4:33

Ki briew ki la ju ïohsngew ne em ïa ka jingsawa U Blei ba kren napdeng ka ding, kumba me la ïohsngew, bad ki im?

NONGBISHAR 13:22

Bad u Manoah u la ong ha la ka tnga, “Ngin ïap shisha, namar ngi la ïohi ïa U Blei.”

NONGBISHAR 5:13

Kumta, la wan hiar kiba dang sah na ki rangbah bad u paidbah; U Trai u la wan hiar na ka bynta jong nga ban ïaleh ïa ki bakhrawbor.