EKSODOS 23:23 - KA BAIBL

²³ “Naba u angel jong nga un ïaid ha shuwa jong me, bad un ïalam ïa me shapoh sha ki Amor, bad ki Hit, bad ki Peris, bad ki Kanaan, bad ki Hib, bad ki Jebus de: bad ngan pynjot noh ïa ki.

Khasi CL Bible (BSI)

²³ U angel jong nga un leit ha shuwa jong phi bad un ïalam ïa phi sha ka ri jong ki Amor, ki Hit, ki Peris, ki Kanaan, ki Hib, bad ki Jebus; bad ngan pynjot ïa ki.

EKSODOS 23:23 ပူးပေါင်းရင်းမြစ်များ

JENESIS 24:7

U Trai uba U Blei jong ka bneng uba la shim noh ïa nga na ka ïing u kpa jong nga, bad na ka ri ki kur jong nga, bad uba la ïakren bad nga, bad uba la smai ruh ha nga, u da ong, ‘Ha u symbai jong me ngan ai duh ïa kane ka khyndew;’ un phah ïa la u angel ha shuwa jong me, bad me ruh men shim ka tnga ïa u khun jong nga nangtai keiñ.

JENESIS 34:2

Bad haba u Shekhem u khun u Hamor u kynja Hib, u syiem jong kata ka ri, u la ïohi ïa ka, u la shim ïa ka bad u la thiah lem bad ka, bad u la pynkheiñ burom ïa ka.

EKSODOS 18:8

Te u Moses u la ïathuh naduh haduh ha la u kthaw kurim ïa kaba U Trai u la leh ha u Pharaoh bad ha ki Ijipt na ka bynta ki Israel, bad ïa ka jingjynjar baroh kaba la jia ha kata ka lynti, bad kumno ba U Trai u la pyllait noh ïa ki.

EKSODOS 23:20

“Ha khmih, nga phah ïa u angel ha shuwa jong me, ban sumar ïa me ha lynti, bad ban wallam ïa me sha kata ka jaka ïa kaba nga la khreh.

EKSODOS 3:17

nga la ong ruh, Ngan ïalam noh artet ïa phi na ka jingshitom ka ri Ijipt sha ka ri ki Kanaan, bad ki Hit, bad ki Amor, bad ki Peris, bad ki Hib, bad ki Jebus ruh de, sha ka ri kaba tuid da ka dud bad ka ngap.” ’

EKSODOS 32:2

Te u Aaron u la ong ha ki, “To law noh ïa ki jingdeng ksiar kiba ha ki shkor ki tnga jong phi, bad ïa ki jong ki khun shynrang jong phi, bad ïa ki jong ki khun kynthei jong phi, bad to wallam ïa ki ha nga.”

ISAÏAH 5:13

Namar kata, u paidlang jong nga u leit sha ka jinglongmraw, naba ym don ka jingtip; bad ki briew ba-donburom jong u ki la thngan tyrsaw, bad u paidbah jong u, u la tyrkhong da ka jingsliang.

DEUTERONOMI 9:3

To sngewthuh namar kata ha kane ka sngi, ba U Trai uba U Blei jong me u long uba ïaid sha shiliang ha shuwa jong me kum ka ding babam duh; un pynjot noh ïa ki, bad un pynkyllon ruh ïa ki ha khmat jong me; kumta keiñ, men beh noh ïa ki, bad men pynjot noh shen ïa ki, kumba U Trai u la ong ha me.

JOSHUA 23:9

Namar U Trai u la beh noh na khmat jong phi ïa ki jaid bynriew bakhraw bad badonbor: hynrei ïa phi, ym shym don uwei u briew uba la ïeng ha khmat jong phi haduh kane ka sngi.

JOSHUA 5:13

Te haba u Joshua u la hajan ka Jerikho, u la khmied ïa la ki khmat bad u la khmih, te, ha khmih, la ïeng u briew ha marpyrshah jong u la ka talwar ba la sei ha ka kti: te u Joshua u la leit sha u, bad u la ong ha u, “Me ha ka liang jong ngi, ne ha ka liang ki nongïaleh ïa ngi?”

JOSHUA 9:1

Ka la jia ruh, haba ki syiem baroh kiba ha kane ka liang ka Jordan, ha ki lum, ha ki them, bad ha ki rud ka duriaw bah marpyrshah u Lebanon, ki Hit keiñ bad ki Amor, ki Kanaan, ki Peris, ki Hib, bad ki Jebus, ki la bna;