EKSODOS 23:19 - KA BAIBL

¹⁹ “Men wallam ïa u banyngkong na ki soh nyngkong ka khyndew jong me ha ka ïing U Trai U Blei jong me. Wat shet ïa u khun blang ha ka dud ka kmie jong u.

Khasi CL Bible (BSI)

¹⁹ “Wallam man ka snem sha ka ïing U Trai U Blei jong phi ïa u soh nyngkong uba phi ot. “Wat shet ïa u khunblang ne khunlangbrot ha ka dud ka kmie jong u.

EKSODOS 23:19 ပူးပေါင်းရင်းမြစ်များ

NEHEMAÏAH 10:35

bad ban wallam ïa ki soh nyngkong ka khyndew jong ngi, bad ïa ki soh nyngkong ki kynja dieng soh baroh, man la ka snem, ha ka ïing U Trai:

NEHEMAÏAH 10:36

bad kiba kha nyngkong na ki khun shynrang jong ngi ruh, bad na ki jingri jong ngi, kumba la thoh ha Ka Hukum, bad ïa kiba kha nyngkong na ki kynhun masi jong ngi bad na ki kynhun langbrot jong ngi, ban wallam ha ka ïing U Blei jong ngi, ha ki lyngdoh kiba shakri ha ka ïing U Blei jong ngi:

EKSODOS 22:28

“Men ym krenbeiñ ïa ki nongbishar, lymne men ym tim ïa u rangbah u paidbah jong me.

EKSODOS 22:29

“Men ym pyntud ban ainguh ïa u banyngkong na ki soh ba-ih jong me, bad na ki umsoh jong me. Men ai ha nga ïa u banyngkong na ki khun shynrang jong me.

EKSODOS 34:26

To men wallam sha ïing U Trai U Blei jong me ïa u babha tam eh na ki soh nyngkong ka ri jong me. Wat shet ïa u khun blang ha ka dud ka kmie jong u.”

PROBERB 12:10

U bahok u sumar ïa ka jingim u mrad jong u: hynrei, ki jingisynei ki bajem jong u bymman ki long kiba dom.

PROBERB 3:9

To burom ïa U Trai da la ka spah, bad da ki soh nyngkong ka jingmih jong me baroh:

JEREMAÏAH 10:3

Naba ki rukom ki kynja bynriew ki long ka jingthala: naba u briew u khet ïa u dieng na khlaw, ka kam ki kti u nongtrei da u sdie.

ESEKIEL 44:30

Bad kaba nyngkong na ki soh nyngkong na kiei kiei baroh, bad ka jingainguh baroh na ki jingainguh jong phi baroh, kan long na ka bynta ki lyngdoh: phin ai ruh ha u lyngdoh ïa kaba nyngkong na u 'pu im jong phi, ban pynlong ka jingkyrkhu ban sah ha ka ïing jong me.

ESEKIEL 48:13

Bad ka ban ïadei bad ka pud ki lyngdoh, ki Lebi kin ïoh arphew san hajar ka lynter, bad shiphew hajar ka pyngkiang: ka lynter baroh kan long arphew san hajar, bad ka pyngkiang, shiphew hajar.

ESEKIEL 48:14

Te kim dei ban die noh na ka, lymne ïapli ïa ka, lymne ïa ki soh nyngkong ka khyndew yn ym pynbakla shawei: namar ka long ka bakyntang ha U Trai.

JINGKHEIÑ 15:21

Na uta u kpu im banyngkong jong phi, phin ainguh ïa ka jingainguh bakyntiew ha U Trai ha ki pateng la pateng jong phi.’

1 KORINTH 15:20

Hynrei, mynta, ïa U Khrist la pynmih pat na ki baïap, bad u la jia long u soh nyngkong keiñ na kita kiba la ïohthiah noh.

DEUTERONOMI 14:21

“Phin ym ïoh bam ïa kaei kaei ruh ka baïap hi: men ai ïa ka ha u nongwei uba ha ki khyrdop jong me, ba un ïoh bam ïa ka; lane me lah ban die ïa ka ha u nongwan hap: naba me long u paidlang u bakyntang ha U Trai uba U Blei jong me. “Men ym shet ïa u khun blang ha ka dud la ka kmie.

DEUTERONOMI 26:10

Mynta te, ha khmih, nga la wallam ïa u soh nyngkong jong kata ka ri, ïa kaba ma me, A Trai, me la ai ha nga.’ Bad men buh ïa u, ha khmat U Trai uba U Blei jong me, bad men mane ha khmat U Trai uba U Blei jong me.

DEUTERONOMI 26:2

ba men shim na u soh nyngkong jong ka khyndew baroh, ïa uba men wallam na ka ri jong me ïa kaba U Trai uba U Blei jong me u ai ha me; men buh ruh ha ka shang, bad men leit sha kata ka jaka ïa kaba U Trai uba U Blei jong me un jied ban buh ïa la ka kyrteng ha ka.

JINGPYNPAW 14:4

Kine ki long kita ïa kiba ym shym la pynbit-tngit bad ki kynthei, namar ki long ki rangsotti. Kine ki long kita kiba bud ïa uta U Khun langbrot kat shaba u leit. Ïa kine la siewspah noh napdeng ki briew, kum u soh nyngkong ha U Blei bad ha uta U Khun langbrot.