EKSODOS 23:7 - KA BAIBL

⁷ To men kiar jngai na ka kam ka bashukor; lymne wat pynïap ïa uba lui lui bad u bahok: naba nga ngan ym pynksan ïa u bymman.

Khasi CL Bible (BSI)

⁷ Wat ai ki jingkynnoh kiba lamler, bad wat pynïap ïa uba lui lui, namar ngan pynrem ïa uno uno uba leh kum kata ka kam bymman.

EKSODOS 23:7 ပူးပေါင်းရင်းမြစ်များ

JENESIS 18:23

Bad u Abraham u la kham kynshur hajan, u da ong, “Hato men pynjot noh ïa u bahok ruh lem bad u bymhok?

Ka Kitab U Job 22:23

Lada me phai noh sha U Badonbor Baroh yn sa tei pat ïa me; lada me pynkynriah sha jngai na ka ïingjaiñ jong me ïa ka jingbymhok.

SALM 119:29

To pynkynriah noh na nga ïa ka lynti ka jinglamler: bad to ai sngewbha ha nga ïa ka aiñ jong me.

SALM 94:21

Ki ïalum lang pyrshah ïa ka mynsiem jong u bahok, bad ki ïa-pynrem ïa ka snam balui lui.

EKSODOS 20:13

“Men ym pynïap.

EKSODOS 20:16

“Men ym sakhi lamler ïa u paramarjan jong me.

EKSODOS 23:1

“Wat pynmih ïa ka jingbna balamler: wat ïasoh lem bad ki bymman ban long u nongsakhi bymhok.

EKSODOS 34:7

uba bat ka jingisynei ïa ki hajar, uba map ïa ka jingpalat, bad ïa ka jingryngkang, bad ïa ka pop: bad un ym pynksan da lei lei ïa u bymman; uba pynwan ïa ka jingpalat jong ki kpa ha ki khun, bad ha ki khun jong ki khun, haduh ka balai bad ka basaw pateng bynriew.”

PROBERB 11:21

La ki ïabat para kti, u bymman un ym lait na ka jingpynshitom: hynrei, ïa u symbai jong u bahok, yn pyllait.

PROBERB 17:15

Uba pynksan ïa u bymman, bad uta uba pynrem ïa u bahok, baroh ar ngut kumjuh, ki long ka jingijli ha U Trai.

ISAÏAH 33:15

Uta uba ïaid hok, bad uba kren beit; uta uba isih ïa ka jingïoh myntoi ka jingshukor, uba kynther ïa la ki kti na ka ban bam tyngka, uba set khop ïa la ki shkor na ka jingbna ïa ka snam, bad uba khapbrip ïa la ki khmat na kaba khmih ïa ka basniew;

ISAÏAH 5:20

Kordit ïa kita kiba khot ka babha ïa ka basniew, bad ka basniew ïa ka babha; kiba buh ka ba-dum ïa ka bashai, bad ka bashai ïa ka ba-dum; kiba buh kaba kthang ïa kaba thiang, bad kaba thiang ïa kaba kthang.

LEBITIKOS 19:11

“ ‘Phin ym tuh; lymne leh buit shukor, lymne ïalamler paralok hi.

LEBITIKOS 19:16

Wat ïaid me kum u nongkrensiar hapdeng u paidbah jong me: lymne ïeng pyrshah ïa ka snam jong u paramarjan jong me: Nga long U Trai keiñ.

NAHUM 1:3

U Trai u long uba tud ban bitar, bad uba khraw ka bor, bad un ym pynksan ïa u bymman da lei lei: U Trai u don la ka lynti ha ka lyer langthari bad ha ka 'erïong, bad ki lyoh ki long ka 'dewmet ki sla'jat jong u.

LOUKAS 3:14

Ki shipai ruh ki la kylli de ïa u, ki da ong, “Ngi pat ngi dei ban leh aïu?” U la ong ruh ha ki, “Wat leh jubor ïano ïano ruh, lymne wat shim klop ei ei; to sngewhun ruh bad la ka bainong.”

Ka Shithi U Paul Sha Ki Nong Rom 1:18

Namar ïa ka jingbitar U Blei la pynpaw na bneng pyrshah ïa ka jingbymriewblei bad ïa ka jingbymhok baroh phar ki jong ki briew, kiba pynpep keiñ ïa ka jingshisha da ka jingbymhok jong ki.

EPHESOS 4:25

Naba kumta, da kaba buh noh ïa ka jinglamler, to kren ïa kaba shisha uwei pa uwei bad la u paramarjan; naba ngi ïalong ki dkhot jong ki paralok.

DEUTERONOMI 25:1

“Lada mih ka jingïakajia hapdeng ki briew, bad ba kin ïawan sha ka jingbishar, ba ki nongbishar kin ïabishar ïa ki; te kin ïa-pynksan ïa u bahok, bad kin ïa-pynrem ïa u bymman;

DEUTERONOMI 27:25

“ ‘Ka jingtim ïa uta uba bamsap ïa ka ban pynïap ïa u briew balui lui.’ Bad uta u paidlang baroh kin ïa-ong, ‘Amen.’

1 THESSALONI 5:22

To phin kyndiah noh na ka kynja ka basniew baroh.