EKSODOS 23:2 - KA BAIBL

² Men ym bud ïa u paidbah ïa ka ban leh sniew; lymne wat phai ktien ha ka jingïakajia, da kaba bud ïa kiba bun ban pynsniew ïa ka jingbishar;

Khasi CL Bible (BSI)

² Wat ïabud lang bad kiba bun paid haba ki leh ïa ka bymdei, ne haba ki ai sakhi ban pynkylla khongpong ïa ka jingbishar hok.

EKSODOS 23:2 ပူးပေါင်းရင်းမြစ်များ

JENESIS 19:4

Hynrei haba kim pat ïoh leit thiah, ki briew jong kata ka nongbah, ki briew jong ka shnong Sodom keiñ ki la ïaker kut sawdong ïa kata ka ïing, bad ki samla bad ki tymmen, u paidlang baroh keiñ na ka jaka baroh:

JENESIS 6:12

Te U Blei u la khmih ïa ka pyrthei, bad, ha khmih ruh, ka la pyut sniew; naba ka doh baroh ka la lah pynpyut plak ïa la ka lynti ha ka pyrthei.

JENESIS 7:1

Te U Trai u la ong ha u Noah, “To khie leit ma me bad ka ïing jong me baroh shapoh kata ka ïinglieng; naba ïa me nga la ïohi u bahok ha khmat jong nga ha kane ka pateng bynriew.

1 SYIEM 19:10

U te u la ong, “Nga la sngewskuiñ shikatdei na ka bynta U Trai, U Blei ki paid; naba ki khun Israel ki la lyndet ïa ka jutang jong me, ki la pynkyllon ïa ki duwan jong me, bad ki la pynïap ïa ki nongïathuhlypa jong me da ka waitlam: bad sa tang ma nga hi nga dang sah; bad ki wad ruh ïa ka jingim jong nga, ban shim noh ïa ka.”

Ka Kitab U Job 31:34

namar ba nga la sheptieng ïa u paidbah bakhraw, bad ba ka jingñiewbeiñ ki kur ka la pynkhaw-eit ïa nga, ba kumta nga la sngap jar, khlem da mih noh na la ka jingkhang —

SALM 72:2

Un bishar ïa ki briew jong me ha ka hok, bad ïa ki baduk jong me da ka jingbishar.

PROBERB 1:15

ko khun, me wat ïaid ha ka lynti bad ki; to khang ïa la ka kjat na ka lynti ïaid jong ki:

PROBERB 18:5

Kaba shah shiliang ïa u bymman kam long ka babha, lymne kaba pynbakla ïa u bahok ha ka jingbishar.

PROBERB 4:14

Wat leit sha ka lynti ïaid ki bymman, bad wat ïaid ha ka lynti ki riewsniew.

JEREMAÏAH 37:15

Te ki rangbah ki la bitar ïa u Jeremaïah, bad ki la shoh ïa u, bad ki la set byndi ïa u ha ka ïing u Jonathan u nongthoh; naba ki la pynlong ka ïing byndi ïa kata.

JEREMAÏAH 37:21

Te u Sedekaïah syiem u la hukum, bad ki la set ïa u Jeremaïah ha ka phyllaw jong ki nongap phira, bad ki la ai ïa u man la ka sngi uwei u kpu na Ka Lynti Bah Ki Nongshet Kpu, haduh ba u kpu baroh ha kata ka shnong la lut. Kumne u Jeremaïah u la sah ha ka phyllaw ki nongap phira.

JEREMAÏAH 38:9

“Ko kynrad syiem, kine ki briew ki la leh sniew ha baroh kaba ki la leh ïa u Jeremaïah u nongïathuhlypa ïa uba ki la thep shapoh ka byndi khrum; bad sa ba un sa ïap ha ka jaka kaba u don na ka bynta ka 'nemsniew: naba ym don kpu shuh ha ka shnong.”

ESEKIEL 9:9

Te u la ong ha nga, “Ka jingbymhok ka ïing Israel bad ka ïing Judah ka la khraw eh, bad ka ri ka la dap da ka snam, bad ka shnong ka la dap da ka jingpynbakla ïa ka bishar; namar ki ong, ‘U Trai u la iehnoh noh ïa ka ri bad U Trai um ïohi.’

