EKSODOS 23:31 - KA BAIBL

³¹ Ïa ki pud jong me te ngan buh, naduh ka Duriaw Basaw haduh ka duriaw ki Philistia, bad naduh ka ri khlaw haduh kata ka wah: namar ngan aiti ïa ki trai-shnong jong kata ka ri ha ka kti jong phi; te men beh noh ïa ki na khmat jong phi.

Khasi CL Bible (BSI)

³¹ Ngan pynïar ïa ki pud jong ka ri jong phi naduh ka khmut duriaw Akaba haduh ka duriaw Mediterranian bad naduh ka ri shyiap haduh ka wah Ïuphratis. Ngan ai ha phi ka bor halor ki nongshong shnong jong kata ka ri, bad phin beh noh ïa ki katba phi nang tur sha khmat.

EKSODOS 23:31 ပူးပေါင်းရင်းမြစ်များ

JENESIS 15:18

Ha kata ka sngi, U Trai u la teh ka jutang bad u Abram, u da ong, “Ha u symbai jong me nga la ai ïa kane ka ri, naduh ka wah ka ri Ijipt haduh ka wah bah, kaba ka wah Ïuphratis:

1 SYIEM 11:2

na kita ki jaid bynriew shaphang kiba U Trai u la ong ha ki khun Israel, “Phin ym leit hapdeng jong ki, lymne kin ym wan hapdeng jong phi: naba shisha kin pynphai noh ïa ki dohnud jong phi sha ki blei jong ki”: ha kine, u Solomon u la snoh ka jingieit.

1 SYIEM 20:13

Te ha khmih, uwei u nongïathuhlypa u la wan ha u Ahab u syiem ki Israel, bad u la ong, “Kumne ong U Trai, ‘Me la ïohi ïa une u paidbah babun baroh? ha khmih, ngan ai noh ïa u ha ka kti jong me ha kane ka sngi; bad men sa tip ba ma nga, nga long U Trai.’ ”

1 SYIEM 4:21

Te u Solomon u la synshar halor ki hima baroh naduh kata ka Wah haduh ka ri ki Philistia, bad haduh ka pud ka ri Ijipt: ki la wallam ki jingnguh syiem, bad ki la shakri ïa u Solomon ha ki sngi ka rta jong u baroh.

1 SYIEM 4:24

Namar u la synshar halor ka ri baroh shaphang shane kata ka Wah, naduh Tiphsah haduh Gasa, halor ki syiem baroh shaphang shane jong kata ka Wah. Bad u la suk ha ki phang baroh sawdong jong u.

1 SYIEM 8:65

Kumta, u Solomon ha kata ka por, u la pynlong ïa kata ka jingkhawai ha khmat U Trai U Blei jong ngi, bad ki Israel baroh lem bad u, u paidbah babun byllien, na kaba bsut sha Hamath haduh ka wah Ijipt, hynñiew sngi bad hynñiew sngi, khatsaw sngi keiñ.

2 KHRONIKL 9:26

Te u la synshar halor ki syiem baroh naduh ka Wah jin haduh ka ri ki Philistia, bad haduh rud Ijipt.

SALM 72:8

Un ïoh ka jingsynshar ruh naduh ka duriaw haduh ka duriaw, bad naduh ka Wah haduh ki bakut ka khyndew.

JINGKHEIÑ 21:34

Bad U Trai u la ong ha u Moses, “To wat sheptieng ïa u: naba ha ka kti jong me nga la aiti ïa u, bad ïa ki briew jong u baroh, bad ïa ka khyndew jong u; te men leh ïa u kumba me la leh ïa u Sihon u syiem ki Amor, uba la shong sah ha Heshbon.”

