EKSODOS 23:24 - KA BAIBL

²⁴ Men ym dem ha ki blei jong ki, lymne shakri ïa ki, lymne leh katba kum ki kam jong ki: hynrei, men pynduh khoit ïa ki, bad lympat ïa ki durblei jong ki lyngkhot lyngkhai.

Khasi CL Bible (BSI)

²⁴ Wat nguh wat dem ha ki blei jong ki, lane mane ïa ki, bad wat bud ïa ki rukom lehniam jong ki. Pynjot ïa ki blei jong ki, bad pynpra lyngkhot lyngkhai ïa ki païa mawkyntang jong ki.

EKSODOS 23:24 ပူးပေါင်းရင်းမြစ်များ

2 SYIEM 17:11

hangta te ki la thang ïa ka jingiwbih ha ki jaka bajrong baroh, kumba la leh kita ki jaid bynriew ïa kiba U Trai u la rong noh ha shuwa jong ki; bad ki la leh ïa kita ki bymman ban pankwah ïa U Trai ban bitar:

2 SYIEM 17:8

bad ki la ïaid ha ki hukum kita ki jaid bynriew, ïa kiba U Trai u la beh noh na khmat ki khun Israel, bad ki jong ki syiem ki Israel, kiba ki la pynlong.

2 SYIEM 18:4

U la pynduh noh ïa ki jaka bajrong, bad u la pynkyllon ïa ki païa, bad u la khet noh ïa ki Asherah: bad u la pynkheiñ noh lyngkhot lyngkhai ïa uta u 'seiñ rnong ba u Moses u la lah thaw; naba haduh kita ki sngi, ki khun Israel ki la thang jingiwbih ïa u: bad la khot ïa u, “u Nehushtan”.

2 SYIEM 3:2

Bad u la leh ïa kata ka basniew ha khmat U Trai; hynrei, ym kum u kpa jong u, bad kum ka kmie jong u: namar u la pynduh noh ïa ka dur u Baal kaba u kpa jong u, u la thaw.

2 KHRONIKL 14:2

Bad u Asa u la leh ïa kata ka babha bad kaba dei ha khmat U Trai U Blei jong u:

2 KHRONIKL 25:14

Te hadien ba u Amasaïah u la wan phai na kaba pynïap ïa ki nong Edom, u la wallam ïa ki blei jong ki khun Seir, bad u la pynïeng ïa ki ban long ki blei jong u, bad u la dem ha khmat jong ki, bad u la thang jingiwbih ha ki.

2 KHRONIKL 33:2

Bad u la leh ïa kata ka basniew ha khmat U Trai, katba kum ki jingijli ki nongmane bleithaw, ïa kiba U Trai u la beh noh ha khmat ki khun Israel.

2 KHRONIKL 33:9

Te u Manasseh u la pynbakla ïa ki Judah bad ïa kiba shong ha Jerusalem, kumta ba ki la kham leh bymman ban ïa kaba la leh ki jaid bynriew, ïa kiba U Trai u la pynjot ha khmat ki khun Israel.

SALM 101:3

Ngan ym buh ei ei kaba thala ha khmat ki khmat jong nga: nga isih ïa ka jingleh jong kita kiba kynriang; kan ym ïoh snoh ha nga.

EKSODOS 20:3

“Men ym ïoh kiwei kiwei ki blei nalor jong nga.

EKSODOS 20:5

men ym dem ïa ki, lymne shakri ïa ki: naba nga U Trai uba U Blei jong me nga long U Blei u bathut shen, uba pynwan ïa ka jingpalat ki kpa ha ki khun, haduh ka balai bad ka basaw pateng bynriew jong kiba isih ïa nga;

EKSODOS 23:13

Bad ha kiei kiei baroh ba nga la ong ha phi phin sumar biang: wat kynmaw ïa ka kyrteng kiwei ki blei, lymne wat ai ban ïohsngew ïa ka na ka shyntur jong me.

EKSODOS 23:32

Men ym pynlong ïa ka jutang bad ki, lymne bad ki blei jong ki.

EKSODOS 23:33

Wat shah ba kin ïashong sah ha ka ri jong me, ïoh ba kin ïalam ïa me ban leh pop ïa nga: namar lada men shakri ïa ki blei jong ki, da shisha kata kan long ka jingriam ïa me.”

EKSODOS 32:20

Bad u Moses u la shim ïa uta u khun masi ïa uba ki la thaw, bad u la saiñ ïa u ha ka ding, bad u la pynlwet jin ïa u, bad u la ber ïa ka ruh halor ka um, bad u la pyndih ïa ki khun Israel na ka.

ESEKIEL 16:47

Hynrei, pham shym la ïaid ha ki lynti jong ki, lymne leh kat kum ki jingijli jong ki; hynrei, kumba kata ka dang long tang kaba rit eh, pha la long kham sniew shibun ban ïa ki ha ki lynti jong pha baroh.

HOSIA 10:2

Ka dohnud jong ki ka la ar liang: mynta yn pynrem ïa ki: un pynkyllon ïa ki duwan jong ki, un lute ïa ki mawblei jong ki.

LEBITIKOS 18:3

Wat leh katba kum ki jingleh ka ri Ijipt, ha kaba phi la ju shong: lymne wat leh katba kum ki jingleh ka ri Kanaan, sha kaba nga ïalam ïa phi: lymne wat ïaid katba kum ki niam ki rukom jong ki.

LEBITIKOS 26:1

“Wat thaw ki bleithaw ïa phi, lymne ka durblei ba la saiñ, lymne pynïeng ïa kano kano ka dur bynriew, bad phin ym buh ha ka ri jong phi ïa kano kano ka dur ba la thaw ha u maw, ïa ka ban dem ha khmat jong ka: naba nga long U Trai U Blei jong phi.

JINGKHEIÑ 25:2

Ki ruh ki la khot ïa uta u paidbah ha ki jingkñia ainguh ïa ki blei jong ki; te uta u paidbah u la bam, bad u la dem ha ki blei jong ki.

JINGKHEIÑ 33:52

te phin ïabeh noh ïa ki trai-shnong jong ka ri baroh ha shuwa jong phi, te phin ïa-pynjot noh ruh ïa ki dur baroh jong ki, bad ïa ki bleithaw ba la saiñ jong ki baroh ruh phin pynjot noh, bad phin ïa-pynduh noh khoit ïa kiei kiei ha ki jaka lum jong ki baroh:

DEUTERONOMI 12:3

to phin pynpra ïa ki duwan jong ki, bad phin ïa-pynkheiñ ïa ki mawblei jong ki, bad phin ïathang ïa ki 'law kyntang jong ki da ka ding; bad phin ïa-pynkyllon ïa ki bleithaw ba la mutdur jong ki; bad phin ïa-pynduh noh ïa ki kyrteng jong ki na kata ka jaka.

DEUTERONOMI 7:5

Hynrei, kumne phin leh bad ki: phin ïa-pynkyllon ïa ki duwan jong ki, bad phin ïa-pynkheiñ lyngkhot lyngkhot ïa ki durblei jong ki, bad phin ïakhet noh ïa ki 'law kyntang jong ki, bad phin ïathang ruh ïa ki durblei ba la mut jong ki da ka ding.