LEBITIKOS 19:15

“ ‘Wat leh ka bymhok ha ka jingbishar: wat shah shiliang ïa u baduk, lymne burom ïa ka khmat u badonbor: hynrei, men bishar ïa u paramarjan jong me ha ka hok.

HAGGAI 1:4

“Hato ka long ka por ïa phi hi ban shong ha la ki ïing ba la ker lyntang, haba kane ka ïing ka long ka ïingjah?”

MARKOS 15:15

Kumta, u Pilat, ba u da mon ban pynsngewbha ïa uta u paidbah, u la pyllait noh ha ki ïa u Barabbas; te u la ai noh ïa U Jisu, ynda u la sympat ïa U, ban sahnarphna.

LOUKAS 23:51

une um shym la ïakohnguh ïa ka jingsylla bad ïa ka jingleh jong ki; uba na Arimathaïa, ka shnong jong ki Jiw, uba u hi ruh u ju ap kyrmen ïa ka hima ka jong U Blei;

KI KAM 24:27

Hynrei, ynda la dap ar snem, u Porkios Phistos u la wan ha ka jaka u Pheliks; te u Pheliks ba u da mon ban pynsngewbha ïa kita ki Jiw, u la pynsah ïa u Paul ha ki 'saikhum.

KI KAM 25:9

Hynrei, u Phistos, ba u da mon ban pynsngewbha ïa kita ki Jiw, u la ïathuh ha u Paul, bad u la ong, “Me kwah leit kiew sha Jerusalem, ïa ka ban bishar ïa me hangta shaphang kine kiei kiei ha khmat jong nga?”

Ka Shithi U Paul Sha Ki Nong Rom 1:32

kiba haba ki la ïatip biang ïa kata ka jingbuh hukum ka jong U Blei, ba kita kiba ïai-leh kat kita kiei kiei ruh, ka dei ïa ki, ban ïap, pynban, ym tang ba ki shu leh ïa ki, hynrei, ki ïasngewbha lem ruh bad kita kiba ïai-leh ïa ki.

DEUTERONOMI 1:17

Wat ñiew shiliang khmat ha ka jingbishar; hynrei, phin sngap ïa u barit kum ïa u bakhraw; phin ym sheptieng ïa ka khmat u briew; namar kata ka jingbishar ka long ka jong U Blei: te ïa ka kam kaba kham eh ïa phi to wallam ha nga, bad nga ngan sngap ïa kata keiñ.’

DEUTERONOMI 16:19

Men ym pynkynriang ïa ka jingbishar; me wat ñiew shiliang khmat: wat bamsap; namar kaba bamsap, ka pynmatlah ïa ki khmat jong ki bastad, bad ka pynkylla dor ïa ki ktien jong ki bahok.

DEUTERONOMI 24:17

“Men ym pynbakla ïa ka jingbishar ïa u nongwei, lymne ïa ki khunswet; lymne wat shim bynda ïa ka jaiñkup ka riewkynthei:

JOSHUA 24:15

Bad lada kam idei ïa phi ban shakri ïa U Trai, to jied phi ha kane ka sngi ïano phin shakri; ïa kita kiba ki kpa jong phi ki la shakri kiba la don sha shiliang kata ka Wah, lane ïa kita ki blei ki Amor, kiba phi shong ha ka ri jong ki: hynrei, ma nga bad ka ïing jong nga ngin shakri ïa U Trai.”

1 SAMUEL 15:24

Te u Saul u la ong ha u Samuel, “Nga la leh pop: namar ba nga la palat ïa ka hukum U Trai, bad ïa ki ktien jong me: naba nga la sheptieng ïa ki paidbah, bad ba nga la kohnguh ïa ki ktien jong ki.

1 SAMUEL 15:9

Hynrei, u Saul bad kita ki briew ki la ri im ïa u Agag, bad ïa ki babha tam na ki langbrot, bad na ki masi ïa kiba kham sngaid, bad ïa ki khun langbrot, bad ïa kiei kiei baroh ki babha, bad kim pynjot noh khoit ïa ki: hynrei, ïa kaei kaei baroh ka basniew bad ka bymdonkam, ïa kata ki la pynjot noh khoit.