EKSODOS 24:10 - KA BAIBL

¹⁰ bad ki la ïohi ïa U Blei ki Israel; te la don hapoh ki sla'jat jong u kumba la siang da u maw Sapphir, bad kum ka met jong ki bneng ha ka jingphyrnai.

Khasi CL Bible (BSI)

¹⁰ bad ki ïohi ïa U Blei ki Israel. Hapoh ki sla'jat jong u, la don kaei kaba i kum ka jingsiang da u mawkordor Sapphir, kaba jngum kum ka suiñbneng.

EKSODOS 24:10 ပူးပေါင်းရင်းမြစ်များ

JENESIS 32:30

Bad u Jakob u la khot kyrteng ïa kata ka jaka “ ‘ka Peniel’: naba nga la ïohi ïa U Blei markhmat, bad ïa ka mynsiem jong nga la pyllait im putet.”

JENESIS 32:31

Te katta, ka sngi ka la lah mih halor jong u mynba u dang ïaid lait noh ïa ka Peniel, bad u la dkoh na ka skhep jong u.

1 SYIEM 22:19

U te u la ong, “Namar kata, to sngew ïa ka ktien U Trai: nga la ïohi ïa U Trai ba u shong halor ka khet jong u, bad u paidbah bneng baroh u ïeng hajan jong u sha ka kti kamon jong u bad sha kadiang.

2 KHRONIKL 6:17

Te namar kata, A Trai, U Blei ki Israel, ai ba yn pynshisha ïa ka ktien jong me ïa kaba me la kren ha u Dabid u shakri jong me.

EKSODOS 24:11

Te halor kita ki bakhraw batri jong ki khun Israel um shym la buh ïa la ka kti: hynrei, ki la ïohi keiñ ïa U Blei, te ki la ïabam ki la ïadih.

EKSODOS 3:6

U la ong ruh, “Nga long ma nga U Blei u kpa jong me, U Blei u Abraham, U Blei u Isaak, bad U Blei u Jakob de.” Bad u Moses u la buhrieh ïa la ka khmat; naba u la sheptieng ban khmih ha U Blei.

EKSODOS 33:20

U la ong ruh, “Mem lah ban ïohi ïa ka khmat jong nga: naba u briew um lah keiñ ban ïohi ïa nga bad ba un im.”

EKSODOS 33:23

ynda kumta, ngan weng noh ïa ka kti jong nga, te men ïohi ïa ka ingdong jong nga: hynrei, ïa ka khmat jong nga, yn ym ïohi keiñ.”

JINGRWAI SOLOMON 5:14

Ki kti jong u ki long kum ki kyrwoh ksiar ba la pyndait Beryl; ka met jong u ka long kum ka jingthaw bniat hati ba la dap da u Sapheiros.

JINGRWAI SOLOMON 6:10

Kaei kane kaba i kum ka step, kaba i bha kum u bnai, kaba shai kum ka sngi, kaba ishyrkhei kum u paidïapom ba rah lama.

SNGEWSYNEI 4:7

Ki bakhraw batri jong ka ki la kham khuid ban ïa ka ïor, ki la kham lieh ïa ka dud, ki la kham saw ka met ban ïa ki maw Rubi, ka jingpynphyrnai jong ki ka la long kum ka jong u maw Sapphir:

ESEKIEL 1:1

Te ha ka balaiphew ka snem, ha u bnai u basaw, ha ka basan tarik u bnai, katba nga la long hapdeng ki mraw hajan ka wah Khebar, la plie ïa ki bneng, bad nga la ïohi ïa ki jingithuhpaw U Blei.

ESEKIEL 10:1

Ynda kumta, nga la khmih, bad ha khmih, ha kata ka sahit bneng kaba halor kita ki Kherub, la paw halor jong ki kaba kum u maw Sapphir, ka jing-i kum ka dur ka khet.

DANIEL 10:17

Namar kumno u shakri une u kynrad jong nga u lah ban kren bad une u kynrad jong nga? namar nga hi, ka bor kam don shuh ha nga, lymne kam sah mynsiem ha nga.”

JINGKHEIÑ 12:8

Ha u ngan kren markhmat, da kaba paw shynna ym ha ka pharshi; bad ha ka dur un ïoh khmih ïa U Trai: namar kata, balei phim shym la sheptieng ïa ka ban kren pyrshah ïa u shakri jong nga, ïa u Moses keiñ?”

MATHAÏOS 17:2

bad la pynkylla dur ïa u ha khmat jong ki; ka khmat jong u te ka la tyngshaiñ kum ka sngi, bad ki jaiñ jong u ki la long lieh kum ka jingshai.

ÏOANNIS 1:18

Ym don mano mano ruh ba la ïohi ïa U Blei mynno mynno ruh; uta U Khun ba la kha marwei, uba long ha ka shadem U Kpa, u hi u la pynpaw ïa u.

ÏOANNIS 14:9

U Jisu u ïathuh ha u, “Nga la long slem katta katta bad phi, bad mem pat la ithuh ïa nga, ko Philip? jar uba la ïohi ïa nga, u la ïohi ïa uta U Kpa; kumno ba me ong ma me te, ‘To pyni ïa uta U Kpa ha ngi?’

ÏOANNIS 6:46

Ym namar ba uno uno ruh u la ïohi ïa U Kpa, hynrei, tang uta uba long na U Blei, uta keiñ u la ïohi ïa U Kpa.

1 TIMOTHI 6:16

uba tang ma u hi uba don ka jingbymïap, uba shong ha ka jingshai bym lah kot; ïa uba ym don briew uba la ïohi, lane ba lah ban ïohi; ha uba to long ka burom bad ka borbah bymjukut: Amen.

1 ÏOANNIS 4:12

Ym don uba la ïohi ïa U Blei mynno mynno ruh; lada ngi ïa-ieit paralok hi, U Blei u ïaisah ha ngi, bad ïa kata ka jingieit jong u la pynjanai noh ha ngi.

JINGPYNPAW 1:16

Bad u la don ha ka kti kamon jong u hynñiew ki khlur; bad na ka shyntur jong u, ka da mih noh ka waitlam ba ar liang syrti banep; bad ka khmat jong u, ka la long kum haba ka sngi ka tyngshaiñ ha ka borbah jong ka.

JINGPYNPAW 21:11

ka da don ka burom U Blei: ka jingshai jong ka, kaba kum u maw bakordor tam, kum u maw Jasper basngur eh, kum u Mawleiñ:

JINGPYNPAW 4:3

Te uta uba shong u la long haba khmih kum u maw Jasper bad u Sardios: bad la don u simpyllieng baroh sawdong kata ka khet, uba kum u maw Emerald haba peit ïa u.