JINGKHEIÑ 34:2

“To hukum ïa ki khun Israel, to ong ruh ha ki, ‘Ynda phi la poi ha ka ri Kanaan, (kane, ka long kata ka ri ka ban sa hap ha phi ïa ka ban long ka bynta pateng, kata ka long keiñ, ka ri Kanaan, bad ki rud jong ka,)

DEUTERONOMI 1:7

to phai phi, to nang ïaid ruh, bad to leit sha u lum ki Amor, bad sha ki jaka baroh kiba marjan ïa u, ha kata ka madan, ha kita ki lum, bad ha kata ka them, bad shaphang shathie ruh, bad sharud ka duriaw, sha ka ri ki Kanaan, bad sha u Lebanon, sha kata ka wah ka bakhraw, ka wah Ïuphratis keiñ.

DEUTERONOMI 1:8

Ha khmih, nga la ai ïa kata ka ri ha khmat jong phi: to leit, to shimti ruh ïa kata ka ri ïa kaba U Trai u la smai ha ki kpa jong phi, ha u Abraham, ha u Isaak, bad ha u Jakob de, ban ai ha ki, bad ha ki symbai jong ki hadien jong ki.’

DEUTERONOMI 11:24

Ka jaka baroh ha kaba kin ïuh ki poh'jat jong phi kan long ka jong phi: naduh ka ri khlaw, bad u Lebanon, naduh kata ka wah, ka wah Ïuphratis keiñ, haduh ka bakut tam eh ka duriaw, kan long ki pud jong phi keiñ.

DEUTERONOMI 2:33

Bad U Trai uba U Blei jong ngi te u la aiti ïa u ha khmat jong ngi; bad ngi la ïashoh ïap ïa u, bad ïa ki khun shynrang jong u, bad ïa u paidbah jong u baroh de.

DEUTERONOMI 2:36

Naduh Aroer, kaba harud ka wah Arnon, bad naduh kata ka nongbah kaba harud kata ka wah, haduh Gilead, ym don kawei ka nongbah kaba la ïohlait na ngi: U Trai uba U Blei jong ngi, u la aiti ïa ki baroh ha ngi:

DEUTERONOMI 20:16

Hynrei, na ki nongbah kine ki briew, kiba U Trai uba U Blei jong me u ai ha me ban long ka jingïoh pateng, men ym pynsah im ei ei ruh em ba pynhiar mynsiem:

DEUTERONOMI 3:2

Te U Trai u la ong ha nga, ‘To wat sheptieng ïa u: naba ha ka kti jong me ngan aiti ïa u, bad ïa u paidbah jong u baroh, bad ïa ka ri jong u ruh; te men leh ïa u kumba me la leh ha u Sihon u syiem ki Amor, uba la shong sah ha Heshbon.’

DEUTERONOMI 6:19

da kaba beh noh ïa ki nongshun jong me baroh na khmat jong me, kumba U Trai u la kren.

DEUTERONOMI 9:3

To sngewthuh namar kata ha kane ka sngi, ba U Trai uba U Blei jong me u long uba ïaid sha shiliang ha shuwa jong me kum ka ding babam duh; un pynjot noh ïa ki, bad un pynkyllon ruh ïa ki ha khmat jong me; kumta keiñ, men beh noh ïa ki, bad men pynjot noh shen ïa ki, kumba U Trai u la ong ha me.

JOSHUA 1:4

Naduh ka ri khlaw, bad une u Lebanon, jin haduh ka wah bah, ka wah Ïuphratis keiñ, ka ri ki Hit baroh, haduh ka duriaw bah shaphang sepngi, kan long ka pud jong phi.

JOSHUA 10:19

ma phi te wat sangeh; beh ïa la ki nongshun, pynïap ruh ïa ki bakhatduh na ki; wat shah ba kin rung ha ki shnong jong ki: namar U Trai U Blei jong phi u la ai noh ïa ki ha ka kti jong phi.”

JOSHUA 10:8

Bad U Trai u la ong ha u Joshua, “Wat sheptieng ïa ki: namar nga la ai noh ïa ki ha ka kti jong me; ym don uwei na ki u ban ïeng ha khmat jong me.”

JOSHUA 13:6

kiba shong ha ri lum baroh naduh Lebanon haduh Misrephoth-maim, ki Sidon baroh keiñ: ïa kita, ngan beh na khmat ki khun Israel: tang ba men ïasam ïa ka da ka jingkhalai ha ki Israel ban long ka ri kynti, kumba nga la hukum ïa me.

JOSHUA 2:24

Bad ki la ong ha u Joshua, “Da shisha U Trai u la ai ha ki kti jong ngi ïa kata ka ri baroh; namar ki trai-shnong baroh ruh ha kata ka ri kim don mynsiem shuh ïa ngi.”

JOSHUA 21:44

Bad U Trai u la ai ha ki ka jingshongthait baroh sawdong, kat kumba u la smai baroh ha ki kpa jong ki: bad ym shym don uwei u briew na ki nongshun jong ki baroh uba la ïeng ha khmat jong ki; U Trai u la ai noh ïa ki nongshun jong ki baroh ha ka kti jong ki.

JOSHUA 23:14

“Ha khmih ruh, ha kane ka sngi nga leit ha ka lynti ka pyrthei baroh: bad phi ruh phi tip ha la ka dohnud baroh bad ha la ki mynsiem baroh, ba ym shym duh kawei na kita kiei kiei ki babha baroh ba U Trai U Blei jong phi u la kren shaphang jong phi; ki la jia long baroh ha phi, bad kam shym duh kawei na ki.

JOSHUA 24:11

Bad phi la leit sha shiliang ka Jordan, bad phi la wan ha Jerikho: te ki nong Jerikho ki la ïaleh ïa phi, ki Amor, bad ki Peris, bad ki Kanaan, bad ki Hit, bad ki Girgash, bad ki Hib, bad ki Jebus; bad nga la ai noh ïa ki ha ka kti jong phi.

JOSHUA 24:12

Bad nga la phah ïa u kyieng ha shuwa jong phi, uba la beh noh ïa ki na shuwa jong phi, ïa ki ar ngut ki syiem ki Amor keiñ: ym da ka waitlam jong me, lymne da ka ryntieh jong me.

JOSHUA 24:18

bad U Trai u la beh noh na khmat jong ngi ïa ki briew baroh, ïa ki Amor keiñ kiba shong ha kata ka ri: namar kata, ngi ruh ngin shakri ïa U Trai; namar u long U Blei jong ngi.”

JOSHUA 24:8

Bad nga la wallam ïa phi ha ka ri ki Amor, kiba shong sha shiliang ka Jordan; bad ki la ïaleh ïa phi: bad nga la ai ïa ki ha ka kti jong phi, bad phi la ïoh ïa ka ri jong ki; bad nga la pynduh ïa ki ha khmat jong phi.

JOSHUA 8:18

Bad U Trai u la ong ha u Joshua, “Rah ïa uta u sum uba ha ka kti jong me shaphang Ai; namar ngan ai ïa ka ha ka kti jong me.” Te u Joshua u la rah joit ïa uta u sum ba u la don ha la ka kti shaphang kata ka shnong.

JOSHUA 8:7

ynda kumta, phin mih na kaba thap, bad phin jop ïa ka shnong; naba U Trai U Blei jong phi un aiti ïa ka ha ka kti jong phi.

JOSHUA 9:7

Te u paidbah Israel u la ong ha ki Hib, “Lehse phi shong hapdeng jong ngi: namar kata, ngin ïateh jutang kumno bad phi?”

NONGBISHAR 1:4

Bad u Judah u la leit kiew; bad U Trai u la aiti ïa ki Kanaan bad ïa ki Peris ha ka kti jong ki: bad ki la pynïap na ki ha Besek shiphew hajar ki rangbah.

NONGBISHAR 11:21

Bad U Trai, U Blei ki Israel, u la ai noh ïa u Sihon bad ki briew jong u baroh ha ka kti ki Israel, bad ki la jop ïa ki: kumta, ki Israel ki la ïoh kynti ïa ka ri ki Amor baroh, kiba long ki trai-shnong kata ka ri.

1 SAMUEL 23:4

Ynda kumta, u Dabid u la kylli pat na U Trai. Bad U Trai u la ïathuh ha u bad u la ong, “To ïeng, to leit hiar sha Keilah; namar ngan sa aiti ïa ki Philistia ha ka kti jong me.”